ADផ្ទាំងផ្សព្វផ្សាយពាណិជ្ជកម្ម

Picture

ឡានដឹកហ្គាសចុះចំណោត​ជ្រុលក៏បុករះខ្ទេច​ខ្ទីរ​

1 ខែ មុន
  • មណ្ឌលគិរី

ខេត្តមណ្ឌលគិរី ៖ មនុស្ស​ចំនួន៦​នាក់​បាន​រង​របួសធ្ងន់-​ស្រាល ក្នុង​ហេតុ​ការ​ណ៍រថយន្ត​ដឹក​ស៊ីទែន​ហ្គា​ស​ខ្នាត​ធំ​មួយ​គ្រឿងបើក​លឿន​ចុះ​ចំណោត​ផ្លូវកែង​ជ្រុល​ចង្កូត បុក​រះ​តូប​អ្នក​លក់ដូរ​តាម​ដងផ្លូវ​ជាតិ​លេខ​៧៦​អស់​ចំនួន​បី​ខ្នង កើតឡើងនៅ​វេលា​ម៉ោង២២​និង​១៥​នាទី ថ្ងៃ​ទី​០៧​ខែសីហា ឆ្នាំ​២០២២ នៅ​ចំណុច​ផ្ទះ​តា​លី ស្ថិត​ភូមិ​ចំបក់…

ខេត្តមណ្ឌលគិរី ៖ មនុស្ស​ចំនួន៦​នាក់​បាន​រង​របួសធ្ងន់-​ស្រាល ក្នុង​ហេតុ​ការ​ណ៍រថយន្ត​ដឹក​ស៊ីទែន​ហ្គា​ស​ខ្នាត​ធំ​មួយ​គ្រឿងបើក​លឿន​ចុះ​ចំណោត​ផ្លូវកែង​ជ្រុល​ចង្កូត បុក​រះ​តូប​អ្នក​លក់ដូរ​តាម​ដង
ផ្លូវ​ជាតិ​លេខ​៧៦​អស់​ចំនួន​បី​ខ្នង កើតឡើងនៅ​វេលា​ម៉ោង២២​និង​១៥​នាទី ថ្ងៃ​ទី​០៧​ខែសីហា ឆ្នាំ​២០២២ នៅ​ចំណុច​ផ្ទះ​តា​លី ស្ថិត​ភូមិ​ចំបក់ សង្កាត់​ស្ពាន​មាន​ជ័យ ក្រុង​សែន​មនោ​រម្យ ខេត្ត មណ្ឌល​​គិរី ។

Picture

លោក កាន់ ពេញ អធិការ​នគរបាល​ក្រុង​សែន​មនោ​រម្យបាន​ឲ្យ​ដឹង​ថា មាន​ករណី​គ្រោះថ្នាក់​ចរា​ចរណ៍​មួយ​កើតឡើង ដោយ​រថយន្ត​វេ​អង​សណ្តោង ដឹក​ហ្គា​ស​ល្បឿន​លឿន​នៅ​ចំណុចផ្លូវ​កោង ហើយ​បុក​តូប​បណ្តាល​ឲ្យ​ក្រឡាប់​ ។ ក្នុង​ហេតុ​ការ​នេះ គិត​ត្រឹម​វេលា​ម៉ោង​១០​ព្រឹក​ថ្ងៃ​ទី​៨ សីហា ២០២២ សមត្ថកិច្ច​នៅ​មិន​ទាន់​អាច​បញ្ចប់​កំណត់ហេតុ​នៅឡើយ ដោយសារ​ស្ថានភាព​នៃ​គ្រោះ​ថ្នាក់​នោះ អាច​ឈាន​ដល់​ហានិភ័យ​ខ្ពស់ ព្រោះ​ស៊ីទែន​មាន​ផ្ទុក​ហ្គា​ស​ពេញ ដូច្នេះ​ត្រូវ​រង់ចាំ​រថយន្ត ស្ទួ​ច​ខ្នាត​ធំ​មក​ពី​ភ្នំពេញ ដើម្បី​លើក​រថយន្ត​នោះ​ចេញ និង​បន្ត​ពិនិត្យ​ពី​ផល​ប៉ះពាល់ និង​ទ្រព្យ​សម្បត្តិ​របស់​ជន​រង​គ្រោះ​ ។​

Picture
DCIM\100MEDIA\DJI_0025.JPG

ទោះជា​យ៉ាងណា​ ស្នងការ​នគរបាល​ក៏​បាន​បញ្ជា​ឲ្យ​រថយន្ត​ពន្លត់​អគ្គិភ័យ​រង់ចាំ​អន្តរា​គម​ន៍នៅ​ទីតាំង​​កើតហេតុ​ផ្ទាល់ បើ​មាន​គ្រោះថ្នាក់​ជាយថាហេតុ​ណាមួយ​កើតឡើង​។ បើ​តាម​សមត្ថកិច្ច​ថា ករណី​ខាងលើ​នេះ អ្នក​បើករថយន្ត​នោះ​មិនដឹង​លោត​ចេញ ឬ​កៀប​ជាប់​នៅ​ក្នុង​រថយន្ត​ទេ ដោយ​សារ​តែ​ផ្ទះ​បាំង​ជិត​មើល​រថយន្ត​ពុំ​ចង់​ឃើញ មេឃ​ភ្លៀងហើយ​ងងឹត​ទៀត​កម្លាំង បាន​ស្រែកហៅ​ក៏​មិន​លឺ​ដើរ​ក​ក៏​ពុំ​ឃើញ​រថយន្ត​ម៉ាក​វេ​អង ផ្លា​ក​លេខ​3E ភ្នំពេញ​4191​។

Picture
DCIM\100MEDIA\DJI_0026.JPG

ចំណែក​ម្ចាស់​តូប​រង​គ្រោះ​មាន​ចំនូ​ន​៦​នាក់ ម្ចាស់​តូប​ទី​១-​ឈ្មោះ តឹក ម៉េ​ង​អឹង ភេទ​ប្រុស អាយុ​៣៥​ឆ្នាំ​ជនជាតិ​ខ្មែរ មុខរបរ​លក់ដូរ រង​បួស​ស្រាល ប្រពន្ធ​ឈ្មោះ​សម្បត្តិ ស្រី​តូច ភេទ​ស្រី អាយុ​៣១​ឆ្នាំ ជនជាតិ​ខ្មែរ រង​របួសស្រាល​។ ម្ចាស់​តូប​ទី​០២​-ឈ្មោះ​ខាំ សុភាព ភេទ​ស្រី ​អាយុ​៣៤​ឆ្នាំ​ ជនជាតិ​ខ្មែរ លក់ដូរ រង​របួសស្រាល និង​ឈ្មោះ​ខាំ សុ​ភ័​ណ្ឌ ភេទ​ស្រី អាយុ​២៧​ឆ្នាំ ជនជាតិ​ខ្មែរ មុខរបរ​កសិករ រង​របួសស្រាល​។ ម្ចាស់​តូប​ទី​៣ ឈ្មោះ​ហ៊ុន មូលី​កា ភេទ​ស្រី​អាយុ​២០​ឆ្នាំ​ ជនជាតិ​ខ្មែរ រង​របួស ស្រាល រស់នៅ​ភូមិ​សង្កាត់​កើតហេតុ​ខាងលើ​។

Picture

បច្ចុប្បន្ន​ ជន​រង​គ្រោះ​សម្រាក​ព្យាបាល​នៅផ្ទះ ចំណែក​រថយន្ត​នៅ​និង​កន្លែង​កើតហេតុ​ដដែល ដោយ​សមត្ថកិច្ច​កំពុង​យាម​នៅ​ទីនោះ​ចៀសវាង​មាន​គ្រោះថ្នាក់​ផ្សេង​កើតឡើង​ ៕

Picture
Picture
Picture
Picture
Picture
Picture
Picture