ឆក់យកជីវិតក្មេងស្រីបងប្អូនជីដូនមួយ២នាក់ក្នុងពេលតែមួយ
ខេត្តឧត្តរមានជ័យ ៖ ក្មេងស្រី២នាក់ជាបងប្អូនជីដូនមួយនឹងគ្នា ខណៈឪពុកម្តាយចំណាកស្រុកទៅធ្វើការនៅប្រទេសថៃ ចំណែកជីដូនរវល់យកលុយទៅបង់ធនាគារ ស្រាប់តែ …
ខេត្តឧត្តរមានជ័យ ៖ ក្មេងស្រី២នាក់ជាបងប្អូនជីដូនមួយនឹងគ្នា ខណៈឪពុកម្តាយចំណាកស្រុកទៅធ្វើការនៅប្រទេសថៃ ចំណែកជីដូនរវល់យកលុយទៅបង់ធនាគារ ស្រាប់តែលង់ទឹកស្រះក្រោយផ្ទះស្លាប់យ៉ាងអាណោចអាធ័ម ។ ហេតុការណ៍នេះបង្កឲ្យមានការភ្ញាក់ផ្អើលកាលពីវេលាម៉ោង២រសៀល ថ្ងៃទី១១ ខែមករា ឆ្នាំ២០១៧ នៅភូមិគោកព្រះកន្លង ហៅភូមិបន្ទាយថ្មី ឃុំចុងកាល់ ស្រុកចុងកាល់ ខេត្តឧត្តរមានជ័យ ។
ក្មេងស្រីរងគ្រោះទាំង២នាក់ ម្នាក់ឈ្មោះ វុត ដាវីត អាយុ៣ឆ្នាំ ម្តាយឈ្មោះ ឈឿម តោន អាយុ២៧ឆ្នាំ ជាស្ត្រីមេម៉ាយ និងម្នាក់តៀតឈ្មោះ តាន ស៊ីខា អាយុ៣ឆ្នាំ ឪពុកឈ្មោះ ឈឿម តាន អាយុ២៣ឆ្នាំ ម្តាយឈ្មោះ តឹក ភឿក អាយុ២៥ឆ្នាំ មុខរបរកសិករ រស់នៅភូមិឃុំកើតហេតុខាងលើ តែបានធ្វើចំណាកស្រុកទៅរកការងារនៅប្រទេសថៃ ហើយទុកកូនឱ្យជីដូនឈ្មោះ ព្រំ ភឿ អាយុ៥០ឆ្នាំ ជាអ្នកមើថែទាំ ។
សមត្ថកិច្ចនគរបាលស្រុកចុងកាល់បានឱ្យដឹងថា ក្មេងស្រីរងគ្រោះទាំង២នាក់ត្រូវបងប្អូនជីដូនមួយនឹងគ្នា ហើយឪពុកម្តាយបានធ្វើចំណាកស្រុកទៅប្រទេសថៃ ដោយទុកកូននៅជាមួយជីដូនជាអ្នកមើលថែ ។
សមត្ថកិច្ចឲ្យដឹងទៀតថា មុនពេលកើតហេតុ ជីដូនបានយកលុយទៅបង់ធនាគារ ហើយទុកចៅនៅផ្ទះ ពេលត្រឡប់មកវិញមិនឃើញចៅ ដើរកក៏មិនឃើញ ដើរសួរគេឯងក្បែៗផ្ទះនៅតែមិនឃើញទៀត ទើបមានការសង្ស័យនាំគ្នាចុះរាវក្នុងស្រះដែលស្ថិតនៅខាងក្រោយផ្ទះចម្ងាយ៣០ម៉ែត្រ ស្រាប់តែប្រទះឃើញចៅ តែហួសពេលបាត់ទៅហើយ គឺចៅបានស្លាប់បាត់ទៅហើយ ។
ក្រោយពេលកើតហេតុ សមត្ថកិច្ចជំនាញបានចុះទៅធ្វើកោសល្សវិច្ច័យឃើញថា ក្មេងស្រីទាំង២នាក់នេះពិតជាបានលង់ទឹកស្លាប់ពិតប្រាកដមែន រួចប្រគល់សពទៅឱ្យឪពុកម្តាយយកទៅធ្វើបុណ្យទៅតាមប្រពៃណី ៕
ចែករំលែកព័តមាននេះ