ខេត្តតាកែវ ៖ យ៉ាងហោចណាស់មានក្រុមអាជីវករ១១គ្រួសារ ដែលប្រកបរបរលក់ដូរបន្ថែផ្លែឈើបន្តិចបន្តួចគ្រាន់បានកម្រៃចិញ្ចឹមឆ្នាំងបានរាប់សិបឆ្នាំមកហើយត្រូវបានអាជ្ញាធរស្រុកបាទីហៅជាច្រើនលើកច្រើនសារទៅសាលាស្រុកបង្ខំពួកគាត់រុះរើតូបចេញពីបរិវេណបេនឡានខាងជើងផ្សារសំរោងយ៉ោង ឃុំត្រពាំងសាប ស្រុកបាទី ខេត្តតាកែវ។
លោកយាយ ងី យឿន ដែលមានអាយុ៨០ឆ្នាំទៅហើយបានរៀបរាប់នៅព្រឹកថ្ងៃទី៣១ ខែសីហា ឆ្នាំ២០២២នេះថា ចាប់តាំងពីមានផ្សារសំរោងយោង គាត់បានមកចាប់ទីដីជាយខាងលិចបេនឡានផ្សារដែលជាដីរដ្ឋលក់ដូរបន្តិចបន្តួចគ្រាន់ចិញ្ចឹមឆ្នាំងបាយ ស្រាប់តែពេលនេះអាជ្ញាធរស្រុកបានឲ្យពួកគាត់រុះរើតូចចេញ ទាំងដែលមិនមានហេតុផលច្បាស់លាស់សម្រាប់ពួកគាត់សោះ។
ដោយឡែក លោកស្រី មុំ លីន ក៏បានបញ្ជាក់ថា លោក មេឃុំត្រពាំងសាប ឈ្មោះ ពេជ្រ សារ៉ា ហៅកែវ បានមកគម្រាមពួកគាត់ត្រូវតែរុះរើតូបចេញ មិនចឹងអាជ្ញាធរនិងចាត់វិធានការណ៍រុះរើដោយផ្ទាល់។
ក្រុមអាជីវករដែលប្រឈមនិងការណ្តេញចេញផ្សេងទៀតលើកឡើងដែរថា បើរដ្ឋត្រូវការកន្លែងនេះសម្រាប់អភិវឌ្ឍគម្រោងណាមួយ គួរណាស់អនុវត្តឲ្យស្មើភាពគ្នាក្នុងទីតាំងបេនឡាននេះ មិនមែនមកដេញពួកគាត់តែ១១គ្រួសារចឹងទេ ម្យ៉ាងទីធ្លាបេនឡាននេះ សិងតែបាត់រូបរាងទៅហើយ ម៉េចបានមើលមិនឃើញ ឃើញអីតែបួនដប់តូបដែលនៅជាយខាងលិចទៅវិញ។ ពួកគាត់បន្ថែមថា អាជ្ញាធរដេញពួកគាត់ចេញ ដើម្បីយកទីតាំងនេះឲ្យអ្នកមានលុយ ព្រោះមេឃុំត្រពាំងសាបថា ដីនេះមានប្លង់អស់ហើយ។
មិនអាចសុំការបំភ្លឺពីអាជ្ញាធរមូលដ្ឋានបានទេម្សិលមិញនេះ ព្រោះទូរស័ព្ទចូលគ្មានអ្នកលើកទទួល។
ព័ត៌មានបន្ថែមមានផ្សាយជូននៅលើកាសែតកោះសន្តិភាព ។
ចែករំលែកព័តមាននេះ