សង្គ្រាមរបស់ពួកអ្នកទោសជាសមាជិកបណ្តាក្រុមជនខិលខូចដែលប្រជែងគ្នាមានសភាពខ្លាំងក្លានៅតាមពន្ធនាគារទាំងឡាយរបស់ប្រេស៊ីល ។
កាលពីថ្ងៃទី១៩ មករា លោក ROBINSON FARIA អភិបាលរដ្ឋ RIO GRANDE DO NORTE នា
សង្គ្រាមរបស់ពួកអ្នកទោសជាសមាជិកបណ្តាក្រុមជនខិលខូចដែលប្រជែងគ្នាមានសភាពខ្លាំងក្លានៅតាមពន្ធនាគារទាំងឡាយរបស់ប្រេស៊ីល ។
កាលពីថ្ងៃទី១៩ មករា លោក ROBINSON FARIA អភិបាលរដ្ឋ RIO GRANDE DO NORTE នាភាគឦសានប្រេស៊ីលបានអំពាវនាវដល់រដ្ឋអំណាចសហព័ន្ធឱ្យបញ្ជូនកងទ័ពមកជួយធ្វើអន្តរាគមន៍ ដើម្បីបញ្ចប់ការបះបោរនៅតាមពន្ធនាគារទាំងឡាយដែលធ្វើឱ្យកក្រើកតំបន់នេះ ចាប់តាំងពីច្រើនថ្ងៃមកហើយ។ តាមទូរទស្សន៍ CBN អភិបាលរដ្ឋរូបនេះថ្លែងថា ខ្ញុំស្នើដល់ប្រធានាធិបតីលោក MICHEL TEMER អនុញ្ញាតបញ្ជូនជាបន្ទាន់នាថ្ងៃនោះ (១៩ មករា) នូវកងទ័ពដែលមានទាំងកងទ័ពជើងគោក និងជើងទឹក ដើម្បីល្បាតនៅតាមដងវិថីនៃទីក្រុងណាតាល់ រដ្ឋធានីរបស់រដ្ឋ ។
ការប៉ះទង្គិចគ្នាបានផ្ទុះនាថ្ងៃទី១៩ មករា ទៀត រវាងក្រុមជនខិចខូចប្រជែងគ្នា២ក្រុមក្នុងពន្ធនាគារ ALCACUZ ស្ថិតនៅចម្ងាយប្រមាណជា៥០គ.ម ពីក្រុងណាតាល់ ៤ថ្ងៃបន្ទាប់ពីការសម្លាប់អ្នកទោស២៦នាក់នៅទីនោះមក។ បច្ចុប្បន្នប៉ូលិសកំពុងប៉ុនប៉ងដណ្តើមការត្រួតត្រាវិញ ខណៈដែលពួកអ្នកទោសទាំង២ក្រុមបន្តវាយប្រហារគ្នា ព្រមទាំងបន្តគប់ដុំថ្ម ព្រមទាំងរបស់ដែលដុតឱ្យឆេះនានា ។ យោងតាមបណ្តាសារព័ត៌មានប្រេស៊ីលថា ពួកអ្នករបួសអាចជម្លៀសចេញ ។ មុននេះអ្នកទោស២២០នាក់ ស្ថិតក្នុងក្រុមមួយក្នុងចំណោមក្រុមប្រជែងគ្នាដែលគំរាមកំហែងសម្លាប់គ្នាទៅវិញទៅមក ត្រូវផ្ទេរទៅកាន់ពន្ធនាគារមួយទៀត ។
នៅរដ្ឋនោះដែរ ពន្ធនាគារ SERIDO ក្នុងទីក្រុង CAICO ក៏កើតមានការប៉ះទង្គិចគ្នាដែរ ដោយតាមតុល្យការថា ការប៉ះទង្គិចគ្នានោះបណ្តាលឱ្យមនុស្សស្លាប់៥នាក់ និងរបួសម្នាក់ ។
ចំណែកនៅខាងក្រៅពន្ធនាគារទាំងឡាយវិញ អំពើហិង្សារាលដាលដល់ទីក្រុង៦ នៃរដ្ឋ RIO GRANDE DO NORTE ក្នុងនោះមានក្រុងណាតាល់ដែរ ។ រថយន្តបឺស២១គ្រឿង រថយន្តតូច៦គ្រឿង និងរថយន្តកាំមីញ៉ុង១គ្រឿង ត្រូវដុតបំផ្លាញ រួចសម្រាប់ពេលនេះមនុស្ស៧នាក់ត្រូវចាប់ខ្លួន ៕
ចែករំលែកព័តមាននេះ