កាមរីឆ្លាមបើកទៅបុកពីក្រោយត្រាក់ទ័រ របួសធ្ងន់ស្រាល៥នាក់
ខេត្តពោធិ៍សាត់ ៖ យ៉ាងហោចណាស់មនុស្សចំនួន០៥នាក់បានរងរបួសធ្ងន់ និងស្រាលដោយគ្រោះថ្នាក់ចរាចរណ៍ដែលបង្កឡើងដោយរថយន្ដកាមរីឆ្លាមបើកទៅបុក
ខេត្តពោធិ៍សាត់ ៖ យ៉ាងហោចណាស់មនុស្សចំនួន០៥នាក់បានរងរបួសធ្ងន់ និងស្រាលដោយគ្រោះថ្នាក់ចរាចរណ៍ដែលបង្កឡើងដោយរថយន្ដកាមរីឆ្លាមបើកទៅបុក
ខេត្តពោធិ៍សាត់ ៖ យ៉ាងហោចណាស់មនុស្សចំនួន០៥នាក់បានរងរបួសធ្ងន់ និងស្រាលដោយគ្រោះថ្នាក់ចរាចរណ៍ដែលបង្កឡើងដោយរថយន្ដកាមរីឆ្លាមបើកទៅបុកពីក្រោយត្រាក់ទ័រសណ្ដោងរ៉ឺម៉កដែលចតស្ងៀមនៅលើចិញ្ចើមផ្លូវជាតិលេខ៥ ត្រង់ចំណុចស្ពានស្រះស្រង់ ស្ថិតក្នុងភូមិទួលម្កាក់ សង្កាត់រលាប ក្រុងពោធិ៍សាត់ កាលពីវេលាម៉ោង០៥និង៣០នាទីទាបភ្លឺ ថ្ងៃទី១៣ ខែកុម្ភៈ ឆ្នាំ២០១៧។ នគរបាលចរាចរណ៍ផ្លូវគោកបានឲ្យដឹងថា កាលពីវេលាម៉ោងប្រមាណ០៥ទាបភ្លឺ ឈានចូលថ្ងៃទី១៣ មានត្រាក់ទ័រ ឈូសដីមួយគ្រឿងសណ្ដោងរ៉ឺម៉កពីក្រោយ ដែលនៅលើរ៉ឺម៉កនោះមានដឹកម៉ាស៊ីនច្រូតស្រូវផងដែរ។
ត្រាក់ទ័របានធ្វើដំណើរពីលិចទៅកើតទៅដល់ចំណុចកើតហេតុបានបែកកង់រ៉ឺម៉កខាងក្រោយផ្នែកខាងស្ដាំក៏អែបលើចិញ្ចើមផ្លូវដើម្បីឈប់ប្ដូរកង់។ ខណៈដែលកំពុងដោះកង់ដើម្បីប្ដូរនោះ ស្រាប់តែមានរថយន្ដកាមរីមួយគ្រឿងពណ៌ត្រីឆ្លូញពាក់ស្លាកលេខភ្នំពេញ 2I-2353 បោះពួយយ៉ាងលឿនមកពីក្រោយ។ ពេលមកដល់ចំណុចកើតហេតុវាក់នឹងត្រាក់ទ័រនោះក៏បួងចង្កូតទៅឆ្វេង ប៉ុន្តែមិនផុតក៏បុកបញ្ឆិតជ្រុងខាងឆ្វេងរ៉ឺម៉កជាប់ទៅមុខលែងរួច បណ្ដាលឲ្យអ្នកជិះក្នុងរថយន្ដចំនួន០៥នាក់រងរបួសធ្ងន់ និងស្រាល រីឯរថយន្ដបែកកញ្ចក់រួញដំបូលខូចខាតយ៉ាងដំណំ។
អ្នកបើកបររថយន្តឈ្មោះ អ៊ឹង គឹមហួន ភេទប្រុស អាយុ៥៤ឆ្នាំ រស់នៅភូមិមហាទេព សង្កាត់ស្វាយប៉ោ ក្រុងបាត់ដំបង ខេត្តបាត់ដំបង ជាអ្នករត់តាក់ស៊ីបាត់ដំបង ភ្នំពេញ។ អ្នករងរបួសធ្ងន់ និងស្រាល គឺជាអ្នកធ្វើដំណើរតាមតាក់ស៊ីហើយបានឡើងរថយន្តផ្សេងទៀតបន្តដំណើរទៅគោលដៅរៀងៗខ្លួន។ ចំណែកម្ចាស់ត្រាក់ទ័រដឹកម៉ាស៊ីនកិនស្រូវនោះឈ្មោះ ខុម វណ្ណី ភេទប្រុស អាយុ២៥ឆ្នាំ រស់នៅភូមិដូងជ្រុំ ឃុំបឹងបត់កណ្ដោល ស្រុកបាកាន ខេត្តពោធិ៍សាត់។ រថយន្ដ និងត្រាក់ទ័របង្កគ្រោះថ្នាក់សមត្ថកិច្ចបានយកទៅរក្សាទុកនៅអធិការដ្ឋាននគរបាលក្រុងពោធិ៍សាត់ដើម្បីដោះស្រាយទៅតាមច្បាប់ចរាចរណ៍ផ្លូវគោក៕
ចែករំលែកព័តមាននេះ