Liverpool ខកខានយក៣ពិន្ទុ២សប្តាហ៍ជាប់គ្នា មុនប៉ះ Man UTD សប្តាហ៍ក្រោយ
អង់គ្លេស ៖ ខ្សែបម្រើស្លាប Luis Diaz បានសង្គ្រោះក្រុមហង្សក្រហម Liverpool ពីការបរាជ័យក្រោមថ្វី
អង់គ្លេស ៖ ខ្សែបម្រើស្លាប Luis Diaz បានសង្គ្រោះក្រុមហង្សក្រហម Liverpool ពីការបរាជ័យក្រោមថ្វី
អង់គ្លេស ៖ ខ្សែបម្រើស្លាប Luis Diaz បានសង្គ្រោះក្រុមហង្សក្រហម Liverpool ពីការបរាជ័យក្រោមថ្វីជើងក្រុមភ្ញៀវ Crystal Palace។ ខណៈដែលខ្សែប្រយុទ្ធចំណូលថ្មីរបស់ពួកគេ Darwin Nunez ទទួលបានកាតក្រហមនៅក្នុងការប្រកួតលីគកំពូលអង់គ្លេស English Premier League ជាលើកដំបូង។
ការប្រកួតដែលធ្វើឡើងនៅឯកីឡដ្ឋាន Anfield កាលពីយប់មិញ ក្រុមភ្ញៀវ Crystal ក្រោមការដឹកនាំរបស់លោក Patrick Vieira បើកការនាំមុខមុននៅនាទី៣២ រកបានដោយខ្សែប្រយុទ្ធ Wilfried Zaha ហើយលទ្ធផល ១ទល់នឹង០ រក្សាដល់ចប់វគ្គទី១។
លុះឈានដល់វគ្គទី២ ពោលនាទី៥៧ ខ្សែប្រយុទ្ធចំណូលថ្មី Darwin Nunez របស់ Liverpool ទទួលបានកាតក្រហមបណ្តេញចេញពីការប្រកួត ក្រោយមានការប៉ះទង្គិចដោយយកក្បាលទៅបុកក្បាលខ្សែការពារ Joachim Andersen។ ទោះសល់គ្នាត្រឹម១០នាក់ក៏ពិតមែន តែក្រុមរបស់លោក Jurgen Klopp មានឱកាសរកគ្រាប់តាមស្មើមកវិញ ដែលសម្រេចបានដោយខ្សែបម្រើស្លាប Luis Diaz នៅនាទី៦១។
ហើយលទ្ធផល ១ទល់នឹង១ បានរក្សាដល់ចប់ការប្រកួត។ ដែលមានន័យថា Liverpool ខកខានរកបាន៣ពិន្ទុ ២សប្តាហ៍ជាប់គ្នា ដោយកាលពីសប្តាហ៍ទី១ ត្រឹមស្មើ ២ទល់នឹង២ ជាមួយក្រុម Fulham។ ហើយជាមួយលទ្ធផលនេះ Liverpool ឈរនៅលេខ១២ មាន២ពិន្ទុ រីឯ Crystal Palace ឈរនៅលេខ១៦ មាន១ពិន្ទុ។
នេះជាការបង្ហាញទម្រង់លេងពុំសូវជាបានល្អសម្រាប់ Liverpool មុនពេលពួកគេត្រូវបន្តជួបក្រុមធ្លាក់ទម្រង់លេង និងកំពុងឈរនៅបាតតារាង Manchester United នៅសប្តាហ៍ក្រោយ ពោលថ្ងៃទី២៣ ខែសីហា ឆ្នាំ២០២២ ខាងមុខនេះ នៅឯកីឡដ្ឋាន Old Trafford ដោយគ្មានវត្តមានខ្សែប្រយុទ្ធ Darwin Nunez៕
ចែករំលែកព័តមាននេះ