ខេត្តតាកែវ ៖ ប្រហែលជាចង់បានអគាររដ្ឋបាលថ្មីដែលនៅដាច់ដោយឡែកពីផ្ទះល្វែងដូចសព្វថ្ងៃនេះហើយយ៉ាង ទើបលេចឮដំណឹងថា «កំពុងរត់ការរកអ្នកទិញទីតាំងមន្ទីរពាណិជ្ជកម្មខេត្តតាកែវបច្ចុប្បន្ន» ។ អគារមន្ទីរពាណិជ្ជកម្មខេត្តតាកែវ ដែលមានតាំងពីយូរយាណាស់មកហើយ ស្ថិតក្នុងភូមិ១ សង្កាត់រកាក្នុង…
ខេត្តតាកែវ ៖ ប្រហែលជាចង់បានអគាររដ្ឋបាលថ្មីដែលនៅដាច់ដោយឡែកពីផ្ទះល្វែងដូចសព្វថ្ងៃនេះហើយយ៉ាង ទើបលេចឮដំណឹងថា «កំពុងរត់ការរកអ្នកទិញទីតាំងមន្ទីរពាណិជ្ជកម្មខេត្តតាកែវបច្ចុប្បន្ន» ។
អគារមន្ទីរពាណិជ្ជកម្មខេត្តតាកែវ ដែលមានតាំងពីយូរយាណាស់មកហើយ ស្ថិតក្នុងភូមិ១ សង្កាត់រកាក្នុង ក្រុងដូនកែវ ខេត្តតាកែវ ត្រូវបានប្រភពជាច្រើនខ្សឹបខ្សៀវថា កំពុងរត់ការរកអ្នកទិញ។ ប្រភពលើកឡើងថា អគាររដ្ឋបាលរបស់មន្ទីរផ្សេងៗ សុទ្ធតែសង់នៅទីតាំងដាច់ដោយឡែកពីលំនៅឋានប្រជាពលរដ្ឋ ខុសអីតែអគារមន្ទីរពាណិជ្ជកម្មខេត្តតាកែវ ដែលនៅជាប់ជាមួយផ្ទះល្វែងប្រជាពលរដ្ឋ។
ប្រភពដដែលថា ប្រហែលជាការដោះដូររបស់អាជ្ញាធរទេដឹង ព្រោះទីតាំងអគារបច្ចុប្បន្នជាកន្លែងដែលត្រូវប៉ាន់ មានតម្លៃថ្លៃណាស់ បើទៅរកទីតាំងថ្មីសាងសង់ប្រហែលជាសល់លុយបានច្រើន។
ជុំវិញការបែកធ្លាយលក់អគារមន្ទីរពាណិជ្ជកម្មនេះ លោក ទេស សុផល ប្រធានមន្ទីរបានឲ្យដឹងតាមរយៈការហៅទូរស័ព្ទចូលនៅព្រឹកថ្ងៃទី៨ ខែកញ្ញា ឆ្នាំ២០២២នេះថា ជាព័ត៌មានមិនពិត ហើយអាជ្ញាធរក៏មិនមានគម្រោងដោះដូរទៅរកកន្លែងថ្មីណាមួយនោះទេ៕
ចែករំលែកព័តមាននេះ