សម្តេចទៀ បា.ញ់ ៖ កែទម្រង់កងកម្លាំងបញ្ជាការ ដ្ឋានអង្គរក្ស សំដៅធ្វើទំនើបកម្ម កងកម្លាំងមានសមត្ថភាពជំនាញជីវៈ
- ភ្នំពេញ
រាជធានីភ្នំពេញ ៖ ប្រមុខដឹកនាំក្រសួងការពារជាតិបានខិតខំធ្វើការកែទម្រង់កងកម្លាំងបញ្ជាការ
រាជធានីភ្នំពេញ ៖ ប្រមុខដឹកនាំក្រសួងការពារជាតិបានខិតខំធ្វើការកែទម្រង់កងកម្លាំងបញ្ជាការ ដ្ឋានអង្គរក្ស លើកកម្ពស់ស្មារតីឧបត្ថម្ភគាំទ គ្រប់កាលៈទេសៈ សំដៅធ្វើទំនើបកម្ម កងកម្លាំងមានសមត្ថភាពជំនាញជីវៈ យោងតាមសារលិខិតរបស់សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិក្នុងខួបអនុស្សាវរីយ៍គម្រប់៣២ឆ្នាំ ថ្ងៃបង្កើតកងវរសេនាតូចលេខ២៤៦ និងខួបអនុស្សាវរីយ៍គម្រប់១៣ឆ្នាំ ថ្ងៃបង្កើតបញ្ជាការដ្ឋានអង្គរក្សនៅថ្ងៃបានចាត់ ទុកថាការលះបង់របស់នាយទាហាន នាយទាហានរង និងពលទាហាន បញ្ជាការដ្ឋានអង្គរក្ស គឺជាការលះបង់ប្រកបដោយកិត្តិយស និងមោទនភាពជាតិខ្ពស់បំផុត។
ទន្ទឹមនេះ សម្តេចក៏សូមផ្តាំផ្ញើនូវការសាកសួរសុខទុក្ខ និងជូនពរដល់នាយទាហាន នាយ ទាហានរង និងពលទាហានបញ្ហាការដ្ឋានអង្គរក្ស ដែលមានរបួសឬមានជំងឺប្រចាំកាយ ហើយកំពុងសម្រាក ព្យាបាលនៅតាមមន្ទីរពេទ្យ និងតាមគេហដ្ឋាន សូមឆាប់ជាសះស្បើយបានវិលមកជួបជុំ ក្រុមគ្រួសារ មិត្តភក្តិ និង សហការី ដើម្បីបន្តភារកិច្ចការងារជូនអង្គភាពវិញ។
សម្តេចបញ្ជាក់ថា សន្តិភាព ស្ថិរភាព សណ្ដាប់ធ្នាប់សាធារណៈ និងសុវត្ថិភាពសង្គម គឺជាមូលដ្ឋានគ្រឹះយ៉ាងសំខាន់ក្នុងការ ធានាជម្រុញការអភិវឌ្ឍន៍ប្រ ទេសជាតិលើគ្រប់វិស័យ ដែលក្នុងនោះកងកម្លាំងបញ្ជាការដ្ឋានអង្គរក្សមានតួនាទី ភារកិច្ចចូលរួមយ៉ាងសកម្មក្នុងការរ៉ាប់រងភារកិច្ចដ៏ធំធេងនេះ។
សម្តេចពិជ័យសេនាទៀ បាញ់បានគូសបញ្ជាកក់ថា៖« តាំងពីមុនក៏ដូចទៅអនាគត ក្រសួងការពារជាតិ តែងតែយកចិត្តទុកដាក់ ខិតខំធ្វើការកែទម្រង់កងកម្លាំងបញ្ជាការ ដ្ឋានអង្គរក្ស លើកកម្ពស់ស្មារតីឧបត្ថម្ភគាំទ គ្រប់កាលៈទេសៈ សំដៅធ្វើទំនើបកម្ម កងកម្លាំងមានសមត្ថភាពជំនាញជីវៈពិតប្រាកដ»។
សម្តេចលើកឡើងថា សមិទ្ធផល និងសក្ខីកម្មច្រើនរាប់មិនអស់ ដែលកងកម្លាំង បញ្ហាការដ្ឋានអង្គរក្ស បង្កើតឡើងនាពេលកន្លង មក ត្រូវបានកត់ត្រាទុកជាប្រវត្តិសាស្ត្រយោធា ជាពិសេស នៅពេលថ្មីៗកន្លងទៅនេះ បញ្ហាការដ្ឋានអង្គរក្សបាន ចូលរួមយ៉ាង សកម្មក្នុងការ ការពារទប់ស្កាត់ការរីករាលដាលជំងឺកូវីដ-១៩ ការដោះស្រាយសភាព ការណ៍សង្គម ការបញ្ចៀសមហន្តរាយនានាប៉ះពាល់ដល់ខឿនការពារជាតិ ការពាររដ្ឋធម្មនុញ្ញ ការពាររាជរដ្ឋាភិបាលស្របច្បាប់ ធានាប្រក្រតីភាពជីវភាពសង្គម និងបានតស៊ូយ៉ាងស្វិត ស្វាញក្នុងកិច្ចការពារបូរណភាពទឹកដី និងអធិបតេយ្យ ជាតិ។
ជាមួយគ្នានោះដែរ សម្តេចពិជ័យសេនាក៏បានលើកឡើងថាវឌ្ឍនភាពដែលបានកត់សម្គាល់បន្ថែមទៀត នោះគឺកិច្ចសហការជាមួយ សមត្ថកិច្ចពាក់ព័ន្ធរៀបចំការពារ សន្តិសុខ សុវត្ថិភាព តាមគោលដៅប្រារព្ធពិធីវេទិកា និងព្រឹត្តិការណ៍ជាតិ អន្តរជាតិជូនសម្តេចតេជោ នាយក រដ្ឋមន្ត្រី និងសម្តេចកិត្តិព្រឹទ្ធបណ្ឌិត ព្រមទាំងថ្នាក់ដឹកនាំជាន់ខ្ពស់រាជរដ្ឋាភិបាល ប្រកបដោយសុវ ត្ថិភាព។
ជាមួយគ្នានោះដែរ សម្តេចថាសមិទ្ធផលដែលលេចធ្លោទាំងនេះ កងកម្លាំង បញ្ជាការដ្ឋានអង្គរក្សបានបង្កើតឡើ ងនូវស្នាដៃជាច្រើនទៀតក្នុង ការចូលរួមជា មួយស្ថាប័នមានសមត្ថកិច្ច រៀបចំសណ្ដាប់ ធ្នាប់របៀបរៀបរយសង្គម រួមទាំងការគ្រប់ គ្រងមនុស្ស មធ្យោបាយ ការចូលរួមបង្កបង្កើនផល ការងារមនុស្សធម៌ និងកិច្ចការសង្គម ដែលសកម្មភាពទាំងអស់នោះ បាន ឆ្លុះបញ្ចាំងពីឧត្តមគតិស្នេហាជាតិ និងប្រជាពលរដ្ឋ ប្រកបដោយមនសិការវិជ្ជាជីវៈខ្ពស់ ស័ក្តិសមជាកងកម្លាំង បម្រើប្រជាពលរដ្ឋយ៉ាងពិតប្រាកដ។
សម្តេចពិជ័យសេនាបានលើកឡើងថាថ្វីត្បិតតែសព្វថ្ងៃនេះមាតុភូមិរបស់យើងកំពុងគ្របដណ្ដប់ដោយសន្តិភាព ពាសពេញផ្ទៃប្រទេសក៏ពិតមែន ប៉ុន្តែសំណូមពរនៃការអភិវឌ្ឍន៍ប្រទេសជាតិ នៅតែបន្តទាមទារនូវសន្តិភាព សន្តិសុខ សណ្តាប់ធ្នាប់ និងរបៀបរៀបរយសង្គម។
សម្តេចបន្ថែមថាការបង្កើតបរិយាកាសកក់ក្ដៅ សម្រាប់សុវត្ថិភាពផ្លូវកាយ ផ្លូវចិត្តជូនប្រជាពលរដ្ឋ គឺជាមហិច្ឆតា របស់រាជរដ្ឋាភិបាល ដែលប្រការទាំងអស់នេះ ទាមទារឱ្យកងម្លាំងបញ្ជាការដ្ឋានអង្គរ ក្សបន្តខិតខំប្រឹងប្រែង លើក កម្ពស់សមត្ថភាពជំនាញ លើគ្រប់ផ្នែកឱ្យស្របតាមសភាពការណ៍វិវត្តន៍រីកចម្រើននាពេលបច្ចុប្បន្ន និងទៅអនាគត ដើម្បីបំពេញភារកិច្ចប្រចាំថ្ងៃរបស់ខ្លួន សំដៅរួមចំណែកក្នុងការធានាសន្តិសុខ សុវត្ថិភាពជូនថ្នាក់ដឹកនាំ ៕
ចែករំលែកព័តមាននេះ