នគរបាលស្រុកថ្មពួក សហការជាមួយនគរបាលក្រុងប៉ោយប៉ែត បានឃាត់ខ្លួនជនសង្ស័យម្នាក់បញ្ជូនខ្លួនមកស្នងការដ្ឋាននគរបាលខេត្តបន្ទាយមានជ័យ
ខេត្តបន្ទាយមានជ័យ ៖ នគរបាលស្រុកថ្មពួក សហការជាមួយនគរបាលក្រុងប៉ោយប៉ែត បានឃាត់ខ្លួនជនសង្ស័យម្នាក់បញ្ជូនខ្លួនមកស្នងការដ្ឋាននគរបាលខេត្តបន្ទាយមានជ័យ នៅថ្ងៃទី០៣ ខែញ្ញា ឆ្នាំ២០២២ ពីបទរំលោ.ភលើសេចក្តីទុកចិត្ត ដែលប្រព្រឹត្តកាលពីវេលាម៉ោង០៦យប់ ថ្ងៃទី០៤ ខែ សីហា ឆ្នាំ២០២២ នៅចំណុចភូមិគោកកឋិន ឃុំគោកកឋិន ស្រុកថ្មពួក ខេត្តបន្ទាយមានជ័យ ។
នគរបាលស្រុកថ្មពួក បានឲ្យដឹងថា ជនសង្ស័យខាងលើមានឈ្មោះ ឈូក ងើយស្រីនិន ភេទប្រុស អាយុ៣៣ឆ្នាំ (ត្រូវជាមិត្តភ័ក្តិជនរងគ្រោះ) រស់នៅភូមិ២ ឃុំកំពង់ស្វាយ ក្រុងសិរីសោភ័ណ្ឌ ខេត្តបន្ទាយមានជ័យ ។ ហើយនៅមុនពេលកើតហេតុ វេលាម៉ោង០៦យប់ ថ្ងៃទី០៤ ខែសីហា ឆ្នាំ២០២២ ជនសង្ស័យបានខ្ទីម៉ូតូរបស់ឈ្មោះ ឈួ កក្តដា ភេទប្រុស អាយុ២៨ឆ្នាំ រស់នៅភូមិគោកកឋិន ឃុំគោកកឋិន ស្រុកថ្មពួក ខេត្តបន្ទាយមានជ័យ មួយគ្រឿងម៉ាកហុងដាឌ្រីម C125 ពណ៌ខ្មៅ ស៊េរីឆ្នាំ២០០៧ ពាក់ផ្លាកលេខ ភ្នំពេញ1P-7642 ដើម្បីជិះទៅលេងបងប្អូនមួយថ្ងៃ បន្ទាប់មកស្រាប់តែមិនឃើញឈ្មោះ ឈូក ងើយស្រីនិន (ជនសង្ស័យ) យកម៉ូតូមកឲ្យម្ចាស់វិញទេ ។
នគរបាលបានបញ្ជាក់ថា បន្ទាប់មក ម្ចាស់ម៉ូតូបានខលសួរនាំ តែឈ្មោះ ឈូក ងើយស្រីនិន សន្យាពន្យាពេលថ្ងៃនេះថ្ងៃនោះ ព្រោះតែជឿទុកចិត្តមិត្តភក្តិ ដូច្នេះមិនបានដាក់ពាក្យបណ្តឹងនោះទេ ។ ប៉ុន្តែដោយសារតែការនិយាយកុហកច្រើនដងពេក ម្ចាស់ម៉ូតូក៏បានស្រាវជ្រាវ និងរកឃើជនសង្ស័យដែលគេចខ្លួនទៅរស់នៅក្រុងប៉ោយប៉ែត ហើយក៏បានសួរនាំរកម៉ូតូ ទើបដឹងថា ម៉ូតូនោះត្រូវគេយកទៅបញ្ចាំយកលុយចាយខ្ទេចអស់បាត់ទៅហើយ ។ លុះនៅថ្ងៃទី០២ ខែកញ្ញា ឆ្នាំ២០២២ ក្រោយពីដឹងថាមិត្តភក្តិរបស់ខ្លួនស៊ីដាច់ម៉ូតូរបស់ខ្លួនហើយ ទើបម្ចាស់ម៉ូតូបានប្តឹងរាយការណ៍ឲ្យសមត្ថកិច្ចជួយអន្តរាគមន៍តែម្តង ពេលនោះកម្លាំងនគរបាលជំនាញស្រុកថ្មពួក ក៏បានសហការជាមួយកម្លាំងនរបាលជំនាញក្រុងប៉ោយប៉ែត ធ្វើការឃាត់ខ្លួន ជនសង្ស័យមកសួរនាំភ្លាមៗ ។
នគរបាលស្រុកថ្មពួក បានបន្ថែមទៀតថា ជនសង្ស័យឈ្មោះ ឈូក ងើយស្រីនិន បានសារភាពថា ខ្លួនពិតជាមានចេតនាយកម៉ូតូមិត្តភក្តិរបស់ខ្លួននោះទៅបញ្ចាំនៅក្លិបថេកដោន ដើម្បីបានប្រាក់ចំនួន ១0,000បាត (មួយម៉ឺនបាត) ហើយយកលុយនោះ ទៅផឹកស៊ី និងប្រើប្រាស់គ្រឿងញៀ.នអស់ពិតប្រាកដមែន។
ក្រោយពីទទួលបានចម្លើយសារភាពរបស់ជនសង្ស័យរួចមក ក៏ត្រូវបានកម្លាំងនគរបាលជំនាញអធិការដ្ឋាននគរបាលស្រុកថ្មពួក រៀបចំសំណុំរឿងបញ្ជូនទៅកាន់ស្នងការដ្ឋាននគរបាលខេត្តបន្ទាយមានជ័យ ដើម្បីចាត់ការតាមនីតិវិធី។ ដោយឡែកម៉ូតូរបស់ជនរងគ្រោះវិញ សមត្ថកិច្ចនៅមិនទាន់មានចំណាត់ការនៅឡើយនោះទេ ព្រោះលិខិតបញ្ចាំត្រូវបានជនសង្ស័យធ្វើជ្រុះបាត់ទៅហើយ ៕
ចែករំលែកព័តមាននេះ