ចិនប្រកាសបញ្ចប់សមយុទ្ធដោយជោគជ័យនៅជុំវិញតៃវ៉ាន់ និងត្រៀមខ្លួនប្រយុទ្ធ
តៃវ៉ាន់ ៖ យោធាចិនបាននិយាយនៅថ្ងៃពុធ ទី ១០ សីហា ម្សិលមិញនេះថា ខ្លួនបានបញ្ចប់កិច្ចការ
តៃវ៉ាន់ ៖ យោធាចិនបាននិយាយនៅថ្ងៃពុធ ទី ១០ សីហា ម្សិលមិញនេះថា ខ្លួនបានបញ្ចប់កិច្ចការ
តៃវ៉ាន់ ៖ យោធាចិនបាននិយាយនៅថ្ងៃពុធ ទី ១០ សីហានេះថា ខ្លួនបានបញ្ចប់កិច្ចការផ្សេងៗបានដោយជោគជ័យនៅជុំវិញកោះតៃវ៉ាន់ បន្ទាប់ពីការធ្វើសមយុទ្ធប្រហែលមួយសប្តាហ៍។
បញ្ជាការភាគខាងលិចនៃកងទ័ពរំដោះប្រជាជនចិនបាននិយាយនៅលើគណនេយ្យ Weibo ផ្លូវការរបស់ខ្លួនថា កងទ័ពនឹងតាមដានយ៉ាងដិតដល់លើការផ្លាស់ប្តូរស្ថានភាពនៅច្រកសមុទ្រតៃវ៉ាន់ និងធ្វើការល្បាតជាប្រចាំ និងបន្តការហ្វឹកហ្វឺនដើម្បីត្រៀនខ្លួនប្រយុទ្ធ។
នៅថ្ងៃពុធនេះដែរ ចិនក៏បានចេញសារព្រមានធ្ងន់ៗទៅកាន់កោះតៃវ៉ាន់ថាខ្លួននឹងមិនអត់ឱនចំពោះសកម្មភាពបំបែកខ្លួនឡើយ និងបានបញ្ជាក់សារជាថ្មីថា នឹងវា.យយកកោះតៃវ៉ាន់ដោយប្រើកម្លាំងទ័ពប្រសិនជាចាំបាច់។
ការិយាល័យកិច្ចការតៃវ៉ាន់របស់ចិន បានចេញលិខិតស (White paper) ដោយបង្ហាញពីបំណងរបស់ខ្លួនក្នុងការទាមទារយកតៃវ៉ាន់វិញតាមរយៈសេដ្ឋកិច្ច និងសម្ពាធយោធា។
លិខិតសនោះថ្លែងថា «យើងត្រៀមខ្លួនជាច្រើនដើម្បីបង្កើតការបង្រួបបង្រួមដោយសន្តិភាព ប៉ុន្តែយើងនឹងមិនទុកកន្លែងសម្រាប់សកម្មភាពបំបែកខ្លួនគ្រប់ទម្រង់ឡើយ»។
ចិននឹងមិនបោះបង់ចោលការប្រើប្រាស់កម្លាំងទ័ពនោះទេ ហើយយើងនឹងរក្សាជម្រើសក្នុងការចាត់វិធានការចាំបាច់ទាំងអស់។
លិខិតនោះបន្ថែមថា «យើងនឹងត្រូវបានបង្ខំឲ្យចាត់វិធានការដ៏ខ្លាំងដើម្បីឆ្លើយតបទៅនឹងការបង្កហេតុនៃធាតុបំបែកខ្លួន ឬកងកម្លាំងខាងក្រៅ ប្រសិនពួកគេឆ្លងកាត់បន្ទាត់ក្រហមរបស់យើង»។
សូមបញ្ជាក់ថា ចិនធ្លាប់បានចេញលិខិតសចុងក្រោយបង្អស់លើកោះតៃវ៉ាន់កាលពីឆ្នាំ ២០០០។
ចិន ដែលជាមហាអំណាចយោធា និងសេដ្ឋកិច្ចពិភពលោក តែងចាត់ទុកកោះតៃវ៉ាន់ជាផ្នែកមួយរបស់ខ្លួន និងប្រកាសរួបរួមគ្នាវិញនៅថ្ងៃអនាគត។
ប៉ុន្តែមេដឹកនាំតៃវ៉ាន់លោកស្រី Tsai Ing-wen និងគណបក្សវឌ្ឍនភាពប្រជាធិបតេយ្យរបស់គាត់មិនចាត់ទុកតៃវ៉ាន់ជាផ្នែកមួយរបស់ចិននោះទេ និងប្រកាសពីការប្តេជ្ញាចិត្តធ្វើអ្វីៗគ្រប់យ៉ាងដើម្បីការពារសេរីភាព និងប្រជាជន៕ (យោងតាមប្រភព៖ AFP & Reuters)
ចែករំលែកព័តមាននេះ