ក្រឡាប់ជាច្រើនត្រឡប់ ស្លា.ប់និងរបួសរដូករណែលពេញផ្លូវ
ខេត្តបន្ទាយមានជ័យ ៖ គ្រោះថ្នាក់ចរាចរណ៍ដ៏រន្ធត់មួយបណ្ដាលឲ្យក្រឡាប់ជាច្រើនត្រឡប់រថយន្តឡើងសំប៉ែតស្ទើរដូចចេកចៀន ឯអ្នកជិះក្នុងរថយន្តស្លា.ប់ និងរបួស …
ខេត្តបន្ទាយមានជ័យ ៖ គ្រោះថ្នាក់ចរាចរណ៍ដ៏រន្ធត់មួយបណ្ដាលឲ្យក្រឡាប់ជាច្រើនត្រឡប់រថយន្តឡើងសំប៉ែតស្ទើរដូចចេកចៀន ឯអ្នកជិះក្នុងរថយន្តស្លាប់ និងរបួសរដូករណែលពេញផ្លូវ ។ ហេតុការណ៍នេះកើតឡើងកាលពីវេលាម៉ោង៤រសៀលថ្ងៃទី១៤ ខែកុម្ភៈ ឆ្នាំ២០១៧ នៅភូមិសង្កែ ឃុំបឹងបេង ស្រុកម៉ាឡៃ ខេត្តបន្ទាយមានជ័យ ។
ប្រភពពីនគរបាលចរាចរណ៍ស្រុកម៉ាឡៃបានប្រាប់តាមទូរស័ព្ទឲ្យដឹងថា គ្រោះថ្នាក់ចរាចរណ៍នេះកើតឡើងដោយខ្លួនឯង គឺរថយន្តបើកក្នុងល្បឿនលឿន ខណៈដល់ផ្លូវកោងកាច់ចង្កូតមិនទាន់បណ្ដាលឲ្យធ្លាក់ផ្លូវក្រឡាប់ជាច្រើនត្រឡប់ ស្លាប់ និងរបួសរដូករណែលពេញផ្លូវតែម្តង ។
ប្រភពឲ្យដឹងទៀតថា ជនរងគ្រោះក្នុងហេតុការណ៍នេះមាន ១-ឈ្មោះ ហួរ សុខផៃ ភេទប្រុស អាយុ៣៩ឆ្នាំ មានទីលំនៅភូមិ១៣មករា សង្កាត់ស្វាយប៉ោ ក្រុងបាត់ដំបង ជាអ្នកបើកបរ (ស្លាប់), ២-ឈ្មោះ ធិញ ចាន់ធឿន ភេទស្រី មានទីលំនៅភូមិ២ សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ (ស្លាប់), ៣-ឈ្មោះ ជុំ គឹមហ្គេច ភេទស្រី អាយុ២១ឆ្នាំ មានទីលំនៅភូមិវត្តគរ ឃុំដំណាក់លួង ស្រុកបាត់ដំបង (ស្លាប់) និងស្រីម្នាក់ទៀតរបួសធ្ងន់មិនទាន់ស្គាល់អត្តសញ្ញាណនៅឡើយទេ ព្រោះត្រូវបានបញ្ជូនទៅសង្គ្រោះបន្ទាន់មិនអាចសួរនាំបាន ៕
ចែករំលែកព័តមាននេះ