ក្រុងបាងកក ៖ ប៉ូលិសថៃបានឡោមព័ទ្ធ និងឆ្មក់ចូលឆែកឆេរទីតាំងចំនួន ១៩កន្លែង ដែលជាកម្មសិទ្ធិរបស់អ្នកឧកញ៉ា កុក អាន នៅទីក្រុងបាងកក រួមទាំងនៅខេត្តសាមុតប្រាកាន…
ក្រុងបាងកក ៖ ប៉ូលិសថៃបានឡោមព័ទ្ធ និងឆ្មក់ចូលឆែកឆេរទីតាំងចំនួន ១៩កន្លែង ដែលជាកម្មសិទ្ធិរបស់អ្នកឧកញ៉ា កុក អាន នៅទីក្រុងបាងកក រួមទាំងនៅខេត្តសាមុតប្រាកាន (Samut Prakan) និងខេត្តឈុនបុរី (Chonburi) នេះបើតាមសារព័ត៌មានថៃ ចេញផ្សាយនៅព្រឹកថ្ងៃទី៨ ខែកក្កដា ឆ្នាំ២០២៥ ។
ប្រតិបត្តិការនេះ ធ្វើឡើងក្នុងគោលបំណងបង្ក្រាបក្រុមឆបោកតាមទូរសព្ទ (call center gang) ដោយប៉ូលិសថៃ បានរឹបអូសរថយន្តទំនើបៗជាច្រើនគ្រឿង និងទ្រព្យសម្បត្តិប្រមាណ ២៧លានបាត (ប្រហែល៧សែន ៥ម៉ឺនដុល្លារអាមេរិក) ។
អ្នកឧកញ៉ា កុក អាន ដែលជាម្ចាស់កាស៊ីណូ Crown Casino Resort ត្រូវបានតុលាការថៃ ចោទប្រកាន់ថាមានជាប់ពាក់ព័ន្ធនឹងអង្គការឧក្រិដ្ឋកម្មឆ្លងដែន និងការលាងលុយកខ្វក់។ យ៉ាងណា ប៉ូលិសបច្ចេកវិទ្យារបស់ថៃ នឹងរៀបចំសន្និសីទសារព័ត៌មាន នៅពេលក្រោយ ៕
ចែករំលែកព័តមាននេះ