ពិធីបុណ្យសែនព្រះខែ នឹងត្រូវប្រារព្ធឡើង នៅថ្ងៃទី១០ ខែកញ្ញា ឆ្នាំ២០២២ ខាងមុខនេះ ខណៈពិធីបុណ្យមួយនេះ គេនិយមធ្វើឡើងជារៀងរាល់ឆ្នាំ ក្នុងថ្ងៃព្រះចន្ទពេញបូណ៌មី ជាថ្ងៃដែលព្រះចន្ទមានពន្លឺខ្លាំងក្នុងរយៈពេលមួយឆ្នាំ។បុណ្យសែនព្រះខែ…
ពិធីបុណ្យសែនព្រះខែ នឹងត្រូវប្រារព្ធឡើង នៅថ្ងៃទី១០ ខែកញ្ញា ឆ្នាំ២០២២ ខាងមុខនេះ ខណៈពិធីបុណ្យមួយនេះ គេនិយមធ្វើឡើងជារៀងរាល់ឆ្នាំ ក្នុងថ្ងៃព្រះចន្ទពេញបូណ៌មី ជាថ្ងៃដែលព្រះចន្ទមានពន្លឺខ្លាំងក្នុងរយៈពេលមួយឆ្នាំ។បុណ្យសែនព្រះខែ គឺជាពេលជួបជុំដ៏រីករាយរបស់សមាជិកគ្រួសារ ដើម្បីបង្ហាញក្ដីស្រឡាញ់ និងការនឹករលឹកគ្នា។ពិធីបុណ្យសែនព្រះខែ គឺធ្វើឡើងចំថ្ងៃដែលព្រះច័ន្ទពេញបូណ៌មីជារៀងរាល់ឆ្នាំ។
ជនជាតិចិនបានរៀបចំពិធីបុណ្យសែនព្រះខែ ដោយតុបតែងលម្អគោមភ្លើងពណ៌ក្រហម នៅពេលយប់ ហើយទទួលទានអាហារជុំគ្នាប្រកបដោយសេចក្តីសុខ ។ សារសំខាន់នៃបុណ្យសែនលោកខែ គឺជនជាតិចិនសំពះសុំពរពីមនុស្សជាទីស្រឡាញ់របស់ខ្លួននៅក្នុងក្រុមគ្រួសារ ។ហោរាចិនលើកឡើងថា ពិធីបុណ្យសែនលោកខែ គឺជាការសែនព្រេននៅក្នុងបរិវេណដ៏អធិកអធម ប្រកបដោយសេចក្តីសុខពីមនុស្សនៅគ្រប់ទិសទី ។
ការប្រារព្ធពិធីបុណ្យសែនលោកខែរបស់ជនជាតិចិន ជាឱកាសដ៏ល្អកម្រមាន ព្រោះជោគជតារាសី គឺសំដៅទៅលើសេចក្តីសុខ ក្តីស្រឡាញ់ និងសាមគ្គីភាពរបស់មនុស្សនៅក្នុងក្រុមគ្រួសារ។ ចាត់ទុកថាជាពិធីសែនព្រេនមួយសុំឱ្យមនុស្សគ្រប់រូបមានសេចក្តីសុខនៅពេលយប់នៃពិធីសែនព្រះខែ។
ពិធីសែនក្រៅពីមាននំនែក គឺគេដាក់ផ្លែឈើមានរាងមូល និងស្អាត ដូចជាក្រូចថ្លុង, ផ្លែប៉ោម, ចេក, ក្រូចឃ្វិច និងទំពាំងបាយជូរជាដើម។គេចាប់ផ្តើមសែនគេនាំគ្នាអុជធូប ទៀន ហើយពេលអស់ធូបដោយយកនំនែក ឬផ្លែឈើមកទទួលទានរួមគ្នា ដើម្បីធ្វើឱ្យបរិយាកាសប្រកបដោយភាពអធិកអធម រួមទាំងក្តីស្រឡាញ់ក្នុងក្រុមគ្រួសារ ។រឿងព្រេងនិទានពីបុណ្យសែនព្រះខែតាមប្រពៃណីចិននំសែនព្រះខែ គឺជាវត្ថុដ៏សំខាន់ប្រើនៅក្នុងពិធីបុណ្យ «សែនព្រះខែ» ឬ «ពិធីបុណ្យជុងឈីវ» នៅខែពេញបូណ៌មីតាមប្រពៃណីចិន ។
ជនជាតិចិនមានជំនឿថា «ព្រះចន្ទ» តំណាង ឱ្យស្ត្រីភេទ មានភាពស្រស់ស្រាយ ត្រជាក់ត្រជុំ និងជានិមិត្តរូបនៃក្តីស្រឡាញ់ ។
ទំនៀមទម្លាប់នៃពិធីបុណ្យសែនព្រះខែ មានរឿងព្រេងនិទានពីព្រះនាង «ទេពធីតាឆាងអឺ» ។រឿងព្រេងនិទានតំណាលថាព្រះនាងឆាងអឺ ជាស្ត្រីដ៏ស្រស់ស្អាតបានសោយថ្នាំវេទមន្តដ៏វិសេសធ្វើឱ្យអាចហោះហើរនៅលើដួងព្រះចន្ទបាន ។ ក្រោយមកព្រះនាងឆាងអឺ មានជីវិតអមតៈ ក្លាយជា«ទេពធីតានៃព្រះចន្ទ»។ព្រះនាងឆាងអឺ គឺជាទេពធីតា មានក្តីមេត្តាដល់មនុស្សលោក ។ នៅពេលឈានចូលដល់រដូវដាំដុះ ព្រះនាងឆាងអឺតែងតែប្រោះព្រំទឹកអម្រឹតលើផែនដី និងស្រោចស្រពដំណាំរបស់កសិករ ។ ដោយសារបែបនោះហើយទើបមនុស្សលោកសម្តែងការដឹងគុណព្រះនាងទេពធីតាឆាងអឺ ដោយយកនំដ៏ពិសេសហៅថា «នំសែនព្រះខែ»ដាក់សែនឧទ្ទិសជូន ។
របៀបរបបនៃការសែនព្រះខែ គឺកាលពីដើមឡើយបុរសជនជាតិចិនមិននិយមសែនព្រះខែទេ ព្រោះមានជំនឿថាព្រះចន្ទគឺជាធាតុស្រី ហេតុដូច្នេះទើបឱ្យស្ត្រីជាអ្នកសែន ប៉ុន្តែបច្ចុប្បន្នបុរសក៏អាចសែនព្រះខែបានដែរ និងស្ត្រីជាអ្នកចាប់ផ្តើមសែនដំបូង ។
ពិធីសែនព្រះខែចាប់ផ្តើមតាំងពីសែននៅពេលព្រឹក ឧទ្ទិសដល់បុព្វបុរស និងសែនសំពះព្រះខែនៅពេលព្រលប់ ។ ពិធីសែនចាប់ផ្តើមតាំងពីព្រះចន្ទរះ និងគួរសែនឱ្យរួចរាល់នៅមុនពេលព្រះចន្ទរះនៅចំពីលើក្បាល ។
នៅពេលបញ្ចប់ពិធីសែនព្រះខែ សមាជិកក្រុមគ្រួសារត្រូវជួបជុំគ្នាទទួលទាននំសែនព្រះខែដោយបែងចែកឱ្យស្មើនឹងចំនួនមនុស្សក្នុងគ្រួសារ និងនំត្រូវមានទំហំ ប៉ុនៗគ្នា ។នំសែនព្រះខែ គឺជានិមិត្តរូបនៃសាមគ្គីភាព និងកិច្ចសហការយ៉ាងស្អិតល្មួតរបស់មនុស្សក្នុងគ្រួសារ ៕
ចែករំលែកព័តមាននេះ