ខេត្តពោធិ៍សាត់ ៖ នៅវេលាម៉ោង០៨ និង៣០នាទីថ្ងៃ១១ ខែសីហា ឆ្នាំ២០២២ កម្លាំងកងរាជអាវុធហត្ថខេត្តពោធិ៍សាត់ សហការជាមួយកម្លាំងចំរុះ ចុះបង្ក្រាបបទល្មើសនេសាទ នៅបឹងទន្លេសាបជាបន្តបន្ទាប់ដូចភ្លៀងរលឹម…
ខេត្តពោធិ៍សាត់ ៖ នៅវេលាម៉ោង០៨ និង៣០នាទីថ្ងៃ១១ ខែសីហា ឆ្នាំ២០២២ កម្លាំងកងរាជអាវុធហត្ថខេត្តពោធិ៍សាត់ សហការជាមួយកម្លាំងចំរុះ ចុះបង្ក្រាបបទល្មើសនេសាទ នៅបឹងទន្លេសាបជាបន្តបន្ទាប់ដូចភ្លៀងរលឹម ស្ថិតក្នុងភូមិត្រពាំងរំដេញ ឃុំក្បាលត្រាច ស្រុកក្រគរ ខេត្តពោធិ៍សាត់ ដោយបានឃាត់មនុស្សចំនួន០៤នាក់ ក្នុងនោះមានស្រីចំនួន២នាក់ និងចាប់យកវត្ថតាង ទូកបាឡាស្មាច់ ភ្ជាប់ម៉ាស៊ីនម៉ាក់ ហ៊ីណូតា កម្លាំង ១៨សេះ ចំនួន ០១គ្រឿង, ទូកបាឡាស្មាច់ ភ្ជាប់ម៉ាស៊ីនម៉ាក់ហ៊ីណូតា កម្លាំង ១៨សេះ ចំនួន ០១គ្រឿង, កន្ទ្រងអូសលៀសចំនួន ០២គ្រឿង, លៀសចំនួន ៣០០ គីឡូក្រាម ។
វត្ថុតាងរក្សាទុកនៅសង្កាត់រដ្ឋបាលជលផល ឃុំកំពង់លួង ចំណែកម្ចាស់ទូកបាឡាស្មាច់ មន្ត្រីជំនាញបានធ្វើកិច្ចសន្យា និងអប់រំណែនាំរួចឲ្យទៅលំនៅដ្ឋានវិញ ។
កាលពីថ្ងៃទី១០ ខែសីហា ឆ្នាំ២០២២ កម្លាំងកងរាជអាវុធហត្ថខេត្តពោធិ៍សាត់ សហការជាមួយថ្នាក់ជាតិ ដឹកនាំដោយលោកឧត្តមសេនីយ៍ទោ ម៉ែន ស៊ីប៊ន នាយសេនាធិការរងកងរាជអាវុធហត្ថលើផ្ទៃប្រទេស ឧត្តមសេនីយ៍ទោ ខ្វាន់ ប៊ុនធឿន នគរបាលថ្នាក់ជាតិ ចុះបង្ក្រាបបទល្មើសនេសាទនៅក្នុងភូមិសាស្ត្រឃុំរាំងទិល ស្រុកកណ្ដៀង ខេត្តពោធិ៍សាត់ ។ ដោយចាប់យក និងកាប់បំផ្លាញវត្ថុតាងមួយចំនួននៅនឹងកន្លែងដូចជា របាំងស្បៃមុង ចំនួន ១០ខ្សែប្រវែង ៣,៧០០ម៉ែត្រ លូកងស្បៃមុងចំនួន ៩មាត់របាំងសាច់អួនក្រឡាល្អិតចំនួន ៣ខ្សែប្រវែង ១,៤០០ម៉ែត្រ ក្បាលបរចំនួន ១១គ្រឿង បង្គោលចំនួន ១,០២០ដើម និងបានលែងកូនត្រីចម្រុះចំនួន ៣២គីឡូក្រាម ។
នៅថ្ងៃទី០៩ ខែសីហា ឆ្នាំ២០២២ កម្លាំងកងរាជអាវុធហត្ថខេត្តពោធិ៍សាត់ សហការចុះបង្ក្រាបបទល្មើសនេសាទ នៅក្នុងភូមិសាស្ត្រឃុំកំពង់លួង ស្រុកក្រគរ ខេត្តពោធិ៍សាត់ ដោយបានចាប់យក និងកាប់បំផ្លាញវត្ថុតាងនៅនឹងកន្លែងរួមមាន របាំងស្បៃមុងចំនួន ៤ខ្សែប្រវែង ៦៥០ម៉ែត្រ, លូរកងស្បៃមុងចំនួន ៨មាត់, របាំងសាច់អួនក្រឡាល្អិតចំនួន ៣ខ្សែប្រវែង ១០៥០ម៉ែត្រ, ក្បាលបចំនួន ២គ្រឿង បង្គោលចំនួន ១៥០ដើម លែងកូនត្រីចម្រុះចំនួន ១៥គីឡូក្រាម ផងដែរ ៕
ចែករំលែកព័តមាននេះ