ដោយសារតែការប៉ះផ្ទាល់ទៅនឹងកាំរស្មីដែលអាចបង្កគ្រោះថ្នាក់ UVA និងUVB នៃពន្លឺព្រះអាទិត្យ ស្បែកនឹងផលិតជាតិមេឡានីនបន្ថែមទៀតដើម្បីការពារខ្លួនវាផ្ទាល់ ។ សារជាតិមេឡានីន នាំឱ្យស្បែកឡើងពណ៌ខ្មៅ
ដោយសារតែការប៉ះផ្ទាល់ទៅនឹងកាំរស្មីដែលអាចបង្កគ្រោះថ្នាក់ UVA និងUVB នៃពន្លឺព្រះអាទិត្យ ស្បែកនឹងផលិតជាតិមេឡានីនបន្ថែមទៀតដើម្បីការពារខ្លួនវាផ្ទាល់ ។ សារជាតិមេឡានីន នាំឱ្យស្បែកឡើងពណ៌ខ្មៅ ជាពិសេស នៅលើដៃនិងជើង ប្រសិនបើមិនបានការពារដោយសម្លៀកបំពាក់ ឬស្បែកជើង ។
រួមជាមួយនឹងការប៉ះផ្ទាល់នឹងពន្លឺព្រះអាទិត្យ ស្បែកខ្មៅអាចបណ្តាលមកពីភាពភាពកខ្វក់ ការបំពុលបរិស្ថាន និងការប៉ះផ្ទាល់ទៅនឹងសារធាតុគីមីដែលមានគ្រោះថ្នាក់ ។
ដៃនិងជើង មានពណ៌ខ្មៅអាចមើលទៅអាក្រក់ ហើយអាចធ្វើឱ្យលោកអ្នកមានអារម្មណ៍ថាខ្មាសអៀន ។ សំណាងល្អ មានវិធីធម្មជាតិជាច្រើនដែលអាចធ្វើឲ្យស្បែកដៃ និងជើងរបស់លោកអ្នកមានភាពសភ្លឺថ្លា ។ ខាងក្រោមនេះគឺជាវិធីកំពូលទាំង៥ ដែលអាចធ្វើឲ្យស្បែកដៃនិងជើងរបស់លោកអ្នកមានភាពសភ្លឺថ្លា ៖
១-ក្រូចឆ្មារ ៖ ក្រូចឆ្មារមានតម្លៃថោកហើយថែមទាំងអាចធ្វើឲ្យស្បែកដៃ និងជើងរបស់លោកអ្នកមានភាពសភ្លឺថ្លា ។ លក្ខណសម្បត្តិជាតិអាស៊ីតរបស់ក្រូចឆ្មារ មានតួនាទីជាភ្នាក់ងារធ្វើឲ្យស្បែកសដោយធម្មជាតិ ។
ក្រូចឆ្មារសម្បូរទៅដោយជាតិវីតាមីនC ដែលអាចជួយកម្ចាត់កោសិកាស្បែកចាស់ៗ និងធ្វើឲ្យពណ៌ស្បែកមានភាពភ្លឺថ្លា ។ វាជាជំនួយក្នុងការរីកលូតលាស់របស់កោសិកាថ្មី និងធ្វើឲ្យពណ៌ស្បែកស្រាលជាងមុន ។
-រោយស្ករនៅលើចំណិតក្រូចឆ្មារ ។ ដុសវាលើស្បែកដើម្បីកម្ចាត់ភាពកខ្វក់ និងកោសិកាស្បែកចាស់ៗ ។ បន្ទាប់មកទុកវាចោលរយៈពេល១០នាទីមុនពេលលាងវាចេញ ។ ធ្វើបែបនេះម្តងក្នុងមួយសប្តាហ៍ ។
ចំណាំ-បន្ទាប់ពីការប្រើប្រាស់ក្រូចឆ្មារ សូមលាបផលិតផលផ្តល់សំណើមដល់ស្បែក ដើម្បីការពារស្បែកស្ងួត ។ ស្របគ្នានេះដែរ ជៀសវាងការត្រូវពន្លឺព្រះអាទិត្យដោយផ្ទាល់យ៉ាងហោចណាស់១ទៅ២ម៉ោង ។
២-យ៉ាអួ ៖ វត្តមាននៃអាស៊ីតឡាក់ទិកនៅក្នុងយ៉ាអួ ធ្វើឱ្យវាមានប្រសិទ្ធភាពក្នុងការធ្វើឲ្យស្បែកសភ្លឺថ្លា ។ អាស៊ីតឡាក់ទិក អាចដកចេញស្រទាប់ខាងក្រៅនៃកោសិកាស្បែកចាស់ៗ ដើម្បីកាត់បន្ថយភាពស្ងួត ការបែកស្រកា ឬស្បែកខ្មៅស្រអាប់ ។
លើសពីនេះទៀត ប្រូតេអីុននិងវីតាមីនក្នុងយ៉ាអួ ជួយឲ្យស្បែករបស់លោកអ្នកទន់ និងភ្លឺរលោង ។ឮ
-លាបយ៉ាអួមួយចំនួននៅលើតំបន់ដែលមានស្បែកខ្មៅ និងម៉ាស្សាឲ្យបានពីរទៅបីនាទី។ ទុកវាចោលរយៈពេល១០ទៅ១៥នាទី បន្ទាប់មកលាងវាចេញជាមួយទឹកធម្មតា ។ ប្រើវិធីនេះ១ ឬ២ដងក្នុងមួយថ្ងៃ ដើម្បីធ្វើឱ្យប្រសើរឡើងនូវពណ៌ស្បែករបស់លោកអ្នក ។
៣-ត្រសក់ ៖ ត្រសក់អាចធ្វើឱ្យស្បែកដៃនិងជើងរបស់លោកអ្នកមានភាពភ្លឺរលោងក្នុងរយៈពេលកំណត់មួយ ។ លក្ខណសម្បត្តិក្នុងការធ្វើឲ្យស្បែកសរបស់ផ្លែត្រសក់ អាចជួយកម្ចាត់ជាតិពណ៌ខ្មៅដែលមានលើស្បែក ។ ជាតិវីតាមីនA ជួយបង្កើនពណ៌ស្បែករបស់លោកអ្នកដោយគ្រប់គ្រងការផលិតជាតិមេឡានីននៃស្បែក។ បន្លែសម្បូរជាតិទឹកនេះ អាចជួយរក្សាសំណើមដល់ស្បែក ។
-យកចំណិតត្រសក់ស្រស់ដុសលើកន្លែងដែលមានស្បែកខ្មៅរយៈពេល៥នាទី ។ ទុកវាចោលរយៈពេល១៥នាទី ដើម្បីឱ្យស្បែកស្រូបយកជាតិទឹកពីផ្លែត្រសក់ បន្ទាប់មកលាងវាចេញនឹងទឹក។ ធ្វើដូចនេះ២ ឬ៣ដងក្នុងមួយថ្ងៃ ។
៤-ប្រទាលកន្ទុយក្រពើ ៖ វាក៏មានលក្ខណសម្បត្តិផ្តល់សំណើមដល់ស្បែក ដែលជួយបន្ថែមភាពភ្លឺរលោងដោយធម្មជាតិទៅដៃនិងជើងរបស់លោកអ្នក ។
-យកជែលចេញពីស្លឹកប្រទាលកន្ទុយក្រពើស្រស់ និងដុសវានៅលើដៃនិងជើងរបស់លោកអ្នករយៈពេល៥នាទី ។ រង់ចាំ៣០នាទីបន្ទាប់មកលាងវាចេញជាមួយទឹកធម្មតា ។ ធ្វើបែបនេះ២ដងក្នុងមួយថ្ងៃ ដើម្បីធ្វើឲ្យស្បែកមានភាពសភ្លឺថ្លា ។
ចំណាំ-សូមកុំឲ្យត្រូវពន្លឺព្រះអាទិត្យដោយផ្ទាល់ បន្ទាប់ពីការប្រើប្រាស់ជែលប្រទាលកន្ទុយក្រពើនៅលើស្បែក ។
ប្រទាលកន្ទុយក្រពើអាចជួយស្តារពណ៌ស្បែករបស់អ្នក ។ វាអាចព្យាបាលការឡើងជាតិពណ៌ស្បែកខ្លាំង ហេតុដូចនេះវាអាចបន្ថយស្បែកពណ៌ខ្មៅនៅលើដៃ និងជើងរបស់អ្នក ។
៥-សម្បកក្រូច ៖ សម្បកផ្លែក្រូចដែលមនុស្សភាគច្រើនបោះចោល អាចធ្វើឲ្យសម្បុរស្បែករបស់លោកអ្នកមានភាពសស្អាត ។
ផ្លែក្រូចសម្បូរទៅដោយវីតាមីនCខ្ពស់ ដែលវាមានតួនាទីជាភ្នាក់ងារធ្វើឲ្យស្បែកសស្អាតដោយធម្មជាតិ និងជួយព្យាបាលការឡើងជាតិពណ៌ខ្លាំងលើស្បែក ។ លើសពីនេះ អាស៊ីតស៊ីទ្រិចដែលមាននៅក្នុងសម្បកផ្លែក្រូចមានសកម្មភាពជាភ្នាក់ងារកម្ចាត់កោសិកាស្បែកចាស់ៗ ។
-លាយម្សៅសម្បកផ្លែក្រូចជាមួយយ៉ាអួ ឬទឹកដោះគោរហូតក្លាយទៅជាល្បាយស្មើសាច់មួយ ។ លាបល្បាយនេះលើតំបន់ដែលមានស្បែកខ្មៅស្រអាប់ ។ ទុកវាចោលរយៈពេល ២០នាទី ។ បន្ទាប់មកជូតល្បាយនេះចេញដោយម្រាមដៃសើម ដោយប្រើចលនារាងជារង្វង់ ។ ធ្វើដូចនេះ១ឬ២ដងក្នុងមួយសប្តាហ៍ ៕
ចែករំលែកព័តមាននេះ