ឆេះផ្ទះអ្នកមានទ្រព្យស្តុក ខាតបង់អស់ជាង១០ម៉ឺនដុល្លារ
ខេត្តក្រចេះ ៖ ការព្រួយបារម្ភពីសុវត្ថិភាពដែលបង្កឡើងដោយគ្រោះអគ្គីភ័យពីបងប្អូនប្រជាពលរដ្ឋនៅឃុំសំបុក
ខេត្តក្រចេះ ៖ ការព្រួយបារម្ភពីសុវត្ថិភាពដែលបង្កឡើងដោយគ្រោះអគ្គីភ័យពីបងប្អូនប្រជាពលរដ្ឋនៅឃុំសំបុក
ខេត្តក្រចេះ ៖ ការព្រួយបារម្ភពីសុវត្ថិភាពដែលបង្កឡើងដោយគ្រោះអគ្គីភ័យពីបងប្អូនប្រជាពលរដ្ឋនៅឃុំសំបុក អាជ្ញាធរឃុំ ស្រុកក៏អំពាវនាវឲ្យពលរដ្ឋរស់ត្រូវមានការយក ចិត្តទុកដាក់ខ្ពស់លើហានិភ័យដែលបង្កឡើងដោយគ្រោះអគ្គីភ័យ ខណៈដែលឃុំនៅជាប់ដងទន្លេមេគង្គមួយនេះត្រូវគេមើលឃើញថា ករណីគ្រោះអគ្គីភ័យត្រូវបានកើតមានញឹកញាប់ទ្រង់ទ្រាយធំជាបន្តបន្ទាប់ក្នុងអំឡុងពេល៤ឆ្នាំចុងក្រោយនេះ ។
គ្រោះអគ្គីភ័យមួយទៀតបានឆេះលើផ្ទះគ្រួសារអ្នកមានទ្រព្យធនសម្បត្តិស្តុកស្តម្ភមួយនៅឃុំសំបុក ស្រុកចិត្របុរី ក្នុងមហន្តរាយគ្រោះអគ្គីភ័យមួយទៀតនេះ បានបង្កឲ្យខាតបង់សម្ភារសរុបអស់ជាង១០ម៉ឺនដុល្លារ ។
គ្រោះអគ្គីភ័យដែលនគរបាលមិនទាន់បានកំណត់ថា ផ្តើមចេញពីអ្វីឲ្យប្រាដកនៅឡើយនោះបានបង្កការផ្អើលឆោរឡោពីពលរដ្ឋក្នុងភូមិក៏ដូចជានគរបាលកាលពីវេលាទៀបភ្លឺថ្ងៃទី១១ កុម្ភៈ ។ ជាមួយ និងហេតុការណ៍នេះនគរបាលបានប្រើប្រាស់រថយន្តពន្លត់អគ្គីភ័យចំនួន៣គ្រឿង និងប្រើប្រាស់ទឹកអស់ជាង២០ឡានដើម្បីជួយសង្គ្រោះទប់ស្កាត់មិនឲ្យមានការឆាបឆេះរាលដាលបន្ត ។
បើតាមការឲ្យដឹងពីលោកអនុសេនីយ៍ឯក អ៊ុន ហយ នាយប៉ុស្តិ៍នគរបាលរដ្ឋបាលសំបុកបានឲ្យដឹងថា ម្ចាស់លំនៅឋានរងគ្រោះមួយនេះឈ្មោះ ទីវ បុរី អាយុ៤៧ឆ្នាំ ជាអ្នកមានទ្រព្យធនស្តុកស្តម្ភនៅក្នុងភូមិមានរបររកស៊ីចង់ការប្រាក់ ។ បានរងការឆេះលំនៅឋានធ្វើអំពីឈើប្រក់ក្បឿង ទំហំ៧,៥មែត្រគុណ២០មែ៉ត្រ ចំនួន៤ដំបូល ។
ក្រៅពីការឆេះលំនៅឋាននេះក៏នៅមានសម្ភារសម្រាប់ប្រើសប្រាស់ជាច្រើនដូចជា ឈើប្រណិតជាច្រើនមែ៉ត្រគូប និងសម្ភារលុយកាក់អស់សន្ឋឹកសន្ឋាប់ ប៉ាន់ប្រមាណមិនក្រោមពី១០ម៉ឺនដុល្លារសហរដ្ឋអាមេរិកនោះទេ ៕
ចែករំលែកព័តមាននេះ