ហួសចិត្ត ! មិនគួរនៅក្នុងផ្សារអ្នកលឿងមានច្រើនដល់ម្ល៉ឹងសោះ
ខេត្តព្រៃវែង ៖ កាលពីព្រឹកថ្ងៃទី១៣ ខែកុម្ភៈ ឆ្នាំ២០១៧ មន្ត្រីកាំកុងត្រូលសាខាខេត្តព្រៃវែង បានចុះត្រួតពិនិត្យតាមស្តង់លក់ដូរនៅក្នុងផ្សារអ្នកលឿង ដោយរកឃើញ និងដកហូត …
ខេត្តព្រៃវែង ៖ កាលពីព្រឹកថ្ងៃទី១៣ ខែកុម្ភៈ ឆ្នាំ២០១៧ មន្ត្រីកាំកុងត្រូលសាខាខេត្តព្រៃវែង បានចុះត្រួតពិនិត្យតាមស្តង់លក់ដូរនៅក្នុងផ្សារអ្នកលឿង ដោយរកឃើញ និងដកហូតបានទំនិញខូចគុណភាពជាច្រើនមុខ ។
សកម្មភាពចុះពិនិត្យគុណភាពទំនិញនេះ ដឹកនាំដោយលោក ប្រាក់ ករុណា ប្រធានទីផ្សារសាខាកាំកុងត្រូលខេត្តព្រៃវែង ក្រោយមការបញ្ជាចាត់ចែងដោយលោក អ៊ុត សុភាព ប្រធានសាខាខេត្ត ក្នុងគោលបំណងដើម្បីការពារនិងលើកកម្ពស់សុខុមាលភាពប្រជាពលរដ្ឋ ដែលជាអ្នកប្រើប្រាស់ទំនិញទាំងនោះ និងរួមចំណែកលើកស្ទួយសេដ្ឋកិច្ចជាតិផងដែរ ។
លោក ប្រាក់ ករុណា បានឲ្យដឹងថា ក្នុងពេលចុះពិនិត្យគុណភាពទំនិញនេះ មន្ត្រីកាំកុងត្រូលបានធ្វើការពន្យល់ណែនាំ និងបង្ហាញដល់ក្រុមអាជីវករអំពីវិធីសាស្ត្រថែទាំ ការដាក់តាំងលក់ និងការរក្សាទុកមុខទំនិញឲ្យស្របទៅតាមលក្ខណៈស្តង់ដារ និងផ្តោតទៅលើអនាម័យផងដែរ ព្រមទាំងបានបង្រៀនក្រុមអាជីវករ និងប្រជាពលរដ្ឋ អំពីរបៀបមើលកាលបរិច្ឆេទនៃទំនិញ សម្រាប់ជាគុណប្រយោជន៍ដល់សុខភាពរបស់អ្នកប្រើប្រាស់ទៀតផង ។
ដោយឡែក សម្រាប់ប់ទំនិញខូចគុណភាពដែលត្រូវមន្ត្រីជំនាញកាំកុងរកឃើញ និងដកហូតបាននោះមានចំនួន៧មុខ ស្មើនឹង៥០,៦៥គីឡូក្រាម ដែលក្នុងនោះរួមមាន ទឹកគោជល់ដបជ័រផលិតនៅវៀតណាមចំនួន១០២ដប ទឹកក្រូចកូកាកូឡា១២ដប ទឹកសេរ៉ូរូបសេក១១ដប តែក្រូចឆ្មា៣ប្រអប់ ស្ករគ្រាប់ត្រាវ៤កញ្ចប់ នំឆ្អឹងខ្លា៦កញ្ចប់ ព្រមទាំងចាហួយដូង យីហោ ហេង ហេង ចំនួន២០០កញ្ចប់ផងដែរ៕
ចែករំលែកព័តមាននេះ