រាជធានីភ្នំពេញ ៖ ដូចតាមការគ្រោងទុក នៅវេលាម៉ោង១១និង១៥នាទីថ្ងៃត្រង់ថ្ងៃទី០៣ កុម្ភៈនេះ ប្រធានាធិបតីនៃសាធារណរដ្ឋសហភាពមីយ៉ាន់ម៉ា (ភូមា) លោក ធិន ច ( U Htin Kyaw ) បានអញ្ជើញមកដល់ព្រលានយន្តហោះអន្តរជាតិភ្នំពេញហើយ ដើម្បីបំពេញទស្សនកិច្ចផ្លូវរដ្ឋនៅកម្ពុជារយៈពេល០៤ថ្ងៃ ។
រាជធានីភ្នំពេញ ៖ ដូចតាមការគ្រោងទុក នៅវេលាម៉ោង១១និង១៥នាទីថ្ងៃត្រង់ថ្ងៃទី០៣ កុម្ភៈនេះ ប្រធានាធិបតីនៃសាធារណរដ្ឋសហភាពមីយ៉ាន់ម៉ា (ភូមា) លោក ធិន ច ( U Htin Kyaw ) បានអញ្ជើញមកដល់ព្រលានយន្តហោះអន្តរជាតិភ្នំពេញហើយ ដើម្បីបំពេញទស្សនកិច្ចផ្លូវរដ្ឋនៅកម្ពុជារយៈពេល០៤ថ្ងៃ ។
បើតាមអ្នកឆ្លើយឆ្លងព័ត៌មានកោះសន្តិភាពបានឲ្យដឹងនៅប៉ុន្មាននាតីមុននេះថា អញ្ជើញទៅទទួលលោកប្រធានាធិបតីនិង គណៈប្រតិភូជាន់ខ្ពស់អំដំណើរដល់ព្រលានយន្តហោះអន្តរជាតិភ្នំពេញមានសម្តេចចៅហ្វាវំាង គង់ សំអុល ឧបនាយករដ្ឋមន្រ្តី រដ្ឋមន្រ្តីក្រសួងព្រះបរមរាជវំាង សមាជិកសមាជិការាជរដ្ឋាភិបាល និងមន្រ្តីជាន់ខ្ពស់ព្រះបរមរាជវំាងជាច្រើនរូបទៀត ។
បើយោងតាមសេចក្តីជូនព័ត៌មានផ្លូវការរបស់ក្រសួងការបរទេសខ្មែរ បានបញ្ជាក់ឲ្យដឹងទៀតថា អំឡុងពេលដំណើរទស្សនកិច្ចផ្លូវរដ្ឋ ដែលធ្វើឡើងតាមការអញ្ជើញរបស់ព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា លោកប្រធានាធិបតីភូមា ធិន ច នឹងចូលក្រាបបង្គំគាល់ព្រះមហាក្សត្រ នៅក្នុងព្រះបរមរាជវាំង និងជួបទ្វេភាគីជាមួយសម្តេចអគ្គមហាសេនាបតីតេជោ ហ៊ុន សែន ហើយមុនបិទបញ្ចប់ដំណើរទស្សនកិច្ចផ្លូវរដ្ឋ លោកប្រធានាធិបតីភូមា ធិន ច នឹងអញ្ជើញទៅទស្សនាប្រាសាទអង្គរក្នុងខេត្តសៀមរាបផងដែរ ៕
ចែករំលែកព័តមាននេះ