ខេត្ដបន្ទាយមានជ័យ ៖ ភ្ញៀវទេសចរជាតិ និងអន្តរជាតិបាននាំគ្នាទៅកម្សាន្តនៅប្រាសាទបន្ទាយឆ្មារ និងបន្ទាយទ័ពសរុបចំនួន១២.៥២៣នាក់ ក្នុងនោះមានភ្ញៀវអន្តរជាតិចំនួន៩៤៨នាក់ នេះបើយោងតាម
ខេត្ដបន្ទាយមានជ័យ ៖ ភ្ញៀវទេសចរជាតិ និងអន្តរជាតិបាននាំគ្នាទៅកម្សាន្តនៅប្រាសាទបន្ទាយឆ្មារ និងបន្ទាយទ័ពសរុបចំនួន១២.៥២៣នាក់ ក្នុងនោះមានភ្ញៀវអន្តរជាតិចំនួន៩៤៨នាក់ នេះបើយោងតាមស្ថិតិក្នុងឆ្នាំ២០១៦កន្លងមក ។
ក្នុងសន្និបាតបូកសរុបលទ្ធផលការងារប្រចាំឆ្នាំ២០១៦ នៅខេត្តបន្ទាយមានជ័យ វិស័យវប្បធម៌ និងវិចិត្រសិល្បៈ និងការងារបេតិកភណ្ឌដែលកំពុងលើកស្ទួយលើវិស័យវប្បធម៌ និងទេសចរណ៍ដែលកំពុងទាក់ទាញភ្ញៀវជាតិ-អន្តរជាតិ ចូលមកកម្សាន្តទស្សនាគឺមានប្រាសាទចំនួន២កន្លែងដែលកំពុងលើកស្ទួយសេវាកម្មអភិវឌ្ឍន៍វប្បធម៌ ដូចជាប្រាសាទបន្ទាយឆ្មារដែលមានបរិវេណប្រាសាទចំនួន២៤៦.៩៥៥ម៉ែត្រក្រឡា និងប្រាសាទបន្ទាយទ័ពមានទំហំ១៨៤.០៩០ម៉ែត្រក្រឡា ដែលស្ថិតក្នុងឃុំបន្ទាយឆ្មារ ស្រុកថ្មពួក។
ភ្ញៀវចូលទស្សនាសារមន្ទីរខេត្តមានភ្ញៀវជាតិចំនួន១.២២៧នាក់ ស្រី៤៩៣នាក់ ភ្ញៀវអន្តរជាតិចំនួន២០២នាក់ ស្រី៥នាក់ ចូលទស្សនាសារមន្ទីរបុរាណវិទ្យា មានចំនួន៣.០៨១នាក់ ស្រីចំនួន១៣១នាក់ ភ្ញៀវបរទេសចំនួន២៣៩នាក់ ស្រី៥៥នាក់ ។ យោងតាមស្ថិតិផ្នែកសិល្បៈអភិវឌ្ឍន៍វប្បធម៌មានចំនួន៧៧កន្លែង ហើយមាននៅស្រុកអូរជ្រៅចំនួន៥០កន្លែង មានទួលបុរាណចំនួន១០១ (ទួលគោក) ឬដីទួលបុរាណ១១ទួល ស្រះបុរាណ២៤ ផ្ទះបុរាណចំនួន១៣៣ខ្នង វត្ត និងកុដិបុរាណចំនួន១២ ៕
ចែករំលែកព័តមាននេះ