ADផ្ទាំងផ្សព្វផ្សាយពាណិជ្ជកម្ម

Picture

កម្លាំង​នគរបាល​រាជធានី​ភ្នំពេញ និង​ខេត្តកំពត សហការ​ឃាត់ខ្លួន​ជនសង្ស័យ​០៥​នាក់ ករណី​ធាក់​ប្លន់​ម៉ូតូ

1 ខែ មុន

រាជធានី​ភ្នំពេញ ៖ ជនសង្ស័យ​ចំនួន​៥​នាក់ ត្រូវ​បាន​កម្លាំង​ការិយាល័យ​នគរបាល​ព្រហ្មទណ្ឌ​កំរិត​ស្រាល នៃ​ស្នងការដ្ឋាន​នគរបាល​រាជធានី​ភ្នំពេញ សហការ​ជាមួយ​នគរបាល នៃ​ស្នងការដ្ឋាន​នគរបាល​ខេត្តកំពត បាន​ឃាត់ខ្លួន​កាលពី​វេលា​ម៉ោង​១២​និង​២០​នាទី​ថ្ងៃ​ទី​៩ ខែសីហា ឆ្នាំ​២០២២…

រាជធានី​ភ្នំពេញ ៖ ជនសង្ស័យ​ចំនួន​៥​នាក់ ត្រូវ​បាន​កម្លាំង​ការិយាល័យ​នគរបាល​ព្រហ្មទណ្ឌ​កំរិត​ស្រាល នៃ​ស្នងការដ្ឋាន​នគរបាល​រាជធានី​ភ្នំពេញ សហការ​ជាមួយ​នគរបាល នៃ​ស្នងការដ្ឋាន​នគរបាល​ខេត្តកំពត បាន​ឃាត់ខ្លួន​កាលពី​វេលា​ម៉ោង​១២​និង​២០​នាទី​ថ្ងៃ​ទី​៩ ខែសីហា ឆ្នាំ​២០២២ នៅ​ចំណុច​មុខ​ផ្លូវ​ចូល​បូកគោ ក្រុង​បូកគោ ខេត្តកំពត ពាក់ព័ន្ធ​ប្រព្រឹត្ត​បទល្មើស​អំពើ​លួច​មាន​ស្ថាន​ទម្ងន់ទោស ដោយសារ​ការ​ប្រព្រឹត្ត​អំពើ​ហិង្សា (​យក​ជើង​ធាក់​ផ្តួល​ម៉ូតូ ឲ្យ​ដួល​រួច​យក​ខ្សែ​ក្រ​វ៉ា​ត់​ដេញ​វាយ​ជន​រង​គ្រោះ​ប្លន់​យក​ម៉ូតូ​ម៉ាក​ហុងដា​សេ​១២៥ ពណ៌​ខ្មៅ ស៊េរី​ឆ្នាំ​២០២២ ពាក់​ស្លាក​លេខ ភ្នំពេញ 1JA-2240) ប្រព្រឹត្ត​នៅ​ចំណុច​ផ្លូវ​បេតុង ភូមិ​ចុង​ថ្នល់​សង្កាត់​ព​ន្សាំ​ង ខណ្ឌ​ព្រែក​ព្នៅ រាជធានី​ភ្នំពេញ កាលពី​វេលា​ម៉ោង​០៤​និង​០០​នាទី​ថ្ងៃ​ទី​០៨ ខែសីហា ឆ្នាំ​២០២២ ។

លោក​វរសេនីយ៍ឯក ប៊ុ​ន សត្យា នាយការិយាល័យ​នគរបាល​ព្រហ្មទណ្ឌ​កំរិត​ស្រាល​រាជធានី​ភ្នំពេញ បាន​ឲ្យ​ដឹង​ថា សមត្ថកិច្ច​បាន​ឃាត់ខ្លួន​ជនសង្ស័យ​ចំនួន​៥​នាក់ រួម​មាន ៖

ទី​១-​ឈ្មោះ រស់ សា​រ៉ាត់ ហៅ សាន់ ភេទ​ប្រុស អាយុ​២០​ឆ្នាំ ជនជាតិ​ខ្មែរ មុខរបរ​ជាងភ្លើង និង​ម៉ាស៊ីនត្រជាក់ ស្នាក់​នៅ​ការដ្ឋាន​សំណង់ ផ្លូវ​បេតុង សង្កាត់​គោក​ឃ្លាង ខណ្ឌ​សែន​សុខ រាជធានី​ភ្នំពេញ។
ទី​២-​ឈ្មោះ ជាង ចាន់​ដែន ភេទ​ប្រុស អាយុ​១៧​ឆ្នាំ ជនជាតិ​ខ្មែរ មុខរបរ​កម្មករ​រោងចក្រ ស្នាក់​នៅផ្ទះ​គ្មាន​លេខ ផ្លូវ​បេតុង សង្កាត់​ចោម​ចៅ​៣ ខណ្ឌ​ពោធិ៍​សែន​ជ័យ រាជធានី​ភ្នំពេញ។
ទី​៣-​ឈ្មោះ សុខ ផល្លា ហៅ សែ​ល ភេទ​ប្រុស អាយុ​១៥​ឆ្នាំ ជនជាតិ​ខ្មែរ មុខរបរ​មិន​ពិត​ប្រក​ដ ស្នាក់​នៅផ្ទះ​គ្មាន​លេខ ផ្លូវ​បេតុង សង្កាត់​ក្រាំងធ្នង់ ខណ្ឌ​សែន​សុខ រាជធានី​ភ្នំពេញ។
ទី​៤-​ឈ្មោះ ពៅ ម៉េ​ង​លាង ហៅ ម៉េ​ង ភេទ​ប្រុស អាយុ​១៦​ឆ្នាំ ជនជាតិ​ខ្មែរ មុខរបរ​កម្មករ​រោងចក្រ ស្នាក់​នៅផ្ទះ​គ្មាន​លេខ ផ្លូវ​បេតុង សង្កាត់​ក្រាំងធ្នង់ ខណ្ឌ​សែន​សុខ រាជធានី​ភ្នំពេញ។
និង​ទី​៥-​ឈ្មោះ ជា ពុធ​សុធា ហៅ វាន់ ភេទ​ប្រុស អាយុ​១៦​ឆ្នាំ ជនជាតិ​ខ្មែរ មុខរបរ​មិន​ពិតប្រាកដ ស្នាក់​នៅផ្ទះ​គ្មាន​លេខ ផ្លូវ​បេតុង សង្កាត់​ក្រាំងធ្នង់ ខណ្ឌ​សែន​សុខ រាជធានី​ភ្នំពេញ ។

វត្ថុ​តាង ៖ ម៉ូតូ​ម៉ាក​ហុងដា​សេ​១២៥ ពណ៌​ខ្មៅ ស៊េរី​ឆ្នាំ​២០២២ ពាក់​ស្លាក​លេខ ភ្នំពេញ 1JA-2240 ចំនួន​០១​គ្រឿង ជា​របស់​ជន​រង​គ្រោះ​ឈ្មោះ នឹម នី ភេទ​ប្រុស អាយុ​៥២​ឆ្នាំ ជនជាតិ​ខ្មែរ មាន​ទីលំនៅ​ភូមិ​តា​អិន សង្កាត់​ស្នោរ ខណ្ឌ​កំ​បូល រាជធានី​ភ្នំពេញ មុខរបរ​ជាងសំណង់ ។ សមត្ថកិច្ច​បាន​ប្រគល់​ជូន​ម្ចាស់​ដើម​វិញ តាម​ការ​ស្នើ​សុំ ។

បច្ចុប្បន្ន​ជនសង្ស័យ ខាងលើ​ការិយាល័យ​កសាង​សំណុំរឿង​បញ្ជូន​ទៅ​សាលាដំបូង​រាជធានី​ភ្នំពេញ ដើម្បី​ចាត់ការ​តាម​នីតិវិធី ៕

Picture
Picture