រាជធានីភ្នំពេញ ៖ រដ្ឋាភិបាលជប៉ុន បានផ្ដល់ជំនួយតាមរយៈកម្មវិធីគំរោងជំនួយឥតសំណងរបស់អង្គការក្រៅរដ្ឋាភិបាលជប៉ុន ដែលមានទឹកប្រាក់សរុបចំនួន៩២៨.២១៧ ដុល្លារអាមេរិក ដល់អង្គការសកម្មភាពកំចាត់ មីនជប៉ុន (JMAS) ។ កិច្ចសន្យាផ្ដល់ជំនួយ ត្រូវបានចុះហត្ថលេខានៅថ្ងៃនេះ (១៣ កក្កដា ២០១០) នៅស្ថានទូតជប៉ុន ដោយ លោកកាវ៉ាមូរ៉ា ហ៊ីរ៉ូស៊ី ភារធារីស្ដីទីស្ថានទូត ជប៉ុនប្រចាំព្រះរាជាណាចក្រកម្ពុជា និងលោក វ៉ាតាណាបេ អ៊ីគី ប្រធានអង្គការ JMAS ។
ជំនួយនេះត្រូវប្រើប្រាស់ទៅលើគំរោង គាំទ្រសកម្មភាពបោសសំអាតមីននៅក្នុងខេត្ដបាត់ដំបង នៃប្រទេសកម្ពុជា (៩២៨.២១៧ ដុល្លារអាមេរិក) គឺដើម្បីដាក់ពង្រាយក្រុម ប្រតិបត្ដិការដោះមីនចំនួន៣នៅក្នុងស្រុក កំរៀង និងដាក់ម៉ាស៊ីនបោសសំអាតមីន នៅ ក្នុងស្រុករតនមណ្ឌល នៃខេត្ដបាត់ដំបង ដែល ជាខេត្ដមួយមានគ្រាប់មីនកប់ក្នុងដី និងអ្នក រងគ្រោះថ្នាក់ ដោយសារគ្រាប់មីនច្រើនជាង គេបំផុតក្នុងចំណោមខេត្ដ នានានៃប្រទេស កម្ពុជា។ ចំពោះការប្រតិបត្ដិការសកម្ម ភាពបោសសំអាតមីន ក្នុងស្រុកកំរៀង អ្នក ភូមិនឹងចូលរួមសកម្មភាពដោះមីនសហគមន៍ ដោយមានជំនួយបច្ចេកទេសពីទីប្រឹក្សាអង្គការ JMAS និងក្រោមការត្រួតពិនិត្យពី បុគ្គលិកមជ្ឈមណ្ឌលកំចាត់មីនកម្ពុជា ។
ចំណែកម៉ាស៊ីនបោសសំអាតមីននឹងត្រូវ ធ្វើប្រតិបត្ដិការនៅក្នុងតំបន់លំបាកៗក្នុង ស្រុករតនមណ្ឌល ។ តាមការប៉ាន់ស្មានមាន ប្រជាជនអ្នកភូមិប្រមាណជាង២០.០០០នាក់ នឹងទទួលបានផលប្រយោជន៍ពីគំរោងនេះ ដោយធ្វើឱ្យពួកគេរស់នៅតំបន់ទាំងនោះ រួចផុតពីការគំរាមកំហែងដោយគ្រាប់មីន និង នាំមកវិញនូវការអភិវឌ្ឍន៍សហគមន៍បន្ទាប់ពី ការបោសសំអាតមីនរួច ។ ព័ត៌មានលំអិតនឹង ផ្សាយជូននៅពេលក្រោយ និងនៅលើទំព័រ កាសែតកោះសន្ដិភាព .
ចែករំលែកព័តមាននេះ