រាជធានីភ្នំពេញ ៖ គណៈបញ្ជាការឯកភាពសង្កាត់ច្បារអំពៅទី០២ ចុះត្រួតពិនិត្យសំណង់មិនរៀបរយ និងណែនាំអោយរុះរើសំណង់មិនរៀបរយ ចេញពីតំបន់ច្រាំងបាក់ ។ ការចុះធ្វើរដ្ឋបាលនេះដែរ បានធ្វើឡើងនៅថ្ងៃទី០៨ ខែកក្កដា…
រាជធានីភ្នំពេញ ៖ គណៈបញ្ជាការឯកភាពសង្កាត់ច្បារអំពៅទី០២ ចុះត្រួតពិនិត្យសំណង់មិនរៀបរយ និងណែនាំអោយរុះរើសំណង់មិនរៀបរយ ចេញពីតំបន់ច្រាំងបាក់ ។
ការចុះធ្វើរដ្ឋបាលនេះដែរ បានធ្វើឡើងនៅថ្ងៃទី០៨ ខែកក្កដា ឆ្នាំ២០២៥ នៅចំណុចភូមិដើមចាន់១ សង្កាត់ច្បារអំពៅទី០២ ខណ្ឌច្បារអំពៅ រាជធានីភ្នំពេញ ។
លោកវរសេនីយ៍ត្រី អ៊ុ រតនា បានអោយដឹងថា កម្លាំងនគរបាលប៉ុស្តិ៍ បានសហការជាមួយរដ្ឋបាលសង្កាត់ ចុះត្រួតពិនិត្យរដ្ឋបាលនៅចំណុចភូមិដើមចាន់១ លើសំណង់មិនរៀបរយ។ ជាក់ស្តែងជាលទ្ធផល ត្រួតពិនិត្យ០២ខ្នងផ្ទះ ស្មើនឹង ១៦បន្ទប់, ក្នុងនោះមានមនុស្សស្នាក់នៅបណ្តោះអាសន្នចំនួន ១៦គ្រួសារ ស្មើនឹង ៦៤នាក់ ប្រុស៣១នាក់ ប្រកបមុខរបរ លក់ដូរ១០នាក់ កម្មករ ១៦នាក់ រត់កង់បី ១៤នាក់ និស្សិត០៦នាក់ នៅផ្ទះ ១៨នាក់ ។
ក្រោយចុះត្រួតពិនិត្យរួចរាល់ គណៈបញ្ជាការឯកភាពសង្កាត់ច្បារអំពៅទី០២ បានណែអប់រំអោយម្ចាស់ទីតាំងសង់រោងចំនួន ០៤កន្លែង ដែលសង់នៅតាមច្រាំងទន្លេ ត្រូវរុះរើចេញដោយខ្លួនឯង ៕
ចែករំលែកព័តមាននេះ