អតីតប្រធានាធិបតីហ្វីលីពីន មិនសហការជាមួយ ICC ស៊ើបអង្កេតសង្គ្រាមប្រឆាំងគ្រឿងញៀ.ន
ហ្វីលីពីន ៖ អតីតប្រធានាធិបតីហ្វីលីពីន លោក Rodrigo Duterte នឹងមិនសហការជាមួយតុលាការឧ
ហ្វីលីពីន ៖ អតីតប្រធានាធិបតីហ្វីលីពីន លោក Rodrigo Duterte នឹងមិនសហការជាមួយតុលាការឧក្រិ.ដ្ឋកម្មអន្តរជាតិ (ICC) លើការស៊ើបអង្កេតសង្គ្រាមប្រឆាំងគ្រឿងញៀ.នរបស់លោកនោះទេ ដោយសារតុលាការគ្មានយុត្តាធិការក្នុងប្រទេសហ្វីលីពីនឡើយ។ នេះបើយោងតាមការបញ្ជាក់របស់មេធាវីរបស់លោកកាលពីថ្ងៃព្រហស្បតិ៍ ទី ១១សីហា ម្សិលមិញនេះ។
ចៅក្រមតុលាការឧក្រិ.ដ្ឋកម្មអន្តរជាតិ កាលពីថ្ងៃពុធ បានអនុញ្ញាតឲ្យមានការស៊ើបអង្កេតពេញលេញលើយុទ្ធនាការប្រឆាំងគ្រឿងញៀ.នរបស់លោក Duterte ដែក្រុមអង្គការសិទ្ធិមនុស្សប៉ាន់ស្មានថា មានមនុស្សរាប់ម៉ឺននាក់ត្រូវបានសម្លា.ប់ ដោយក្រុមអង្គការនិយាយថា វាស្រដៀងទៅនឹងការវា.យប្រហារជាប្រព័ន្ធ និងខុសច្បាប់លើជនស៊ីវិល។
«លោក Duterte មិនសហការតាំងពីដំបូង។ ហ្វីលីពីនបានចាកចេញពីលក្ខន្តិកៈរបស់ទីក្រុងរ៉ូម ដូច្នេះ ICC លែងមានយុត្តាធិការលើប្រទេសនេះទៀតហើយ»។ នេះបើយោងតាមការថ្លែងរបស់លោក Salvador Panelo ប្រធានទីប្រឹក្សាច្បាប់របស់ប្រធានាធិបតី ប្រាប់វិទ្យុក្នុងស្រុកឈ្មោះ DZBB។
លោកថ្លែងថា «រដ្ឋាភិបាលនឹងមិនអនុញ្ញាតឲ្យសមាជិកណាម្នាក់របស់ ICC ប្រមូលព័ត៌មាន និងភស្ថុតាងនៅហ្វីលីពីនឡើយ។ ពួកគេនឹងត្រូវហាមឃាត់»។
សូមបញ្ជាក់ថា លោក Duterte ដែលទើបចប់អាណត្តិជាប្រធានាធិបតីនៅខែមិថុនាកន្លងទៅនេះ បានធ្វើការវា.យប្រហារម្តងហើយម្តងទៅលើតុលាការឧក្រិ.ដ្ឋកម្មអន្តរជាតិ និងបានប្រកាសថាលោកមិនសហការជាមួយតុលាការនោះឡើយ។
មេដឹកនាំរូបនេះទទួលបានការចាប់អារម្មណ៍យ៉ាងខ្លាំងពីអន្តរជាតិនៅពេលលោកដកហ្វីលីពីនចេញពីតុលាការនេះ បន្ទាប់ពីតុលាការបានបើកការស៊ើបអង្កេតបឋមលើសង្គ្រាមប្រឆាំងគ្រឿងញៀ.នរបស់លោក។
យោងតាមទិន្នន័យផ្លូវការចុងក្រោយរបស់ហ្វីលីពីន មនុស្សយ៉ាងតិចចំនួន ៦.១៨១នាក់ត្រូវបានសម្លា.ប់នៅក្នុងប្រតិបត្តិការប្រឆាំងគ្រឿងញៀ.នចាប់តាំងពីខែកក្កដា ឆ្នាំ ២០១៦៕ (យោងតាមប្រភព៖ AFP)
ចែករំលែកព័តមាននេះ