ចាត់ទុកជារឿងចម្លែកមួយដែលហាងអាហារចិននៅអីុតាលីបម្រើមុខម្ហូបប្រអប់ជើងខ្មាឃ្មុំជូនអតិថិជន ប៉ុន្តែការណ៍ពិតមិនមែនប្រអប់ជើងខ្លាឃ្មុំទេ គឺជា «ប្រអប់ជើងមនុស្ស»។
មនុស្សជាច្រើនដឹងថា ហាងអាហារចិនជាច្រើនលក់ចំណីអាហារប្លែកដែលផ្សំពីអវយវៈរបស់សត្វ រួមមានត្រីបាឡែន ពង្រូល ពស់ ខ្លាឃ្មុំ ជាដើម ប៉ុន្តែចំពោះហាងអាហារចិនមួយនៅក្រុង Padua ប្រទេសអីុតាលី ដាក់លក់អាហារដែលចម្អិនយ៉ាងចម្លែក គឺប្រអប់ជើងមនុស្ស ។
«Mirror» របស់អង់គ្លេសកាលពីពេល ថ្មីៗកន្លងមកផ្សាាយថា បុគ្គលិករត់តុម្នាក់របស់ហាងនិយាយថា «មានថ្ងៃមួយភ្ញៀវជនជាតិស្លូវ៉ាគី បានចូលហាង និងបញ្ជាម្ហូបជាប្រអប់ជើងខ្លាឃ្មុំ ដែលហាងលក់ជាប្រក្រតី ប៉ុន្តែធាតុពិតម្ហូបនៅក្នុងចាននោះចម្អិនពីប្រអប់ជើងមនុស្ស » ។
បុគ្គលិករូបនោះបញ្ជាក់ថា រឿងរ៉ាវគ្រប់យ៉ាងជាការណ៍ពិត ដោយគេបានបង្ហោះរូបថតនៅលើហ្វេសប៊ុករបស់ខ្លួន បង្ហាញម្ហូបម្យ៉ាងដូចជាជើងមនុស្ស១គូ ដាក់នៅក្នុងចានពណ៌ផ្ទៃមេឃ។ ស្របពេលជាមួយគ្នានេះមានអ្នកលេងអីុនធើរណេតម្នាក់ដែលបានឃើញប្តឹងទៅអាជ្ញាធរឱ្យទៅត្រួតពិនិត្យជាបន្ទាន់ ។
ប៉ូលិស និងមន្ត្រីជំនាញបានទៅត្រួតពិនិត្យគុណភាពអាហារនៅហាងនោះ រៀបរាប់ថា ពួកគេមិនបានប្រទះឃើញស្លាកស្នាមសាច់ ឬបំណែកណាមួយដែលបញ្ជាក់ថាជាប្រអប់ជើងខ្លាឃ្មុំទេ ។
ដោយឡែកនៅក្នុងទូក្លាស្សេមានសាច់ត្រី និងសាច់់សត្វទម្ងន់២៥គីឡូក្រាម ហើយសាច់ដែលប្រទះឃើញនោះមិនអាចកំណត់បានថាជាសាច់សត្វអ្វីទេ? បច្ចុប្បន្នអាជ្ញាធរកំពុងស៊ើបអង្កេតបន្ត ។ ចាំបាច់ត្រូវរិះរកទិន្នន័យឱ្យបានថា បំណែកដែលបុគ្គលិករត់តុបង្ហោះលើហ្វេសប៊ុកនោះតើជាជើងមនុស្ស ឬអ្វីពិតប្រាកដ ៕
ចែករំលែកព័តមាននេះ