នំ​បញ្ចុក​ទឹក​ម្ហិ​ច អាហារ​សម្រន់​អ្នក​កំពត ល្បី​ព្រោះ​ឈ្មោះ​និងមាន​រសជាតិ​ប្លែក


ខេត្តកំពត ៖ លោក​អ្នក​ធ្លាប់​ទៅ​លេង​កម្សាន្ត​នៅ​ខេត្តកំពត តើ​ធ្លាប់​បាន​សាក​ភ្លក្ស​រសជាតិ​នំ​បញ្ចុក​ទឹក​ម្ហិ​ច​ហើយ ឫ​នៅ? ការ​ទទួលទាន​នំ​បញ្ចុក​ទឹក​សម្ល​ម្ហិ​ច​១​ចាន​ដំបូង ប្រហែលជា​ធ្វើ​ឲ្យ​លោក​អ្នកមាន​អារម្មណ៍​ប្លែក​បន្ដិច​ចំពោះ​រសជាតិ​របស់​អ្នកស្រុក​កំពត​មួយ​មុខ​នេះ ។ ប៉ុន្ដែ​នៅ​ពេល​ដែល​បរិភោគ​ចូល​ដល់​ចាន​ទី​២ ឬ​៣ អតិថិជន​ភាគច្រើន​តែងតែ​លាន់មាត់​ថា វា​ឆ្ងាញ់​ខុស​ពី​នំ​បញ្ចុក​ធម្មតា ឆ្ងាញ់​រហូត​មិន​អាច​បំភ្លេច​បាន​ទេ នៃ​រសជាតិ​នំ​បញ្ចុក​ទឹក​ម្ហិ​ច ។

បើ​យើង​ធ្វើ​ដំណើរ​ពី​ភ្នំពេញ​តាម​ផ្លូវជាតិ​លេខ​៣​ទៅ​ខេត្តកំពត ប្រហែលជា​៦​គីឡូម៉ែត្រ​ទៀត​ដល់​រង្វង់​មូល​ទីរួមខេត្ត យើង​មើល​នៅ​ខាងឆ្វេង​ដៃ​នឹង​ឃើញ ស្លាក​យីហោ​សរសេរ​អក្សរ​ពណ៌​ខៀវ​ដាក់​ថា នំ​បញ្ចុក​ទឹក​ម្ហិ​ច ស្ថិត​នៅ​ក្នុងភូមិ​ព្រៃ​ឃ្មុំ ឃុំ​ព្រៃ​ឃ្មុំ ស្រុក​ទឹកឈូ ខេត្តកំពត ។

នំ​បញ្ចុក​ទឹក​ម្ហិ​ច ពាក្យ​«​ម្ហិ​ច​» លោក​-​អ្នក​មើល​ភ្លាម​ប្រាកដជា​យល់​ថា សរសេរ​ខុស​អក្ខរាវិរុទ្ធ​ហើយ​មើលទៅ ប្រហែលជា​គេ​ចង់​សរសេរ​ពាក្យ​ថា «​ម្រេច​» ទេ​ដឹង?

បើ​តាម​អ្នកស្រុក​ទឹកឈូ​ម្នាក់​បាន​ពន្យល់​ថា ពាក្យ “​ម្ហិ​ច​” នេះ​គឺជា​ប្រភេទ​អសាធារណនាម ជា​ឈ្មោះ​របស់​មុខម្ហូប​មួយ​ប្រភេទ​របស់​អ្នកស្រុក​កំពត ដែល​គេ​ហៅ​ត​ៗ​គ្នា​ក្នុង​តំបន់​នោះ ឫ​អាច​និយាយ​បាន​ថា ជា​ពាក្យ​គ្រាមភាសា​របស់​អ្នកស្រុក​នីមួយ​ៗ ។

អ្នកស្រុក​ដដែល​បញ្ជាក់​ថា ទឹក​ម្ហិ​ច ជា​រសជាតិ​ស៊ុប​ដ៏​ឈ្ងុយ​ឆ្ងាញ់​របស់​កម្ពុជា រស់ជាតិ​របៀប​ខ្មែរ ស្រ​ដៀង​សម្លរ​ប្រហើរ ។ ទឹក​ម្ហិ​ច ជា​ទឹក​ដែល​គេ​យក​ត្រី​ស្រស់​ៗ​មក​ស្ងោរ រួច​បេះ​សាច់ដុំ​ៗ​ដូច​បបរ​ត្រី​ចឹ​ង ទឹក​វា​គេ​ដាក់​ស្លឹក​ខ្ទឹម ទុកដាក់​ជាមួយ​នំ​បញ្ចុក ដែល​ធ្វើ​រួច​ភ្លាម​ៗ ញាំ​ទៅ​សាច់​ត្រី​ផ្អែម ។ សរសៃ​នំ​ថ្មី​ៗ ធ្វើ​ភ្លាម​ញ៉ាំ​ភ្លាម ។

អ្នកស្រុក​បន្ត​ថា នំ​បញ្ចុក​មួយ​ចាន​ដែល​ផ្សំ​គ្រឿង​ពី​បន្លែ​បន្លុក និង​គ្រឿងផ្សំ​សំខាន់​ៗ​មួយ​ចំនួន រួម​មាន ៖ ស្លឹកគ្រៃ ខ្ជាយ ស្ករស និង​អំបិល ព្រមទាំង​ត្រី​សមុទ្រ​ស​ម្យ៉ាង​មានឈ្មោះ​ថា កន្ទោង យក​មក​ផ្សំ​ធ្វើ​ជា​ទឹក​ម្ហិ​ច ។

ក្រៅពី​ញ៉ាំ​នំ​បញ្ចុក​ទឹក​ម្ហិ​ច​ដែល​ជា​អាហារ​សម្រន់ ប្រចាំ​តំបន់​មាត់សមុទ្រ​ក្នុងស្រុក​ទឹកឈូ​នេះ លោក​អ្នក​ក៏​អាច​មើល​ពី​ដំណើរការ​ផលិត​សរសៃ​នំ​បញ្ចុក ផ្ទាល់ នៅ​នឹង​កន្លែង​លក់​បាន​ដោយ​សេរី​។ ជា​ពិសេស​នំ​បញ្ចុក​ទឹក​ម្ហិ​ច នេះ ធ្វើ​ភ្លាម​ញ៉ាំ​ភ្លាម មួយ​ចាន​តម្លៃ​ត្រឹមតែ​១,៥០០​រៀល ប៉ុណ្ណោះ​!

ប្រសិនបើ​លោក​អ្នក​មក​លេង​ខេត្តកំពត កុំ​ភ្លេច​សួរ​រក​កន្លែង​លក់ នំ​បញ្ចុក​ទឹក​ម្ហិ​ច ដើម្បី​ភ្លក្ស​រសជាតិ​ដ៏​ល្បីល្បាញ​ប្រចាំ​ភូមិ​មួយ​មុខ​នេះ ថា​តើ​ឆ្ងាញ់​យ៉ាងណាទៅ?

(រូបភាពនិងវីដេអូពី : ក្រុមទេសចរខ្មែរ)

Facebook Google Twitter Email

សូម​ subscribe Channel Youtube របស់​កោះ​សន្តិភាព​លោក​​អ្នក​នឹង​ទទូល​បាន​ព័ត៌មាន​ជា​វីដេអូ​ថ្មី​ៗ​បន្ថែម​ទៀត សូម​អគុណ!!!!!

បទយកការណ៍

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

To Top

ការស្ទង់មតិគេហទំព័រថ្មី




សូម​អរគុណ