ខេត្តត្បូងឃ្មុំ ៖ កម្លាំងសមត្ថកិច្ចបានតាមប្រមាញ់ជនសកម្មចែកចាយគ្រឿងញៀនម្នាក់ នៅឃុំស្រឡប់ ស្រុកត្បូងឃ្មុំ ដោយដកហូតបានថ្នាំញៀ.ន១កញ្ចប់ធំ រួមនឹងរថយន្ត១គ្រឿង បញ្ជូនមកអធិការដ្ឋានគរបាលស្រុកត្បូងឃ្មុំ ដើម្បីសួរនាំ។ សមត្ថកិច្ចមូលដ្ឋានបានប្រាប់ឱ្យដឹង…
ខេត្តត្បូងឃ្មុំ ៖ កម្លាំងសមត្ថកិច្ចបានតាមប្រមាញ់ជនសកម្មចែកចាយគ្រឿងញៀនម្នាក់ នៅឃុំស្រឡប់ ស្រុកត្បូងឃ្មុំ ដោយដកហូតបានថ្នាំញៀ.ន១កញ្ចប់ធំ រួមនឹងរថយន្ត១គ្រឿង បញ្ជូនមកអធិការដ្ឋានគរបាលស្រុកត្បូងឃ្មុំ ដើម្បីសួរនាំ។
សមត្ថកិច្ចមូលដ្ឋានបានប្រាប់ឱ្យដឹង កាលពីព្រឹកថ្ងៃទី១៦ សីហា នេះថា អនុវត្តតាមការប្រជុំជារឿយៗ នៅស្នងការនគរបាលខេត្ត គឺឲ្យកម្លាំងគ្រប់ស្រុកក្រុងទាំង៧ ក្នុងខេត្តត្បូងឃ្មុំយកចិត្តទុកដាក់បង្ក្រាបក្រុមចែកចាយនិងជួញដូរគ្រឿងញៀន។
ជាក់ស្ដែង កាលពីរសៀលថ្ងៃទី១៥ សីហា កម្លាំងជំនាញផ្នែកប្រឆាំងគ្រឿងញៀន នៃអធិការដ្ឋាននគរបាលស្រុកត្បូងឃ្មុំ សហការណ៍ជាមួយកម្លាំងប៉ុស្តិ៍នគរបាលរដ្ឋបាលស្រឡប់ ដោយប្រើវិធានតាមមាត្រា៧៩ នៅចំណុច ភូមិប្រយ៉ាប ឃុំស្រឡប់ ស្រុកត្បូងឃ្មុំ ចាប់ខ្លួនជនសង្ស័យ ឈ្មោះ អ៊ា អ៉ី ភេទប្រុស អាយុ៣៥ឆ្នាំ ជាតិខ្មែរ រស់នៅ ភូមិប្រយ៉ាប ឃុំស្រឡប់ ស្រុកត្បូងឃ្មុំ ។ ជនម្នាក់នេះសកម្មខាងជួញដូរ និងចែកចាយគ្រឿងញៀនត្រូវបានកម្លាំងសមត្ថកិច្ចធ្វើការតាមដានរយៈពេល ២ទៅ៣ខែទើបឈានដល់ចាប់ខ្លួន។
សមត្ថកិច្ចមូលដ្ឋានប្រាប់បន្តឲ្យដឹងទៀតថា នៅក្នុងប្រតិបត្តិការត្រាំប្រមាញ់ជនសង្ស័យរូបនេះ គឺមានការឯកភាពពីលោកឧត្តមសេនីយ៍ ស្នងការ និង សម្របសម្រួលពី ឯកឧត្តម ឡុង ហុកម៉េង ព្រះរាជអាជ្ញា នៃអយ្យកាអមសាលាដំបូងខេត្តត្បូងឃ្មុំ បានឆែកឆេរលំនៅដ្ឋានរបស់ឈ្មោះ អ៊ា អ៉ី លទ្ធផលរកឃើញ ម្សៅក្រាមពណ៌សថ្លាសង្ស័យជាថ្នាំញៀន០១កញ្ចប់ធំ សម្ភារៈ វេចខ្ចប់ថ្នាំញៀនមួយចំនួនធំ។ ដកហូតវត្ថុតាង ម្សៅក្រាមពណ៌សថ្លាសង្ស័យជាថ្នាំញៀន ចំនួន០២កញ្ចប់ (វិធានញុះញង់ ០១កញ្ចប់) រថយន្តចំនួន ០១គ្រឿង ម៉ាក HYUNDAI LIBERO PRO ពណ៌ស ស្លាកលេខ ត្បូងឃ្មុំ 2A- 3066 ជញ្ជីងសម្រាប់ថ្លឹងថ្នាំញៀនចំនួន០១ ទូរសព្ទដៃចំនួន០១គ្រឿង។
សមត្ថកិច្ចមូលដ្ឋានបញ្ជាក់ថា ក្រោយពីទទួលបានថាជនសង្ស័យម្នាក់នេះបានធ្វើសកម្មភាពចែកចាយនិងជួញដូរថ្នាំញៀ.ននៅក្នុងឃុំស្រឡប់ កម្លាំងអធិការដ្ថាននគរបាលស្រុកត្បូងឃ្មុំបានធ្វើការតាមដានឃ្លាំមើលតែជនម្នាក់នេះមិនសូវនៅផ្ទះប៉ុន្មាននោះទេ ដោយឡើងចេញចូលមើលចម្ការនៅខេត្តក្រចេះ ។
ដោយបានយកថ្នាំញៀនទីនោះគឺទិញពីមនុស្សម្នាក់ក្នុងមួយកញ្ចប់ធំតម្លៃ១០០០ ដុល្លារ យកមកចែកចាយលក់បន្តនៅឃុំស្រឡប់ស្រុកត្បូងឃ្មុំ។មុខរបរមិនស្របច្បាប់បែបនេះមិនបានប៉ុន្មានផងត្រូវបានកម្លាំងសមត្ថកិច្ចធ្វើការតាមបានដឹងតាមគោលនយោបាយភូមិឃុំមានសុវត្ថិភាព ដោយទទួលបានព័ត៌មានច្បាស់លាស់សមត្ថកិច្ចប្រើវិធានញុះញង់ទើបឈានទៅចាប់បានជនសង្ស័យម្នាក់នេះ បញ្ជូនមកអធិការដ្ថាននគរបាលស្រុកសួរនាំនឹងបានកសាងសំណុំរឿងបញ្ជូនទៅឲ្យតំណាងអយ្យការនឹងបន្តនីតិវិធីស្រាវជ្រាវបន្ថែមទៀត៕
ចែករំលែកព័តមាននេះ