ឧត្តរមានជ័យ ៖ ទឹកភ្លៀងបន្តធ្លាក់ធ្វើឲ្យលិច និងកាត់ផ្តាច់ផ្លូវលំជាច្រើនខ្សែដែលស្ថិតនៅក្នុងក្រុងសំរោង និងស្រុកអន្លង់វែង ត្រូវជំនន់ទឹកហូរច្រោះដាច់ផ្លូវបង្ករងការខូតខាតយ៉ាងធ្ងន់ធ្ងរ និងប៉ះពាល់ដល់ផលដំណាំស្រូវអស់ជាច្រើនហិកតា ថែមទាំងពិបាកក្នុងការធ្វើដំណើរទៀតផង ។ ជាក់ស្តែងប្រជាពលរដ្ឋត្រូវទៅប្រកបមុខរបរធ្វើស្រែចំការ…
ឧត្តរមានជ័យ ៖ ទឹកភ្លៀងបន្តធ្លាក់ធ្វើឲ្យលិច និងកាត់ផ្តាច់ផ្លូវលំជាច្រើនខ្សែដែលស្ថិតនៅក្នុងក្រុងសំរោង និងស្រុកអន្លង់វែង ត្រូវជំនន់ទឹកហូរច្រោះដាច់ផ្លូវបង្ករងការខូតខាតយ៉ាងធ្ងន់ធ្ងរ និងប៉ះពាល់ដល់ផលដំណាំស្រូវអស់ជាច្រើនហិកតា ថែមទាំងពិបាកក្នុងការធ្វើដំណើរទៀតផង ។
ជាក់ស្តែងប្រជាពលរដ្ឋត្រូវទៅប្រកបមុខរបរធ្វើស្រែចំការ ដែលត្រូវឆ្លងកាត់តំបន់ផ្លូវត្រង់ចំណុចទឹកកំពុងហូរលិចកាត់ផ្តាច់ផ្លូវហើយម្យ៉ាងវិញទៀតរដូវនេះ គឺជារដូវដែលប្រជាកសិករទូទៅសម្រុកនាំគ្នាធ្វើស្រែ និងខ្លះទៀតដាំដំណាំដំឡូងមី ពោត សណ្តែក បន្លែបង្ការផ្សេងៗជាដើម។
ប្រភពពីប្រជាពលរដ្ឋម្នាក់ឈ្មោះ ហូរ សារ៉េត ភេទប្រុស ដែលមានវ័យ៧០ឆ្នាំ រស់នៅភូមិឈូក សង្កាត់សំរោង ក្រុងសំរោង ខេត្តឧត្តរមានជ័យបានរៀបរាប់ឱ្យដឹងនៅថ្ងៃទី១៦ ខែសីហា នេះថា ផ្លូវជាច្រើនខ្សែដែលជំនន់ទឹកភ្លៀងកំពុងហូរកាត់លិចផ្លូវនេះដែរស្ថិតនៅត្រង់ផ្លូវទៅទំបន់ស្តុបទឹកបឹងត្រពាំងវែង ភូមិត្រពាំងវែង សង្កាត់សំរោង ក្រុងសំរោង ខេត្តឧត្តរមានជ័យ។
ពលរដ្ឋដដែលបានអះអាងបន្តថា ផ្លូវដែលទឹកហូរលិចនេះទើបតែនៅក្នុងថ្ងៃទី១៤ រហូតមកទល់ថ្ងៃទី១៦ ខែសីហានេះ បើតាមរូបគាត់ដឹងមូលហេតុដែលនាំឱ្យជន់លិចផ្លូវបែបនេះមកពីខាងមន្ត្រីជំនាញរបស់មន្ទីរធនធានទឹកបើកបង្ហូរទឹកចេញពីទំបន់ស្តុបទឹកធ្លាក់មកច្រើនពេក ទើបបានជាបណ្តាលឱ្យជន់លិចផ្លូវ ហើយបើយប់នេះមេឃនៅតែមានភ្លៀងបន្តទៀតប្រាកដជាផ្លូវជាច្រើនខ្សែនៅតំបន់នេះច្បាស់ជាត្រូវរងនូវការខូតខាតខ្លាំងជាងនេះបន្តទៀត។
សូមបញ្ជាក់ថា បើតាមការលើកឡើងពីបងប្អូនប្រជាពលរដ្ឋដែលរស់នៅក្បែរចំណុចទីតាំងផ្លូវដែលជំនន់ទឹកភ្លៀងកំពុងហូរកាត់ខ្លាំងលិចផ្លូវថ្មីនេះ កាលពីឆ្នាំចាស់កន្លងទៅពុំមានការលិចដូចនេះទេទោះបីបើកទំបន់បឹងត្រពាំងវែងយ៉ាងណាក៏ដោយទើបតែឆ្នាំនេះដោយមានការបើកទំនប់បង្ហូរមកផងធ្វើឱ្យផ្លូវត្រូវជន់លិច ហើយបញ្ហាសំខាន់បំផុតនោះជំនន់ទឹកភ្លៀងឆ្នាំនេះបណ្តាលឱ្យរងផលប៉ះពាល់ដល់ផ្លូវថ្នល់ពិបាកធ្វើដំណើរហើយថែមទាំងខូតខាតដំណាំស្រូវ និងដំណាំផ្សេងៗមួយចំនួនអស់ជាច្រើនហិកតាផងដែរ ។
ដោយឡែកនៅឯស្រុកអន្លង់វែងវិញយោងទៅតាមរបាយការណ៍របស់មូលរដ្ឋានអាវុធហត្តស្រុកអន្លង់វែងបានឱ្យដឹងថា ទឹកភ្លៀងបានធ្លាក់ផ្ទួនៗភូមិប្រលានទឹកលិចផ្លូវប្រវែង២០ម៉ែត កំពស់ទឹក០.២៥ម៉ែត្រ និងលិចស្ពានឈើប្រវែង១៥ម៉ែត្រ កំពស់ទឹក០.២០ម្រ៉ែតមិនអាចធ្វើចរាចរណ៍បានក្នុងឃុំអន្លង់វែង ឃុំត្រពាំងតាវភូមិទំនប់ ទំនប់បង្ហៀរ៣០០ម៉ែត្រ កំពស់ទឹក០.៣០ម៉ែត្រមិនអាចធ្វើចរាចរណ៍បាន ឃុំថ្លាតភូមិទួលប្រាសាទ ទឹកលិចផ្លូវប្រវែង៣០ម៉ែត្រ កំពស់ទឹក០.៤០ម៉ែត្រ និងលិចស្ពានឈើប្រវែង៣០ម៉ែត្រ កំពស់ទឹក០.៥២ម៉ែត្រ(មិនអាចធ្វើចរាចរណ៍បាន៕
ចែករំលែកព័តមាននេះ