អភិបាលនៃគណៈអភិបាលក្រុងព្រះសីហនុក្រុងថ្មី លោក សរ កក្កដា បានចង្អុលបង្ហាញឲ្យលោក គង់ សសុផាន់ណ្ណៈ ដែលជានាយករងរដ្ឋបាលក្រុង ឲ្យបន្តដឹកនាំកម្លាំងគណៈបញ្ជាការឯកភាពក្រុងចុះពិនិត្យ ណែនាំ និងជំរុញបន្ថែមលើ
ខេត្តព្រះសីហនុ ៖ នៅព្រឹកថ្ងៃទី១០ ខែកញ្ញា ឆ្នាំ២០២២ នេះ អភិបាលនៃគណៈអភិបាលក្រុងព្រះសីហនុក្រុងថ្មី លោក សរ កក្កដា បានចង្អុលបង្ហាញឲ្យលោក គង់ សសុផាន់ណ្ណៈ ដែលជានាយករងរដ្ឋបាលក្រុង ឲ្យបន្តដឹកនាំកម្លាំងគណៈបញ្ជាការឯកភាពក្រុងចុះពិនិត្យ ណែនាំ និងជំរុញបន្ថែមលើការងារសណ្តាប់ធ្នាប់សាធារណៈ អនាម័យ បរិស្ថាន នៅចំណុចទីតាំងជុំវិញផ្សារលើនេះ ឱ្យមានប្រសិទ្ធភាព។
លោក គង់ សសុផាន់ណ្ណៈ បានប្រាប់ឱ្យដឹងថា ព្រឹកនេះ ឃើញថាបងប្អូនអាជីវករដែលរស់នៅ និងលក់ដូរតាមបណ្តោយផ្លូវជុំវិញផ្សារលើជាច្រើន បានចូលរួមសហការជាមួយអាជ្ញាធរក្នុងការរក្សាសណ្តាប់ធ្នាប់ អនាម័យបរិស្ថាន ប៉ុន្តែនៅតែមានបងប្អូនមួយចំនួនមិនទាន់បានចូលរួមសហការ និងនៅតែដាក់សម្ភារៈលក់ដូរ ចតរថយន្ត-ម៉ូតូនៅលើចិញ្ចើមផ្លូវសាធារណៈដដែល ជាហេតុបណ្តាលឱ្យស្ទះចរាចរណ៍ និងបាត់បង់សណ្តាប់ធ្នាប់សាធារណៈ។
លោក គង់ សសុផាន់ណ្ណៈ បានបញ្ជាក់បន្ថែមទៀតថា ចំពោះបងប្អូនអ្នកលក់ដូរមួយចំនួនដែលនៅតែរឹងទទឹងមិនចូលរួមសហការជាមួយអាជ្ញាធរ ក្នុងការរៀបចំរៀបចំសណ្តាប់ធ្នាប់ នឹងចាត់វិធានការរដ្ឋបាល ចាប់យកសម្ភារៈបងប្អូនយកទៅរក្សាទុកនៅសាលាក្រុងមិនទទួលខុសត្រូវរាល់ការខូចខាតឡើយ។
អាស្រ័យដូចបានជំរាបជូនខាងលើនេះ សូមបងប្អូនប្រជាពលរដ្ឋទាំងអស់ មេត្តាចូលរួមសហការ ដើម្បីរៀបចំសណ្តាប់ធ្នាប់សាធារណៈ រក្សាអនាម័យ-បរិស្ថាន និងសោភ័ណភាពទីក្រុង របស់យើងទាំងអស់គ្នា៕
ចែករំលែកព័តមាននេះ