FBI ឆ្មក់ចូលឆែកឆេរផ្ទះអតីតប្រធានាធិបតីអាមេរិក លោក Donald Trump
អាមេរិក ៖ អតីតប្រធានាធិបតីអាមេរិក លោក Donald Trump បាននិយាយថាផ្ទះរបស់គាត់នៅក្នុង
អាមេរិក ៖ អតីតប្រធានាធិបតីអាមេរិក លោក Donald Trump បាននិយាយថាផ្ទះរបស់គាត់នៅក្នុង
អាមេរិក ៖ អតីតប្រធានាធិបតីអាមេរិក លោក Donald Trump បាននិយាយថាផ្ទះរបស់គាត់នៅក្នុងរដ្ឋ Florida ត្រូវបានឆ្មក់ឆែកឆេរដោយភ្នាក់ងារស៊ើបអង្កេត FBI ហើយពួកគេបានបំបែកទូរដែករបស់គាត់។
លោកបានថ្លែងក្នុងសេចក្តីប្រកាសថា ផ្ទះ Mar-a-Lago នៅក្រុង Palm Beach ត្រូវបានក្រុមភ្នាក់ងារ FBI ចូលកាន់កាប់។
ការឆែកឆេរកាលពីថ្ងៃចន្ទ ត្រូវបានគេរាយការណ៍ថាពាក់ព័ន្ធនឹងការស៊ើបអង្កេតលើការផ្តល់ឯកសារផ្លូវការរបស់លោក Donald Trump។
សេក្តីប្រកាសរបស់លោកថ្លែងថា «នេះជាពេលវេលាដ៏ខ្មៅងងឹតសម្រាប់ប្រទេសជាតិយើង។ គ្មានអ្វីបែបនេះធ្លាប់កើតចំពោះប្រធានាធិបតីអាមេរិកពីមុននោះទេ»។
ការិយាល័យសហព័ន្ធស៊ើបអង្កេត (FBI) និងក្រសួងយុត្តិធម៌អាមេរិកមិនបានធ្វើការអត្ថាធិប្បាយនោះទេចំពោះសេចក្តីរាយការណ៍ពីការឆែកឆេរនោះ។
ប្រធានាធិបតីអាមេរិកទាំងអស់ត្រូវបានតម្រូវដោយច្បាប់កំណត់ត្រាប្រធានាធិបតី (Presidential Records Act) ឲ្យធ្វើការផ្ទេរលិខិត ឯកសារការងារ និងអ៊ីម៉ែលទាំងអស់របស់ពួកគេទៅកាន់ទីទុកឯកសារជាតិ (NA)។
មេធាវីរបស់លោក Trump បានថ្លែងប្រាប់សារព័ត៌មាន NBC ដូច្នេះថា ឯកសារមួយចំនួនត្រូវបានរឹបអូសយកអំឡុងការឆែកឆេរ។
អតីតប្រធានាធិបតីរូបនេះថ្លែងថា លោកបានសហការជាមួយគ្រប់ភ្នាក់ងាររដ្ឋាភិបាលពាក់ព័ន្ធ ហើយដូច្នេះ ការឆ្មក់ចូលផ្ទះរបស់គាត់ដោយមិនមានការប្រកាសជាបញ្ហាមិនសមរម្យ។
លោកថ្លែងថា វាស្មើនឹង «ការប្រព្រឹត្តខុសរបស់រដ្ឋអាជ្ញា» និង «ការប្រើអាវុធនៃប្រព័ន្ធយុត្តិធម៌» ដើម្បីរារាំងគាត់ពីការឈរឈ្មោះម្តងទៀត។
«ការបំពា.នបែបនេះអាចកើតឡើងតែក្នុងប្រទេសបែកបាក់ មានការអភិវឌ្ឍន៍ធនធានមនុស្សទាបប៉ុណ្ណោះ។ គួរឲ្យស្តាយ ឥឡូវនេះ អាមេរិកបានក្លាយជាប្រទេសមួយក្នុងចំណោមប្រទេសតាំងនោះ ដែលពុករលួយក្នុងកម្រិតមិនធ្លាប់មានពីមុនមក»។
«ពួកគថែមទាំងបំបែកទូរសុវត្ថិភាពរបស់ខ្ញុំទៀត»។
បើយោងតាមសារព័ត៌មាន CBS News លោក Donald Trump កំពុងស្ថិតនៅអគាររបស់គាត់ក្នុងទីក្រុង New York នៅពេលមានសេចក្តីរាយការណ៍ពីការឆ្មក់របស់ភ្នាក់ងារ FBI៕ (យោងតាមប្រភព៖ BBC)
ចែករំលែកព័តមាននេះ