«Mirror»ផ្សាយថានាងAmanda Tompkinsជនជាតិអង់គ្លេសអាយុ៣៩ឆ្នាំ រស់នៅខេត្តបាកគីងហេមស៊ែរ ដែលរៀបការ និងមានកូនទៅហើយនោះបានជាប់គុក ក្រោយពីសារភាពថាល្បួងក្មេងប្រុស៧នាក់ទៅរួមរ័កនៅផ្ទះរបស់ខ្លួន ក្នុងរយៈពេល៤ខែ តាំងពីខែកុម្ភៈ ដល់ឧសភា ២០១៦ ។
នារីនោះបានបបួលក្មេងប្រុសចំនួន២ក្រុម ដោយ ម្នាក់ៗមានអាយុមិនដល់១៦ឆ្នាំទៅកម្សាន្តនៅផ្ទះរបស់ខ្លួន ។ ឆ្លៀតពេលនោះនាងបានលួងលោមក្មេងប្រុសដើម្បីរួមរ័កម្តង ម្នាក់ៗ ។
Amandaសារភាពថា នៅក្នុងខែកុម្ភៈនាងបបួលក្មេងប្រុស៣នាក់ទៅបន្ទប់គេងចំនួន២លើក ដើម្បីរួមរ័ក ហើយបានផ្លាស់ប្តូរការរួមរ័កជាមួយក្មេងមួយក្រុមនេះក្នុងឱកាសផ្សេងគ្នា។ ក្រៅពីនេះនាងព្យាយាមរំលោភក្មេងប្រុសម្នាក់ទៀត ។
ក្នុងរយៈពេល២ខែបន្ទាប់ គឺនៅថ្ងៃទី៧ ឧសភា ២០១៦ នាងAmandaបានទាក់ទាញក្មេងប្រុស៣នាក់ទៀតទៅបន្ទប់គេងដូចមុន ហើយលួងលោមរួមរ័កដែរ ។
បច្ចុប្បន្នរឿងក្តីរបស់នាងAmandaត្រូវតុលាការបើកសវនាការ ដោយពីដំបូងនាងសារភាពពីកំហុសរំលោភលើរាងកាយ និងផ្លូវចិត្តសរុប១០ករណី រួមមាន រួមរ័កជាមួយក្មេងប្រុស៧ករណី និងព្យាយាមចាប់រំលោភចំនួន៣ករណី ។
ក្រោយពេលចប់សវនាការកាត់ក្តី នាងAmandaត្រូវបញ្ជូនទៅឃុំឃាំងរង់ចាំការពិចារណាទោសនៅថ្ងៃទី២០ កុម្ភៈ និងកំណត់កាត់ក្តីចុងក្រោយនៅថ្ងៃទី៣១ មីនា ៕
ចែករំលែកព័តមាននេះ