បន្ទាប់ពីត្រូវស្ទះគាំងរយៈពេលជាច្រើនថ្ងៃបណ្ដាលមកពីផេះភ្នំភ្លើង អ៊ីស្លង់មួយមកការហោះហើររបស់យន្ដហោះបានដំណើរការឡើងវិញជា បន្ដបន្ទាប់នៅអឺរ៉ុបកាលពីថ្ងៃទី២០ មេសា ក៏ប៉ុន្ដែការស្ទះនៅមានបន្ដទៀត ព្រោះដែនអាកាសរបស់ប្រទេសជាច្រើននៅបិទមួយផ្នែក ឬទាំងក្រុងនៅឡើយ ។
បន្ទាប់ពីត្រូវស្ទះគាំងរយៈពេលជាច្រើនថ្ងៃបណ្ដាលមកពីផេះភ្នំភ្លើងអ៊ីស្លង់មួយមកការហោះហើររបស់យន្ដហោះបានដំណើរការឡើងវិញជាបន្ដបន្ទាប់នៅអឺរ៉ុបកាលពីថ្ងៃទី២០ មេសា ក៏ប៉ុន្ដែការស្ទះនៅមានបន្ដទៀត ព្រោះដែនអាកាសរបស់ប្រទេសជាច្រើននៅបិទមួយផ្នែក ឬទាំងក្រុងនៅឡើយ ។
យោងតាម EUROCONTROL ជាទីភ្នាក់ងារត្រួតពិនិត្យសន្ដិសុខនៃការធ្វើដំណើរតាមអាកាសមានមូលដ្ឋាននៅទីក្រុងប្រ៊ុចសែលថា ជើងហោះហើរចំនួន១៣.០០០ជើង ត្រូវបានធានាក្នុងថ្ងៃទី២០ មេសា នៅ អឺរ៉ុប ទល់នឹង២៨.០០០ជើងតាមទម្លាប់ ។ EUROCONTROL ព្យាករណ៍ថា សភាពការណ៍នឹងវិលមករកសភាពធម្មតាឡើងវិញ ស្ទើរទាំងស្រុងនាថ្ងៃទី២៣ មេសា ។
ជាលើកដំបូងចាប់តាំងពីការផ្ទុះភ្នំភ្លើង EYJAFJALLAJOKULL កាលពីថ្ងៃទី១៤ មេសា មក កាលពីថ្ងៃទី២០ មេសា យន្ដហោះចាប់ហោះឡើងពីព្រលានយន្ដហោះជាច្រើននៅអឺរ៉ុប ជាពិសេសពីព្រលានយន្ដហោះ ROISSY (បារាំង) និងព្រលានយន្ដហោះ ្សSCHIPHOLនៅក្រុងអាមស្ទ័រដាម (ហុល្លង់) ធ្វើឱ្យពួកអ្នកដំណើរមានការធូរអារម្មណ៍វិញ ។ នៅប្រទេសអង់គ្លេស រដ្ឋមន្ដ្រីដឹកជញ្ជូនលោក ANDREW ADONI ប្រកាសបើកឡើងវិញនូវគ្រប់ព្រលានយន្ដហោះទាំងអស់ក្នុងប្រទេសចាប់ពីម៉ោង២២ម៉ោងក្នុងស្រុកទៅ ។
ចំពោះបញ្ហាផេះភ្នំភ្លើង អ្នកជំនាញការម្នាក់របស់អង្គការសុខភាពពិភពលោកគូសបញ្ជាក់កាលពីថ្ងៃទី២០ មេសា នៅទីក្រុងហ្សឺណែវថា ពពកផេះភ្នំភ្លើងពុំមានគ្រោះថ្នាក់នាពេលនេះដល់សុខភាពរបស់ប្រជាជននៃបណ្ដាប្រទេស ដែលមានពពកផេះនេះហុយកាត់ ឡើយ លើកលែងតែសំរាប់ប្រជាជនរស់នៅជុំវិញភ្នំភ្លើង ជាកន្លែងផេះធ្លាក់នៅលើដីយ៉ាងច្រើន ។ សំរាប់បណ្ដាប្រជាជនរស់នៅជុំវិញភ្នំភ្លើងអ្នកជំនាញការរូបនេះណែនាំឱ្យស្ថិតនៅក្នុងផ្ទះ ហើយពេលចេញក្រៅគួរមានការប្រុងប្រយ័ត្ន ដូចជាពាក់វ៉ែនតាការពារ និងពាក់ម៉ាស់ ៕
ចែករំលែកព័តមាននេះ