ADផ្ទាំងផ្សព្វផ្សាយពាណិជ្ជកម្ម

Picture

អក្ខរាវិរុទ្ធដែលសរសេរខុសលើផ្លាកប៉ាណូផ្លូវល្បឿនលឿន មហាជនស្នើអាជ្ញាធរពាក់ព័ន្ធជួយកែសម្រួល

3 ខែ មុន

មតិ​មហាជន​ជា​ច្រើន​នៅ​លើ​បណ្តាញ​សង្គម​បាន​ស្នើ​ឱ្យ​អាជ្ញាធរ ពិសេស​ក្រសួង​សាធារណការ និង​ដឹក​ជញ្ជូន សូម​មេត្តា​ជួយ​កែ​អក្ខរាវិរុទ្ធ​ដែល​សរសេរ​នៅ​លើ​ផ្លា​ក​សម្គាល់​នានា​តាម​ដងផ្លូវ​ល្បឿន​លឿន ពី​រាជធានី​ភ្នំពេញ​ទៅ​កាន់​ខេត្ត​ព្រះ​សីហ​នុ​ផង ព្រោះ​ឃើញ​មាន​កំហុសឆ្គង​ខុស​អក្សរ​ច្រើន ។ មតិ​មហាជន​បាន​លើក​ឡើង​ថា គេ​ឃើញ​ផ្លា​ក​សំគាល់​យ៉ាង​ធំ​មួយ​កន្លែង​តាម​បណ្តោយ​ផ្លូវ​ល្បឿន​លឿន​បាន​សរសេរ​អក្សរ​ខុស ដោយនៅ​លើ​ផ្លា​ក​នោះ​សរសេរ​ថា…

មតិ​មហាជន​ជា​ច្រើន​នៅ​លើ​បណ្តាញ​សង្គម​បាន​ស្នើ​ឱ្យ​អាជ្ញាធរ ពិសេស​ក្រសួង​សាធារណការ និង​ដឹក​ជញ្ជូន សូម​មេត្តា​ជួយ​កែ​អក្ខរាវិរុទ្ធ​ដែល​សរសេរ​នៅ​លើ​ផ្លា​ក​សម្គាល់​នានា​តាម​ដងផ្លូវ​ល្បឿន​លឿន ពី​រាជធានី​ភ្នំពេញ​ទៅ​កាន់​ខេត្ត​ព្រះ​សីហ​នុ​ផង ព្រោះ​ឃើញ​មាន​កំហុសឆ្គង​ខុស​អក្សរ​ច្រើន ។

Picture

មតិ​មហាជន​បាន​លើក​ឡើង​ថា គេ​ឃើញ​ផ្លា​ក​សំគាល់​យ៉ាង​ធំ​មួយ​កន្លែង​តាម​បណ្តោយ​ផ្លូវ​ល្បឿន​លឿន​បាន​សរសេរ​អក្សរ​ខុស ដោយនៅ​លើ​ផ្លា​ក​នោះ​សរសេរ​ថា «​កំពង់ស្ពឺ​កើ​តំ​ភ្ន​ពេញ​» ដែល​ពាក្យ​ពេញ​សរសេរ​ថា កំពង់ស្ពឺ ភ្នំពេញ ។

Picture

មហាជន​បាន​បន្ត​ទៀត​ថា ដែល​ការ​សរសេរ​បែប​នេះ​បាន​ធ្វើ​ឱ្យ​ប៉ះពាល់​យ៉ាង​ខ្លាំង​ដល់​អក្សរសាស្ត្រ​ខ្មែរ​ដែល​ជា​ដួង​ព្រលឹង​របស់​ជាតិ​ដ៏​ផូរផង់​របស់​ខ្មែរ​យើង​ព្រោះថា ផ្លូវ​ល្បឿន​លឿន​នេះ នៅ​ពេល​ដែល​ដាក់​ឱ្យ​ដំណើរការ​នឹង​មាន​ប្រជាពលរដ្ឋ​ខ្មែរ និង​បរទេស​ជា​ច្រើន​ធ្វើ​ដំណើរ​តាម​ដងផ្លូវ​នេះ ។ ដូចនេះ មហាជន​បាន​ធ្វើការ​សំណូមពរ​ឱ្យ​អាជ្ញាធរ​ពាក់ព័ន្ធ មេត្តា​ជួយ​កែសម្រួល​ឱ្យ​បាន​ត្រឹមត្រូវ​ផង ។

Picture

ដោយឡែក​លោក​ទេស​រដ្ឋមន្ត្រី ស៊ុន​ចាន់​ថុ​ល រដ្ឋមន្ត្រីក្រសួង​សាធារណការ និង​ដឹក​ជញ្ជូន ធ្លាប់​បាន​លើក​ឡើង​ថា ផ្លូវ​ល្បឿន​លឿន​ពី​ភ្នំពេញ​ទៅ​ខេត្ត​ព្រះ​សីហ​នុ​នេះ​នឹង​ដាក់​ឱ្យ​ដំណើរការ​ជា​ផ្លូវការ​នៅ​ខែតុលា ឆ្នាំ​២០២២​ខាង​មុខ​នេះ ដោយ​មិន​យក​ថ្លៃ​សេវា​រយៈពេល​១​ខែ ដើម្បី​ឱ្យ​ប្រជាពលរដ្ឋ​បាន​បើក​សាកល្បង​ធ្វើ​ដំណើរ​នៅ​លើ​ដងផ្លូវ​នេះ ។

Picture

មតិ​របស់​មហាជន​នៅ​លើ​បណ្តាញ​សង្គម​បាន​លើក​ឡើង​បន្ថែម​ទៀត​ថា បច្ចុប្បន្ន​នេះ មនុស្ស​ភាគច្រើន​ជា​ពិសេស​យុវជន​បាន​សរសេរ​ខុស​នូវ​អក្ខរាវិរុទ្ធ ក៏​ដូច​ជា វេយ្យាករណ៍​ខ្មែរ​ច្រើន​ណាស់ ដែល​ការ​សរសេរ​ខុស​បែប​នេះ មាន​សឹងតែ​គ្រប់​ទីកន្លែង​មិន​ថា​ក្នុង​សំ​ណេ​រ​នៅ​លើ​បណ្តាញ​សង្គម សំ​ណេ​រ​ប្រចាំ​ថ្ងៃ​ក្នុង​សៀវភៅ អត្ថបទ​ចម្រៀង ឬ​អក្សរ​ដែល​មាន​រត់​នៅ​លើ​ចម្រៀង​ខារ៉ាអូខេ ឬ​យីហោ​អាជីវកម្ម​នៅ​តាម​ទី​សាធារណៈ​នានា​នោះ​ទេ ។ មតិ​មហាជន​បាន​ចោទ​ជា​សំណួរ​ថា តើ​បញ្ហា​កំហុស​អក្ខរាវិរុទ្ធ​ទាំងនេះ​បណ្តាល​មក​ពី​មូលហេតុ​អ្វី?ហើយ​គួរ​ដោះស្រាយ​ដូច​ម្ដេច?

Picture

សូមបញ្ជាក់ថា ផ្លូវ​ល្បឿន​លឿន​ភ្នំពេញ​-​ព្រះ​សីហ​នុ ​(Phnom Penh-Sihanoukville Expressway)​ ជា​ខ្សែ​ផ្លូវ​ថ្មី​ទាំងស្រុង ដែល​មាន​ប្រវែង​សរុប​ប្រហែល ១៩០,៦៣៣ គ​.​ម​។ ផ្លូវ​នេះ​ត្រូវ​សាងសង់​ជា ០៤​គន្លង តួ​ផ្លូវ​មាន​ទទឹង ២៤​ម៉ែត្រ ក្រាល AC មាន​សួនច្បារ​ខណ្ឌ​កណ្តាល ចេញពី​ភ្នំពេញ​នៅ​ចំណុច​ផ្លូវ​ខ្សែ​ក្រ​វ៉ា​ត់​ក្រុង​ទី​៣ មាន​ផ្លូវបំបែក​ប្តូរ​ទិស (Inter-Change) ភ្ជាប់​មក​ផ្លូវជាតិ​លេខ​៤ ចំនួន ៧​កន្លែង មាន​ស្ពាន​វែង​-​មធ្យម ៥៦​កន្លែង ប្រវែង ៤.៤១៧​ម៉ែត្រ ស្ពាន​ខ្លី ៣៣​កន្លែង ប្រវែង ៧៥០​ម៉ែត្រ ស្ពាន​រំលង ៣២១​កន្លែង កន្លែង​ឈប់​សម្រាក ៣​កន្លែង និង​ហេដ្ឋារចនាសម្ព័ន្ធ​សំណង់​សេវា​គាំទ្រ​ជា​ច្រើន​ទៀត​។

បច្ចុប្បន្ន​គម្រោង​នេះ​ឈាន​ដល់​ដំណាក់កាល​បង្កើត គណៈកម្មការ​សម្រាប់​ការ​ដោះស្រាយ ផល​ប៉ះពាល់ ដែល​មាន​សមាសភាព​ចូលរួម​ពី​ក្រសួង​សេដ្ឋកិច្ច​និង​ហិរញ្ញវត្ថុ និង​ក្រសួង​សាធារណការ និង​ដឹក​ជញ្ជូន​ ៕

Picture