ខេត្តកោះកុង៖ ស្នងការដ្ឋាននគរបាលខេត្តកោះកុង ឲ្យដឹងថា កាលពីល្ងាចថ្ងៃទី១០ ខែសីហា ឆ្នាំ២០២២ មានហេតុការណ៍បាក់ដី នៅក្នុងរូងទី៣ របស់ក្រុមហ៊ុនវារីអគ្គិសនីតាតៃលើ នៅចំណុចស្ទឹងកែប…
ខេត្តកោះកុង៖ ស្នងការដ្ឋាននគរបាលខេត្តកោះកុង ឲ្យដឹងថា កាលពីល្ងាចថ្ងៃទី១០ ខែសីហា ឆ្នាំ២០២២ មានហេតុការណ៍បាក់ដី នៅក្នុងរូងទី៣ របស់ក្រុមហ៊ុនវារីអគ្គិសនីតាតៃលើ នៅចំណុចស្ទឹងកែប ស្ថិតនៅឃុំតាទៃលើ ស្រុកថ្មបាំង បណ្តាលឲ្យជនរងគ្រោះចំនួន ០២ នាក់ បានស្លា.ប់ និង២នាក់ទៀត រងរបួស។
ជនរងគ្រោះ រួមមាន៖ ១.ឈ្មោះ នី វណ្ណៈ ភេទប្រុស អាយុ ៣៤ឆ្នាំ មានទីលំនៅភូមិមេចាន់ ឃុំថ្មី ស្រុកកំពត ខេត្តកំពត (ស្លា.ប់) ២.ឈ្មោះ អ៊ុត ចាន់ ភេទប្រុស អាយុ ៣១ឆ្នាំ មានទីលំនៅភូមិក្តាត់ ឃុំមេទឹក ស្រុកបាកាន ខេត្តពោធិ៍សាត់ (ស្លា.ប់) ៣.ឈ្មោះ ចេន ណាក់ ភេទប្រុស អាយុ ៣៣ឆ្នាំ មានទីលំនៅភូមិប៉ោឡោ ឃុំមេទឹក ស្រុកបាកាន ខេត្តពោធិ៍សាត់ (របួសធ្ងន់) ៤.ឈ្មោះ បៀន អាយ ភេទប្រុស អាយុ៣១ឆ្នាំ មានទីលំនៅភូមិកណ្តាល ឃុំពាមរូង ស្រុកស្វាយអន្ទរ ខេត្តព្រៃវែង (របួសស្រាល)។
ក្រោយកើតហេតុ អ្នករងរបួស បានបញ្ជូនទៅមន្ទីរពេទ្យបង្អែកខេត្តកោះកុង។ ចំណែកសាកស.ពជនរងគ្រោះ ត្រូវបានតម្កល់ទុកនៅវត្តថ្មបាំង ដើម្បីប្រគល់ជូនសាច់ញាតិ ទទួលយកធ្វើបុណ្យតាមប្រពៃណី៕
ចែករំលែកព័តមាននេះ