ព្រៃ.ផ្សៃណាស់ ! អូសចូលបន្ទប់រំលោ.ភហើយច្របាច់កគំរាមសម្លា.ប់ទៀត
ខេត្តកណ្តាល ៖ ខណៈពេលកំពុងអង្គុយផឹកទឹកអំពៅ ជនសង្ស័យបានចាប់អូសក្មេងស្រីរងគ្រោះចូលបន្ទប់ក្រោមផ្ទះរបស់ខ្លួន ពេលចូលដល់ក្នុងបន្ទប់ជនសង្ស័យក៏បិទទ្វារ…
ខេត្តកណ្តាល ៖ យុវតីវ័យក្មេងម្នាក់ត្រូវបានបុរសចំណាស់ម្នាក់លួងលោមរំលោភរហូតបានសម្រេចហើយថែមទាំងច្របាច់កគំរាមសម្លាប់ទៀតប្រសិនបើនាងយករឿងនេះទៅប្រាប់គេ ។ ហេតុការណ៍ចាប់រំលោភនេះកើតឡើងកាលពីវេលាម៉ោង១ និង១០នាទីថ្ងៃត្រង់ ថ្ងៃទី១២ ខែមករា ឆ្នាំ២០១៧ នៅក្នុងបន្ទប់ក្រោមផ្ទះរបស់ជនសង្ស័យនៅភូមិតាំងឫស្សី ឃុំរកាជន្លឹង ស្រុកខ្សាច់កណ្ដាល ខេត្តកណ្ដាល ។
ប្រភពពីនគរបាលស្រុកខ្សាច់កណ្ដាលបានឲ្យដឹងថា មុនពេលកើតហេតុយុវតីរងគ្រោះបានជិះកង់ទៅទិញពុទ្រា ខណៈជិះកង់កាត់មុខផ្ទះជនសង្ស័យ ជនសង្ស័យក៏ហៅឲ្យចូលលេង និងឲ្យប្រាក់១៥០០រៀលទៅទិញទឹកអំពៅផឹកទាំងអស់គ្នា ។
ប្រភពបន្តទៀតថា ខណៈពេលកំពុងអង្គុយផឹកទឹកអំពៅ ជនសង្ស័យបានប្រើសំដីលួងលោមក្មេងស្រីរងគ្រោះបណ្ដើរចាប់អូសក្មេងស្រីរងគ្រោះចូលបន្ទប់ក្រោមផ្ទះរបស់ខ្លួនបណ្ដើរ ពេលចូលដល់ក្នុងបន្ទប់ជនសង្ស័យក៏បិទទ្វារធ្វើសកម្មភាពចាប់រំលោភរហូតបានសម្រេចតែម្តង ។
ប្រភពបញ្ជាក់ថា ក្រោយពីចាប់រំលោភរហូតបានសម្រេចហើយ ជនសង្ស័យបានច្របាច់កគំរាមសម្លាប់យុវតីរងគ្រោះទៀតប្រសិនបើនាងយករឿងនេះទៅប្រាប់អ្នកដទៃ តែទោះជាយ៉ាងការគំរាមនេះមិនបានជិះឥទ្ធិពលលើយុវតីរងគ្រោះឡើយ ពេលគឺពេលម្តាយរបស់នាងត្រឡប់មកពីធ្វើការរោងចក្រវិញនាងក៏រៀបរាប់ពីហេតុការណ៍ដែលបានកើតឡើងទាំងអស់ បន្ទាប់មកស្ត្រីជាម្តាយក៏បាននាំកូនស្រីទៅប្តឹងសមត្ថកិច្ចប៉ុស្តិ៍ឲ្យជួយអន្តរាគមន៍ចាប់ខ្លួនជនសង្ស័យយកមកផ្តន្ទាទោសតាមច្បាប់ ។
នគរបាលស្រុកខ្សាច់កណ្ដាលបានឲ្យដឹងទៀតថា បន្ទាប់ពីទទួលពាក្យបណ្ដឹងភ្លាម សមត្ថកិច្ចបានធ្វើការស្រាវជ្រាវរហូតចាប់ខ្លួនជនសង្ស័យបានភ្លាមៗផងដែរ ។ ជនសង្ស័យដែលត្រូវសមត្ថកិច្ចចាប់ខ្លួនឈ្មោះ សឿន ផាត ភេទប្រុស អាយុ៥១ឆ្នាំ មានទីលំនៅភូមិកើតហេតុខាងលើ ចំណែកក្មេងស្រីរងគ្រោះឈ្មោះ ផ.ដ.វ ទើបតែមានអាយុ១៥ឆ្នាំប៉ុណ្ណោះ ៕
ចែករំលែកព័តមាននេះ