ប៉ូលិសកម្ពុជាបណ្តេញជនជាតិវៀតណាមជិត៧០នាក់ ទៅស្រុកកំណើតវិញ
រាជធានីភ្នំពេញ ៖ សមត្ថកិច្ចកម្ពុជា បានបណ្តេញជនជាតិវៀតណាមជិត៧០នាក់ ទៅស្រុកកំណើតវិញ តាមច្រកទ្វារព្រំដែនអន្តរជាតិព្រែកចាក ខេត្តកំពត នៅថ្ងៃទី៨ ខែកក្កដា ឆ្នាំ២០២៥…
រាជធានីភ្នំពេញ ៖ សមត្ថកិច្ចកម្ពុជា បានបណ្តេញជនជាតិវៀតណាមជិត៧០នាក់ ទៅស្រុកកំណើតវិញ តាមច្រកទ្វារព្រំដែនអន្តរជាតិព្រែកចាក ខេត្តកំពត នៅថ្ងៃទី៨ ខែកក្កដា ឆ្នាំ២០២៥ ។
ឧត្តមសេនីយ៍ឯក សុខ វាសនា អគ្គនាយកអន្តោប្រវេសន៍ បានណែនាំឱ្យនាយកដ្ឋានស៊ើបអង្កេត និងអនុវត្តនីតិវិធី ធ្វើការបណ្តេញជនជាតិវៀតណាមសរុបចំនួន ៦៥នាក់ (ស្រី៧នាក់) ចេញពីព្រះរាជាណាចក្រកម្ពុជា តាមប៉ុស្តិ៍នគរបាលច្រកទ្វារព្រំដែនអន្តរជាតិព្រែកចាក ខេត្តកំពត ករណីលួចស្នាក់នៅធ្វើការងារខុសច្បាប់ (មានលិខិតឆ្លងដែន និងគ្មានលិខិតឆ្លងដែន) ។
ក្នុងនោះដែរ នាយកដ្ឋានស៊ើបអង្កេត និងអនុវត្តនីតិវិធី បានទទួលពីការិយាល័យស៊ើបអង្កេត និងអនុវត្តនីតិវិធី នៃស្នងការដ្ឋាននគរបាលខេត្តព្រះសីហនុចំនួន ៥៩នាក់ (ស្រី៦នាក់) ទទួលពីការិយាល័យស៊ើបអង្កេត និងអនុវត្តនីតិវិធី នៃស្នងការដ្ឋាននគរបាលខេត្តកំពតចំនួន ៦នាក់ (ស្រី១នាក់) ៕
ចែករំលែកព័តមាននេះ