ការរញ្ជួយដីបន្តបន្ទាប់គ្នាមានកម្លាំងពី៥,៣ ទៅ៥,៧វីស្ទ័រ ញ៉ាំងឱ្យមានការញ័ររង្គើយ៉ាងខ្លាំង កាលពីថ្ងៃទី១៨ មករា នៅភាគកណ្តាលអីុតាលី ពិសេសក្នុងរដ្ឋធានីរ៉ូម ។
ការរញ្ជួយដំបូងនាវេលាម៉ោង១០និង២៥នាទីម៉ោងក្នុង
ការរញ្ជួយដីបន្តបន្ទាប់គ្នាមានកម្លាំងពី៥,៣ ទៅ៥,៧វីស្ទ័រ ញ៉ាំងឱ្យមានការញ័ររង្គើយ៉ាងខ្លាំង កាលពីថ្ងៃទី១៨ មករា នៅភាគកណ្តាលអីុតាលី ពិសេសក្នុងរដ្ឋធានីរ៉ូម ។
ការរញ្ជួយដំបូងនាវេលាម៉ោង១០និង២៥នាទីម៉ោងក្នុងស្រុក មានកម្លាំង៥,៣វីស្ទ័រ ហើយការរញ្ជួយដីមួយទៀតខ្លាំង និងយូរជាងមុនកម្លាំងដល់៥,៧វីស្ទ័រ កើតមាននាវេលាម៉ោង១១និង១៤នាទី ។ បន្ទាប់មកមានការញ័ររញ្ជួយទី៣ មួយទៀត មានកម្លាំង៥,៣វីស្ទ័រ នាវេលាម៉ោង១១និង២៥នាទី រួចការរញ្ជួយលើកទី៤ មានកម្លាំង៥,២វីស្ទ័រ កើតមានវេលាម៉ោង១៤និង៣៣នាទី ។
ប្រមុខរដ្ឋាភិបាលអីុតាលី លោក PAOLO GENTILONI ដែលកំពុងស្ថិតនៅក្រុងប៊ែរឡាំង ថ្លែងទៅកាន់សារព័ត៌មានថា ការរញ្ជួយដីនោះ បណ្តាលឱ្យមនុស្សម្នាក់គត់ស្លាប់ ។
ការរញ្ជួយសំខាន់ទាំង៤លើកនោះ ធ្វើឱ្យញ័ររង្គើ ជាពិសេសនៅទីក្រុងរ៉ូម និងក្នុងផ្នែកយ៉ាងធំនៃប្រទេសអីុតាលី ។ នៅក្រុងរ៉ូមខ្សែមេត្រូទាំង៣ត្រូវបិទរយៈពេល២ម៉ោង រួចសាលារៀនជាច្រើនជម្លៀសមនុស្សចេញ ហើយមនុស្សម្នាក៏ជម្លៀសចេញពីបណ្តាអគារសាធារណៈផងដែរ ។
ចំណុចកណ្តាលនៃការរញ្ជួយដីទាំងនេះ ស្ថិតនៅចន្លោះសង្កាត់ MONTEREALE សង្កាត់ CARITIGNANO សង្កាត់ COMPSTOTO សង្កាត់ BARETE សង្កាត់ PIZZOLI និងសង្កាត់ AMATRICE ភាគកណ្តាលអីុតាលី ៕
ចែករំលែកព័តមាននេះ