ប្រតិភូកីឡាស្រីលង្កាច្រើននាក់បាត់ខ្លួននៅអង់គ្លេស ក្រោមមូលហេតុម្យ៉ាង
អង់គ្លេស ៖ គិតរហូតមកទល់ពេលនេះ ចំនួនប្រតិភូកីឡារបស់ប្រទេសស្រីលង្កា ដែលមកចូលរួម
អង់គ្លេស ៖ គិតរហូតមកទល់ពេលនេះ ចំនួនប្រតិភូកីឡារបស់ប្រទេសស្រីលង្កា ដែលមកចូលរួម
អង់គ្លេស ៖ គិតរហូតមកទល់ពេលនេះ ចំនួនប្រតិភូកីឡារបស់ប្រទេសស្រីលង្កា ដែលមកចូលរួមប្រកួតព្រឹត្តិការណ៍កីឡាចម្រុះ Commonwealth Games 2022 នៅអង់គ្លេស ដែលបានបាត់ខ្លួន ត្រូវបានរាយការណ៍ថា កើនឡើងដល់១០នាក់ហើយ។ នៅក្នុងអ្វីដែលគេជឿថា អត្តពលិក និងមន្ត្រីមកពីប្រទេសអាស៊ីខាងត្បូងមួយនេះ កំពុងស្វែងរកការគេចវេះវិលត្រឡប់ទៅប្រទេសកំណើតវិញ ដែលកំពុងជួបវិបត្តិសេដ្ឋកិច្ច និងភាពចលាចលផ្នែកនយោបាយធ្ងន់ធ្ងរ។
កាលពីពេលកន្លងទៅថ្មីៗនេះ សមាគមកីឡា Commonwealth Games របស់ស្រីលង្កា បានបញ្ជាក់ថា អត្តពលិក២នាក់ និងគ្រូបង្វឹកម្នាក់បានបាត់ខ្លួន។ ប៉ុន្តែចំនួននេះបានកើនឡើងទ្វេដង។ ហើយដើម្បីជាវិធានការបង្ការ មន្ត្រីស្រីលង្កាបានសម្រេចដកហូតលិខិតឆ្លងដែនសមាជិកក្រុមទាំងអស់ ក្នុងគោលបំណងជៀសវាងអ្នកផ្សេងរត់គេចខ្លួន។ ប៉ុន្តែអាជ្ញាធរមូលដ្ឋានបានបញ្ជាឱ្យថ្នាក់ដឹកនាំក្រុមប្រគល់លិខិតឆ្លងដែនទៅសមាជិកខ្លួនទាំងអស់វិញ ដោយថា សកម្មភាពនេះ ជាការបំពា.នច្បាប់របស់ប្រទេសអង់គ្លេស។
ព្រឹត្តិការណ៍ Commonwealth Games 2022 បានធ្វើពិធីបើកជាផ្លូវការ កាលពីថ្ងៃទី២៨ ខែកក្កដា និងពិធីបិទ កាលពីថ្ងៃទី៨ ខែសីហា ឆ្នាំ២០២២ កន្លងទៅថ្មីៗនេះ។ ស្រីលង្កាបានបញ្ជូនអត្តពលិកចំនួន១១០នាក់ និងមន្ត្រីចំនួន៥១នាក់។ ខណៈដែលពួកគេបានបញ្ចប់ទៅដោយឈ្នះមេដាយសរុប៤គ្រឿង ប្រាក់១ និងសំរឹទ្ធិ៣។
សូមបញ្ជាក់ថា ការតវ៉ាទ្រង់ទ្រាយធំត្រូវបានធ្វើឡើងអស់ពេលជាច្រើនខែ នៅក្នុងប្រទេសស្រីលង្កា ជុំវិញការគ្រប់គ្រងសេដ្ឋកិច្ចមិនត្រឹមត្រូវរបស់រដ្ឋាភិបាលមុន ហើយសម្ពាធនេះ បានបង្ខំឱ្យលោកប្រធានាធិបតី Gotabaya Rajapaksa ភ្លៀសខ្លួនចេញពីប្រទេសកំណើត មុនពេលប្រកាសលាលែងពីតំណែងរបស់ខ្លួន។
ការតវ៉ានៅតែបន្ត បើទោះជាលោក Ranil Wickremesinghe ក្លាយជាប្រធានាធិបតីថ្មីយ៉ាងណាក៏ដោយ។ ដ្បិតបច្ចុប្បន្នប្រទេសនេះ កំពុងប្រឈមនឹងការខ្វះខាតស្បៀងអាហារ និងប្រេងឥន្ធនៈ។ ហើយរដ្ឋាភិបាលថែមទាំងអស់រូបិយប័ណ្ណបរទេស ដើម្បីទិញទំនិញសំខាន់ៗផងដែរ៕ (ប្រភពពី Inside The Games)
ចែករំលែកព័តមាននេះ