រថយន្តមិនស្គាល់ម៉ាកបុកម៉ូតូ ស្លា.ប់ម្នាក់របួសធ្ងន់ម្នាក់
ខេត្តកំពង់ឆ្នាំង ៖ ហេតុការណ៍គ្រោះថ្នាក់ចរាចរណ៍ដ៏រន្ធត់មួយបានកើតឡើងកាលពីវេលាម៉ោង៧ និង២០នាទីយប់ ថ្ងៃទី២៨ ខែមករា ឆ្នាំ២០១៧ នៅតាមបណ្តោយផ្លូវជាតិ …
ខេត្តកំពង់ឆ្នាំង ៖ ហេតុការណ៍គ្រោះថ្នាក់ចរាចរណ៍ដ៏រន្ធត់មួយបានកើតឡើងកាលពីវេលាម៉ោង៧ និង២០នាទីយប់ ថ្ងៃទី២៨ ខែមករា ឆ្នាំ២០១៧ នៅតាមបណ្តោយផ្លូវជាតិ …
ខេត្តកំពង់ឆ្នាំង ៖ ហេតុការណ៍គ្រោះថ្នាក់ចរាចរណ៍ដ៏រន្ធត់មួយបានកើតឡើងកាលពីវេលាម៉ោង៧ និង២០នាទីយប់ ថ្ងៃទី២៨ ខែមករា ឆ្នាំ២០១៧ នៅតាមបណ្តោយផ្លូវជាតិលេខ៥ ចន្លោះគីឡូម៉ែត្រ លេខ៦៥ និង៦៦ ស្ថិតក្នុងភូមិខ្នាយកកោះ ឃុំសែប ស្រុកកំពង់ត្រឡាច បណ្ដាលឲ្យបុរសម្នាក់បានស្លាប់នៅនឹងកន្លែង ចំណែកម្នាក់ទៀតបានរងរបួសធ្ងន់ធ្ងន់ ។
លោក ម៉ាត់ លី អធិការនគរបាលស្រុកកំពង់ត្រឡាច បានឲ្យដឹងថា ជនរងគ្រោះទាំង២នាក់ ម្នាក់ឈ្មោះ ផាត់ ថែម ភេទប្រុស អាយុ២៨ឆ្នាំ មានទីលំនៅភូមិតាំងធ្នឹម ឃុំពេជចង្វា ស្រុកបរិបូរណ៌ ជាអ្នកបើកម៉ូតូ បានស្លាប់នៅកន្លែងកើតហេតុ ចំណែកម្នាក់ទៀតឈ្មោះ ម៉ុន លុយ ភេទប្រុស អាយុ២៧ឆ្នាំ មានទីលំនៅភូមិឃុំជាមួយគ្នា រងរបួសធ្ងន់ ។
លោកអធិការរង ឲ្យដឹងទៀតថា មុនពេលកើតហេតុ ជនរងគ្រោះទាំង២នាក់ជិៈម៉ូតូម៉ាកវ៉េវ ពណ៌ក្រហម ពាក់ស្លាកលេខ កំពង់ឆ្នាំង 1F-3161 តាមបណ្តោយផ្លូវជាតិក្នុងទិសដៅពីកើតទៅលិច ខណៈដល់ចំណុចកើតហេតុស្រាប់តែមានរថយន្ត១គ្រឿងមិនស្គាល់ម៉ាកបើកមកក្នុងទិសដៅបញ្ច្រាសទិសគ្នា ហើយប្រហែលជាវ៉ាជែងយានយន្តនៅពីមុខទើបបានជាជ្រុលទៅបុកម៉ូតូជនរងគ្រោះយ៉ាងពេញទំហឹង បណ្តាលឲ្យស្លាប់ម្នាក់ របួសធ្ងន់ម្នាក់។
លោក ម៉ាត់ លី បញ្ជាក់ថា ក្រោយពេលកើតហេតុ រថយន្តបង្កបានបើកគេចខ្លួនបាត់ចំណែក ជនរងគ្រោះត្រូវបានបញ្ជូនទៅសង្គ្រោះនៅមន្ទីរពេទ្យខេត្តកំពង់ឆ្នាំង ឯសពជនរងគ្រោះក៏ត្រូវបានក្រុមគ្រួសារដឹកយកទៅធ្វើបុណ្យតាមប្រពៃណី ។ ដោយឡែកម៉ូតូជនរងគ្រោះបានយកទៅរក្សាទុកនៅអធិការដ្ឋាននគរបាលស្រុក រង់ចាំស្រាវជ្រាវរករថយន្តបង្កដើម្បីដោះស្រាយតាមនិតិវិធី ៕
ចែករំលែកព័តមាននេះ