អនិច្ចា! បុរសម្នាក់ប្រញាប់ដេញតាមចាប់ចោរ ឆ្លងផ្លូវមិនប្រយ័ត្នជួបគ្រោះអកុសល
- ព្រះសីហនុ
បុរសវ័យ៤០ឆ្នាំម្នាក់បានស្លា.ប់ភ្លាមៗនៅនឹងកន្លែងកើតហេតុ បន្ទាប់ពីត្រូវរថយន្តមួយគ្រឿងបុកពេញទំហឹង កាលពី
បុរសវ័យ៤០ឆ្នាំម្នាក់បានស្លា.ប់ភ្លាមៗនៅនឹងកន្លែងកើតហេតុ បន្ទាប់ពីត្រូវរថយន្តមួយគ្រឿងបុកពេញទំហឹង កាលពី
ខេត្តព្រះសីហនុ ៖ បើតាមសេចក្តីរាយការណ៍បានឱ្យដឹងថា បុរសវ័យ៤០ឆ្នាំម្នាក់បានស្លា.ប់ភ្លាមៗនៅនឹងកន្លែងកើតហេតុ បន្ទាប់ពីត្រូវរថយន្តមួយគ្រឿងបុកពេញទំហឹង កាលពីវេលាម៉ោង៣និង៤៥នាទីរសៀល ថ្ងៃទី២៩ ខែសីហា ឆ្នាំ២០២២ នៅត្រង់ចំណុចអូ៥ ស្ថិតក្នុងភូមិ៥ សង្កាត់លេខ៤ ក្រុងនិងខេត្តព្រះសីហនុ។
យោងតាមប្រភពបឋមពីសមត្ថកិច្ចចរាចរណ៍បានអោយដឹងថា ជនរងគ្រោះខាងលើមានឈ្មោះ ញ៉ែម សំអាន ភេទប្រុស អាយុ៤០ឆ្នាំ មានទីលំនៅបណ្តោះអាសន្ន (ផ្ទះជួល) ស្ថិតក្នុងភូមិ៥ សង្កាត់លេខ៤ ក្រុងព្រះសីហនុ និងមានស្រុកកំណើតនៅខេត្តស្វាយរៀង មុខរបរជាងកាត់សក់ក្បែរកន្លែងកើតហេតុ និងមានកូនប្រុស២នាក់ក្នុងបន្ទុកផងដែរ ។ ជនរងគ្រោះត្រូវបានរថយន្តបុកស្លា.ប់ភ្លាមៗ ខណៈពេលបុរសរងគ្រោះរត់ឆ្លងផ្លូវ ហើយត្រូវបានរថយន្តមួយគ្រឿងម៉ាកឡិចស៊ីស ពណ៌ផ្សែងបារី ពាក់ស្លាកលេខ ព្រះសីហនុ2B-0693 បុកចំពីមុខពេញទំហឹង បណ្តាលអោយស្លា.ប់ភ្លាមៗ ក្រោយកើតហេតុម្ចាស់រថយន្តបង្កបានរត់គេចខ្លួនបាត់ស្រមោល ដោយបន្សល់ទុករថយន្តនៅក្បែរកន្លែងកើតហេតុ។
ជុំវិញហេតុការណ៍នេះផងដែរ បើតាមប្រភពសាក្សីបានអោយដឹងថា នៅមុនពេលកើត បុរសរងគ្រោះកំពុងអង្គុយនៅកន្លែងកាត់សក់ជាធម្មតា មួយសន្ទុះបុរសរងគ្រោះត្រូវបានកូនប្រុសរបស់គាត់ដែលនៅម្ខាងផ្លូវស្រែកថា «មានចោឆក់កាបូប» (កាបូបដែលគាត់ដាក់លក់នៅម្ខាងផ្លូវទៀត) ។ ពេលឮកូនប្រុសប្រាប់ដូច្នេះ ជនរងគ្រោះក៏ស្ទុះរត់ឆ្លងផ្លូវមកយកម៉ូតូ បំរុងជិះដេញតាមចោរ តែជាអកុសលខណៈពេលគាត់រត់ឆ្លងផ្លូវក្នុងសភាពប្រញ៉ាប់ប្រញ៉ាល់នោះ ក៏ស្រាប់តែត្រូវត្រូវរថយន្តបុកពេញហឹងតែម្តង បណ្តាលអោយស្លា.ប់ភ្លាមៗនៅកន្លែង។
ក្រោយពេលកើតហេតុ ស.ពជនរងគ្រោះត្រូវបានក្រុមគ្រួសារដឹកបញ្ជូនទៅស្រុកកំណើតនៅឯខេត្តស្វាយរៀង ដើម្បីធ្វើបុណ្យតាមប្រពៃណី៕
ចែករំលែកព័តមាននេះ