យោងតាមការស្រាវជ្រាវនិងការផ្សាយរបស់សារព័ត៌មានបរទេស តាមជំនឿបុរាណ ការរក្សាលាភសំណាងឱ្យនៅជាប់ខ្លួនពេញមួយឆ្នាំ តម្រូវឱ្យលោកអ្នកតមដាច់ខាតនូវការកក់សក់ ឬកាត់សក់នៅថ្ងៃដំបូងនៃឆ្នាំថ្មី ព្រោះពាក្យ “សក់” មានសូរស័ព្ទដូចទៅនឹងពាក្យ “ទ្រព្យសម្បត្តិ” ដែលការធ្វើបែបនេះប្រៀបដូចជាការលាងជម្រះ…
យោងតាមការស្រាវជ្រាវនិងការផ្សាយរបស់សារព័ត៌មានបរទេស តាមជំនឿបុរាណ ការរក្សាលាភសំណាងឱ្យនៅជាប់ខ្លួនពេញមួយឆ្នាំ តម្រូវឱ្យលោកអ្នកតមដាច់ខាតនូវការកក់សក់ ឬកាត់សក់នៅថ្ងៃដំបូងនៃឆ្នាំថ្មី ព្រោះពាក្យ “សក់” មានសូរស័ព្ទដូចទៅនឹងពាក្យ “ទ្រព្យសម្បត្តិ” ដែលការធ្វើបែបនេះប្រៀបដូចជាការលាងជម្រះ ឬកាត់ផ្ដាច់លុយកាក់ចេញពីខ្លួនដូច្នោះដែរ។
បម្រាមដ៏តឹងរ៉ឹងមួយទៀតគឺការប្រើប្រាស់អំបោសបោសផ្ទះ ការបោកខោអាវ ឬការបោះសំរាមចោលក្នុងថ្ងៃមង្គលនេះ ដោយសារគេជឿថាវាគឺជាការបណ្ដេញទេវតាទ្រព្យ និងបោសសម្អាតលាភជ័យចេញពីផ្ទះ នាំឱ្យអ្នកជួបការខ្វះខាតពេញមួយឆ្នាំ។ លើសពីនេះ ការប្រើប្រាស់វត្ថុមុតស្រួចដូចជា កន្ត្រៃ ឬកាំបិត ក៏គួរត្រូវបានជៀសវាង ព្រោះវាជានិមិត្តរូបនៃការកាត់ផ្ដាច់ចំណងមិត្តភាព និងកាត់ផ្ដាច់ខ្សែរាសីឱ្យធ្លាក់ចុះ។
ក្រៅពីសកម្មភាព ការប្រុងប្រយ័ត្នលើសម្ដីសម្ដៅ និងអារម្មណ៍ក៏ជារឿងសំខាន់បំផុតដែរ ដោយលោកអ្នកមិនត្រូវនិយាយពាក្យអសុរោះ ជេរប្រមាថ ឬយំសោកឡើយ ព្រោះភាពវិជ្ជមានក្នុងថ្ងៃដំបូងគឺជាគ្រឹះនៃសុភមង្គលសម្រាប់ខែបន្តបន្ទាប់។ ការបរិភោគបបរនៅពេលព្រឹកក៏ត្រូវបានហាមឃាត់ ព្រោះកាលពីដើមបបរគឺជាអាហាររបស់អ្នកក្រីក្រ ដូច្នេះការញ៉ាំបបរនៅថ្ងៃចូលឆ្នាំអាចនាំឱ្យរាសីធ្លាក់ចុះ និងជួបការលំបាកក្នុងជីវភាព។
ជាចុងក្រោយ លោកអ្នកត្រូវប្រយ័ត្នបំផុតកុំឱ្យមានការបែកបាក់របស់របរប្រើប្រាស់ក្នុងផ្ទះ ដូចជា ចាន ឬកែវ និងហាមដាច់ខាតការស្លៀកពាក់ពណ៌ខ្មៅ ឬស ដែលជាពណ៌តំណាងឱ្យភាពសោកសៅ និងពិធីបុណ្យសព ដើម្បីធានាថាឆ្នាំថ្មី ២០២៦ នឹងមានតែរឿងរីករាយ និងលុយកាក់ហូរចូលដូចទឹក៕
ចែករំលែកព័តមាននេះ