នគរបាលចាប់ខ្លួនបុរសម្នាក់តាមដីកា ពីបទលួចកាលពី៦ឆ្នាំមុន
- ភ្នំពេញ
រាជធានីភ្នំពេញ ៖ កម្លាំងនគរបាលប៉ុស្តិ៍ឬស្សីកែវ ខណ្ឌឬស្សីកែវឃាត់ខ្លួន បុរសម្នាក់ កាលពីរសៀល ថ្ងៃ
រាជធានីភ្នំពេញ ៖ កម្លាំងនគរបាលប៉ុស្តិ៍ឬស្សីកែវ ខណ្ឌឬស្សីកែវឃាត់ខ្លួន បុរសម្នាក់ កាលពីរសៀល ថ្ងៃទី១៥ ខែសីហា ឆ្នាំ២០២២ តាម `ដីកាបញ្ជាឲ្យបង្ខំ និងឲ្យឃុំខ្លួន» ចុះថ្ងៃទី២០ ខែមិថុនា ឆ្នាំ២០២២ ពីបទ«លួច» ដែលបានសម្រច បង្គាប់អោយប្រធានមណ្ឌលអប់រំកែប្រែទី១ ឬហៅថា «ម១» ឃុំខ្លួនក្នុងថិរវេលានៃការបង្ខំដល់រូបកាយចំនួន១ខែគិតចាប់ពីថ្ងៃចាប់ឃុំខ្លួន។
ការឃាត់ខ្លួន ទណ្ឌិតនេះបានធ្វើឡើង នៅចំណុចផ្លូវបេតុង ភូមិបឹងសាឡាង សង្កាត់ឫស្សីកែវ ខណ្ឌឫស្សីកែវ រាជធានីភ្នំពេញ ។
ទណ្ឌិតរូបនោះឈ្មោះ ខន វ៉ាហុង ភេទប្រុស អាយុ២៣ឆ្នាំ មានទីលំនៅផ្ទះជួល ផ្លូវបេតុង ក្រុមទី១០ ភូមិឃ្លាំងសាំង សង្កាត់ឫស្សីកែវ ខណ្ឌឫស្សីកែវ រាជធានីភ្នំពេញ។
តាម «ដីកាបញ្ជាឲ្យបង្ខំ និងឲ្យឃុំខ្លួន» លេខ ០០៥ អ.យ.ឈ ចុះថ្ងៃទី២០ ខែមិថុនា ឆ្នាំ២០២២ចេញដោយព្រះរាជអាជ្ញារង សុក កែវបណ្ឌិត តំណាងអយ្យការ អមសាលាដំបូងរាជធានីភ្នំពេញបានអោយដឹងថាទណ្ឌិតឈ្មោះ ខន វ៉ាហុង ភេទប្រុស អាយុ២៣ឆ្នាំ ត្រូវផ្តន្ទាទោស ពីបទលួច ប្រព្រឹត្តនៅចំណុចផ្ទះលេខ៩១៣ផ្លូវរថភ្លើង ក្រុមទី១០ ភូមិ បឹងសាឡាង សង្កាត់ឬស្សីកែវរាជធានីភ្នំពេញកាលពីថ្ងៃទី២៣ខែមីនា ឆ្នាំ ២០១៦តាម បញ្ញាត្តិមាត្រា៣៥៣និងមាត្រា៣៥៦នៃក្រមព្រហ្មទណ្ឌ។ទណ្ឌិតឈ្មោះ ខន វ៉ាហុង ភេទប្រុស អាយុ២៣ឆ្នាំ ត្រូវផ្ទន្ទាទោសដាក់ពន្ធនាគារកំណត់២០(ម្ភៃ)ខែនិងពិន័យជាប្រាក់ចំនួន១ ០០០ ០០០(មួយលានរៀល)តែរហូតមកទល់ពេលនេះទណ្ឌិតឈ្មោះខន វ៉ាហុង មិនទាន់បានយកប្រាក់ចំនួន ខាងលើមកបង់ចូលថវិការដ្ឋនៅឡើយ។
តាមដីកាបង្គាប់នោះក៍បានសម្រេច ៖ ១-បង្គាប់អោយមន្ត្រីនគរបាលយុត្តិធម៌ចាប់ខ្លួន ទណ្ឌិតឈ្មោះខន វ៉ាហុង ភេទប្រុស អាយុ២៣ឆ្នាំ យកមកអនុវត្តទោសនៅមណ្ឌលអប់រំកែប្រែទី១(ម១)តាមអំណាចសាលក្រមព្រហ្មទណ្ឌស្ថាបពរលេខ២៦៤៣«ឡ»ចុះថ្ងៃទី២៣ខែកញ្ញា ឆ្នាំ២០១៦របស់សាលាដំបូងរាជធានីភ្នំពេញ និង២-បង្គាប់អោយលោកប្រធានមណ្ឌលអប់រំកែប្រែទី១(ម១)ឃុំខ្លួនទណ្ឌិតឈ្មោះខន វ៉ាហុង ភេទប្រុស អាយុ២៣ឆ្នាំ ក្នុងថិរវេលានៃការបង្ខំដល់រូបកាយចំនួន១ខែគិតចាប់ពីថ្ងៃចាប់ឃុំខ្លួន ៕
ចែករំលែកព័តមាននេះ