មន្ត្រីការិយាល័យផលិតកម្ម និងបសុព្យាបាល ចុះចាក់ថ្នាំការពារជំងឺសាទឹកស្រុកកំពង់លែង
ខេត្តកំពង់ឆ្នាំង ៖ ការិយាល័យផលិតកម្ម និងបសុព្យាបាល នៃមន្ទីរកសិកម្ម រុក្ខាប្រមាញ់ និងនេសាទ ខេត្តកំពង់ឆ្នាំង នៅព្រឹកថ្ងៃទី១៣ ខែកុម្ភៈ ឆ្នាំ២០១៧នេះ
ខេត្តកំពង់ឆ្នាំង ៖ ការិយាល័យផលិតកម្ម និងបសុព្យាបាល នៃមន្ទីរកសិកម្ម រុក្ខាប្រមាញ់ និងនេសាទ ខេត្តកំពង់ឆ្នាំង នៅព្រឹកថ្ងៃទី១៣ ខែកុម្ភៈ ឆ្នាំ២០១៧នេះ
ខេត្តកំពង់ឆ្នាំង ៖ ការិយាល័យផលិតកម្ម និងបសុព្យាបាល នៃមន្ទីរកសិកម្ម រុក្ខាប្រមាញ់ និងនេសាទ ខេត្តកំពង់ឆ្នាំង នៅព្រឹកថ្ងៃទី១៣ ខែកុម្ភៈ ឆ្នាំ២០១៧នេះ បានបន្តចុះចាក់ថ្នាំការពារជំងឺសាទឹក នៅភូមិក្នុង និងភូមិល្វា ក្នុងឃុំស្វាយរំពារ ស្រុកកំពង់លែង ដោយមានការចូលរួមពីអាជ្ញាធរមូលដ្ឋាន និងប្រជាពលរដ្ឋយកសត្វគោ ក្របីរបស់ខ្លួនមកចាក់ថ្នាំជាច្រើនគ្រួសារផងដែរ។
លោកស្រី ម៉ក់ សុខឌី អនុប្រធានការិយាល័យផលិតកម្ម និងបសុព្យាបាល នៃមន្ទីរកសិកម្ម រុក្ខាប្រមាញ់ និងនេសាទ ខេត្តកំពង់ឆ្នាំង បានឲ្យដឹងថា ការចុះចាក់ថ្នាំការពារជំងឺសារទឹក ជូនសត្វគោ ក្របី របស់ប្រជាពលរដ្ឋ ក្នុងស្រុកកំពង់លែងមានរយៈពេល៣ថ្ងៃមកហើយ ជាលទ្ធផលបណ្តោះអាសន្ន គិតត្រឹមថ្ងៃទី១៣ ខែកុម្ភៈ ឆ្នាំ២០១៧នេះ មន្ត្រីការិយាល័យផលិតកម្ម និងបសុព្យាបាល បានចាក់ថ្នាំការពារជំងឺសាទឹក ទៅលើគោក្របីប្រជាពលរដ្ឋ បានចំនួន១៣៣គ្រួសារ មានចំនួនសត្វសរុប១.២២៨ក្បាល ក្នុងនោះគោ៧៨ក្បាល និងក្របី១១៤០ក្បាល និងបានចែកថ្នាំ(Th4)បាញ់សម្លាប់មេរោគ តាមក្រោលក្របីបាន៤៧ក្រោល និងក្រោលគោបាន៧ក្រោល។
ក្នុងឱកាសនោះលោកស្រី ម៉ក់ សុខឌី អនុប្រធានការិយាល័យផលិតកម្ម និងបសុព្យាបាលខេត្ត បានផ្តាំផ្ញើដល់បងប្អូនប្រជាពលរដ្ឋទាំងអស់ ត្រូវប្រញាប់យកគោ ក្របី មកចាក់ថ្នាំការពារជំងឺសាទឹកឲ្យទាន់ពេលវេលា ព្រោះថារដូវក្តៅបានចូលមកដល់ហើយ ទាន់មានឱកាសមន្ត្រីពេទ្យសត្វចុះចាក់ថ្នាំការពារជំងឺកាចសាហាវលើសត្វចញ្ចឹមជាកម្លាំងអូសទាញរបស់បងប្អូន ហើយការចាក់ថ្នាំនេះនៅសល់តែប៉ុន្មានថ្ងៃតែប៉ុណ្ណោះ មន្ត្រីពេទ្យសត្វនឹងបន្តទៅចាក់នៅស្រុកផ្សេងទៀត ហើយម្យ៉ាងវិញទៀត បើសត្វគោ ក្របី របស់បងប្អូនជួបបញ្ហាដែលសង្ស័យថាមានជំងឺ ត្រូវប្រញាប់ទំនាក់ទំនងជាមួយភ្នាក់ងារសុខភាពសត្វភូមិ ដែលនៅជិតបងប្អូនឲ្យបានឆាប់បំផុត៕
ចែករំលែកព័តមាននេះ