រលកធាតុអាកាសត្រជាក់ខ្លាំងនៅបន្តក្នុងទ្វីបអឺរ៉ុបជាមួយមនុស្សស្លា.ប់ថ្មី៧នាក់ទៀតនៅតំបន់បាល់កង់ ៦នាក់នៅប៉ូឡូញ និងច្រើននាក់នៅរូម៉ានីធ្វើឱ្យតុល្យការសរុបនៃអ្នកស្លា.ប់ឡើងដល់ប្រមាណជា៦០នាក់ហើយ ។
រលកធាតុអាកាសត្រជាក់ខ្លាំងនៅបន្តក្នុងទ្វីបអឺរ៉ុបជាមួយមនុស្សស្លាប់ថ្មី៧នាក់ទៀតនៅតំបន់បាល់កង់ ៦នាក់នៅប៉ូឡូញ និងច្រើននាក់នៅរូម៉ានីធ្វើឱ្យតុល្យការសរុបនៃអ្នកស្លាប់ឡើងដល់ប្រមាណជា៦០នាក់ហើយ ។
នៅប៉ូឡូញជាប្រទេសរងការប៉ះពាល់ខ្លាំងជាងគេ មនុស្ស៦នាក់ទៀតស្លាប់កាលពីថ្ងៃទី៩ មករា ខណៈសីតុណ្ហភាពធ្លាក់ក្រោម២០អង្សាសេក្រោមសូន្យក្នុងតំបន់មួយចំនួន ។
នៅរ៉ូម៉ានីក្រសួងសុខាភិបាលផ្តល់តួលេខផ្លូវការពីមនុស្សស្លាប់៦នាក់ ។ ប្រទេសរូម៉ានីទាំងមូលស្ថិតក្នុងការប្រកាសអាសន្នអាកាសធាតុត្រជាក់កាលពីថ្ងៃទី១០ មករា ។ សីតុណ្ហភាពធ្លាក់ចុះដល់៣២អង្សាសេក្រោមសូន្យនៅភាគកណ្តាលប្រទេស ហើយការត្រជាក់ខ្លាំងញ៉ាំងឱ្យបិទទ្វារសាលារៀននៅទីក្រុងប៊ុយការេស្ត និងនៅខេត្ត CONSTANTA ភាគអាគ្នេយ៍ ។
នៅស្លូវ៉ាគី មនុស្ស៤នាក់ស្លាប់ចាប់តាំងពីថ្ងៃទី៦ មករា មក ដោយត្រជាក់ខ្លាំង ។ នៅតំបន់បាល់កង់ មនុស្ស៧នាក់ត្រូវបានរាយការណ៍ថា ស្លាប់រយៈពេល២៤ម៉ោងចុងក្រោយ គឺនៅស៊ែរប៊ីមានមនុស្សស្លាប់៣នាក់ ម៉ាសេដូនី៣នាក់ និងអាល់បានីម្នាក់ ។
ការធ្វើនាវាចរណ៍កាត់ទន្លេ DANUBE ត្រូវផ្អាកកាលពីថ្ងៃទី១០ មករា រហូតដល់មានបទបញ្ជាថ្មី ព្រោះតែផ្ទាំងទឹកកកកើតក្នុងទន្លេនេះ ។ ចំណែកបណ្តាកំពង់ផែជាប់សមុទ្រខ្មៅ ក៏ត្រូវបិទដែរកាលពីថ្ងៃទី១០ មករា ព្រោះខ្យល់ខ្លាំង ៕
ចែករំលែកព័តមាននេះ