ខេត្តព្រះវិហារ ៖ កម្លាំងមូលដ្ឋានកងរាជអាវុធហត្ថស្រុកគូលែន ដឹកនាំដោយលោកអនុសេនីយ៍ឯក ចាន់ ស៊ី មេបញ្ជាការរងមូលដ្ឋានកងរាជអាវុធហត្ថស្រុកគូលែន នៅថ្ងៃពុធ ទី១៧ ខែសីហា…
ខេត្តព្រះវិហារ ៖ កម្លាំងមូលដ្ឋានកងរាជអាវុធហត្ថស្រុកគូលែន ដឹកនាំដោយលោកអនុសេនីយ៍ឯក ចាន់ ស៊ី មេបញ្ជាការរងមូលដ្ឋានកងរាជអាវុធហត្ថស្រុកគូលែន នៅថ្ងៃពុធ ទី១៧ ខែសីហា ឆ្នាំ២០២២នេះ បានឃាត់រថយន្តចំនួន ០១គ្រឿង ម៉ាកសាំយ៉ុង ពណ៌ស ពាក់ស្លាកលេខ ភ្នំពេញ 2A-8349 ដឹកឈើអារចម្រុះ ប្រភេទលេខ២ ដោយគ្មានលិខិតអនុញ្ញាត ខណៈពេលឃាត់រថយន្តនោះ អ្នកបើកបានចុះរត់គេចខ្លួនបាត់ បន្សល់រថយន្តនៅចំណុចផ្លូវលំអូរចាក់ស្រា ស្ថិតក្នុងភូមិសាស្ត្រ ភូមិស្រយង់ត្បូង ឃុំស្រយង់ ស្រុកគូលែន ។ ចំណែកឯ ឈើពុំទាន់វាស់វែង រួមនឹងរថយន្តជាវត្ថុតាង ត្រូវបានប្រគល់ជូនជំនាញរដ្ឋបាលព្រៃឈើចាត់ការបន្ត ។
នៅថ្ងៃដដែលនេះ កម្លាំងមូលដ្ឋានកងរាជអាវុធហត្ថស្រុកត្បែងមានជ័យ បានសហការ បង្ក្រាបរោងសិប្បកម្មកែច្នៃ ផលអនុផលព្រៃឈើ ពុំមានលិខិតអនុញ្ញាតមួយកន្លែងនៅចំណុចភូមិបុះធំ ឃុំប្រមេរុ ស្រុកត្បែងមានជ័យ ។
នៅក្នុងការបង្ក្រាបនោះ សមត្ថកិច្ចជំនាញ បានដកហូតវត្ថុតាង រួមមាន តាបឈូស និងឈើលេខ១ មួយចំនួន ដោយយកមករក្សាទុក នៅផ្នែករដ្ឋបាលព្រៃឈើត្បែងមានជ័យ ដើម្បីចាត់ការបន្តទៅតាមនីតិវិធី ។ ចំណែកម្ចាស់សិប្បកម្មនោះ ឈ្មោះ ជ័យ សាន ភេទស្រី អាយុ៤៤ឆ្នាំ ត្រូវបានធ្វើកិច្ចសន្យាឱ្យបញ្ឈប់ធ្វើសិប្បកម្ម ខុសច្បាប់តទៅទៀត ។
សូមបញ្ជាក់ថា សិប្បកម្មកែច្នៃ ឈើខុសច្បាប់ មួយនេះ បានធ្វើអាជីវកម្មខុសច្បាប់ ជាយូរមកហើយ ហើយនាយសង្កាត់រដ្ឋបាលព្រៃឈើត្បែងមានជ័យ លោក សុង បញ្ញា ក៍ធ្លាប់បានចុះទៅធ្វើការអប់រំ និងធ្វើកិច្ចសន្យា មិនឲ្យបន្តធ្វើសិប្បកម្មខុសច្បាប់តទៅទៀតទេ តែម្ចាស់សិប្បកម្មរូបនេះ នៅតែគឃ្លើនធ្វើបន្ត មិនព្រមឈប់ ទើបសមត្ថកិច្ចរដ្ឋបាលព្រៃឈើ ចុះបង្ក្រាបតែម្តង៕
ចែករំលែកព័តមាននេះ