ឪពុកតិរច្ឆានមើលរឿងសិចប៉ងចាប់កូនស្រីរំលោ.ភ
ខេត្តបាត់ដំបង ៖ បុរសតិរច្ឆានម្នាក់ត្រូវសមត្ថកិច្ចកសាងសំណុំរឿងបញ្ជូនទៅតុលាការកាលពីថ្ងៃទី២៨ មករា ក្រោយពីប្រពន្ធប្ដឹងចោទប្រកាន់ថា
ខេត្តបាត់ដំបង ៖ បុរសតិរច្ឆានម្នាក់ត្រូវសមត្ថកិច្ចកសាងសំណុំរឿងបញ្ជូនទៅតុលាការកាលពីថ្ងៃទី២៨ មករា ក្រោយពីប្រពន្ធប្ដឹងចោទប្រកាន់ថា បានព្យាយាមចាប់កូនស្រីរបស់ខ្លួនរំលោភ តែមិនបានសម្រេច ។
មន្ត្រីការិយាល័យព្រហ្មទណ្ឌធ្ងន់បានឱ្យថា បុរសតិរច្ឆានរូបនេះឈ្មោះ ហេង ម៉ាប់ អាយុ៤៥ឆ្នាំ រស់នៅភូមិប៊ួរ ស្រុកភ្នំព្រឹក ។ ជននេះត្រូវប្រពន្ធរបស់ខ្លួនឈ្មោះស៊ុយ សាវ័ន្ត អាយុ៣១ឆ្នាំ ប្ដឹងចោទប្រកាន់ថា បានចាប់កូនស្រីអាយុ៩ឆ្នាំ ប៉ងរំលោភនៅក្នុងផ្ទះ កាលពីវេលាម៉ោង៨យប់ ថ្ងៃទី២៦ មករា ប៉ុន្តែមិនបានសម្រេច ដោយសារគាត់តាមទាន់ពេលកំពុងធ្វើសកម្មភាព ។
លុះនៅព្រឹកថ្ងៃទី២៧ មករា គាត់ទៅប្ដឹងសមត្ថកិច្ចឱ្យចាប់ខ្លួនលោកប្ដីគំរក់នេះតែម្ដង ។ ជនអគតិឈ្មោះ ហេង ម៉ាប់ បានឆ្លើយសារភាពនៅចំពោះមុខសមត្ថកិច្ចថា ខ្លួនពិតជាបានប្រព្រឹត្តនូវអំពើថោកទាបនេះមែន តែមិនបានសម្រេចទេ ។
ជនតិរច្ឆានរូបនេះនិយាយថា ខ្លួនបានមើលរឿងសិចក្នុងទូរស័ព្ទធ្វើឱ្យមានអារម្មណ៍យ៉ាងខ្លាំង ទើបមានរឿងបែបនេះ តែពេលខ្លួនព្យាយាមចាប់អោបថើបកូនស្រី ក៏ត្រូវប្រពន្ធមកទាន់រហូតមានការប្រទុស្ដរាយគ្នាតែម្ដង លុះនៅព្រឹកថ្ងៃទី២៧ មករា ក៏ត្រូវសមត្ថកិច្ចឃាត់ខ្លួន ។
មន្ត្រីការិយាល័យព្រហ្មទណ្ឌកំរិតធ្ងន់បាននិយាយថា ជនសង្ស័យត្រូវកម្លាំងនគរបាលស្រុកភ្នំព្រឹកឃាត់ខ្លួនភ្លាមៗ ក្រោយពីទទួលបានបណ្ដឹងពីប្រពន្ធរបស់ខ្លួន ។ ក្រោយពីឃាត់ខ្លួនមន្ត្រីជំនាញបានកសាងសំណុំរឿង ហើយពេលនេះលោកស្នងការខេត្តបានបញ្ជាឱ្យមន្ត្រីជំនាញបញ្ជូនជននេះទៅតុលាការចាត់ការតាមនិតិវិធីច្បាប់ហើយ ៕
ចែករំលែកព័តមាននេះ