រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា បុរសម្នាក់បានធ្វើសកម្មភាពល្បួងក្មេងស្រីទើបអាយុ១០ឆ្នាំម្នាក់នាំទៅរំលោ.ភសេពសន្ថវៈបានសម្រេចជាបន្តបន្ទាប់រហូត៤លើក ដោយជាថ្នូរនឹងប្រាក់បន្តិចបន្តួចតែប៉ុណ្ណោះ ហើយក្រោយមករឿងនេះក៏បានបែកធ្លាយដឹងដល់ឪពុកម្ដាយក្មេងស្រីរងគ្រោះ រួចក៏ប្ដឹងឲ្យនគរបាលចាប់ខ្លួនបុរសរូបនោះមកសាកសួរ និងកសាងសំណុំរឿងបញ្ជូនទៅសាលាដំបូងរាជធានីភ្នំពេញ ចាត់ការតាមច្បាប់តែម្ដង។ ហេតុការណ៍នេះ បានឡើងជាលើកចុងក្រោយ កាលពីវេលាម៉ោង១២ថ្ងៃត្រង់ ថ្ងៃទី៥ ខែសីហា ឆ្នាំ២០២២ នៅចំណុចដីវាលជិតវត្តអង្គកំពង់ថ្មកែវ ស្ថិតក្នុងភូមិអង្គ សង្កាត់ប្រទះឡាង ទណ្ឌកំបូល រាជធានីភ្នំពេញ ។
សេចក្តីរាយការណ៍បន្តថា បុរសសង្ស័យខាងលើនេះ មានឈ្មោះ ម៉ម ស្រស់ អាយុ៥៣ឆ្នាំ មុខរបរកម្មករ ស្នាក់នៅផ្ទះគ្មានលេខ ស្ថិតក្នុងភូមិអង្គ សង្កាត់កើតហេតុខាងលើ ដោយឡែកក្មេងស្រីរងគ្រោះមានអាយុទើប១០ឆ្នាំតែប៉ុណ្ណោះ ។
បើតាមនគរបាលផ្នែកព្រហ្មទណ្ឌខណ្ឌកំបូល បានប្រាប់ឲ្យដឹងថា ជនសង្ស័យបានលួងលោមក្មេងស្រីឲ្យជិះម៉ូតូជាមួយខ្លួន រួចបានឌុបនាំទៅកន្លែងស្ងាត់ ហើយក៏ចាប់រំលោ.ភសេពសន្ថវៈរហូតបានសម្រេចចំនួន៤ដងតែម្តង ។ លុះក្រោយពេលសម្រេច បុរសរូបនេះក៏បានឲ្យប្រាក់ទៅក្មេងស្រីរងគ្រោះបន្តិចបន្តួចតែប៉ុណ្ណោះ ដើម្បីកុំឲ្យយករឿងនោះទៅប្រាប់ឪពុកម្ដាយ។ ប៉ុន្តែចុងក្រោយ ដោយមានការងឿងឆ្ងល់ ព្រោះឃើញកូនជិះម៉ូតូ និងស្និទ្ធស្នាលជាមួយជនសង្ស័យពេក ឪពុកម្ដាយក៏បានជជីកសួរ រហូតបែកធ្លាយរឿងដែលកើតឡើង ទើបឪពុកម្ដាយនាំកូនស្រីទៅដាក់ពាក្យប្ដឹងឲ្យនគរបាលឃាត់ខ្លួនជននេះតែម្ដង។
នគរបាលដដែលបានប្រាប់ឲ្យដឹងបន្តទៀតថា ក្រោយចាប់ខ្លួននាំទៅសាកសួរនៅអធិការដ្ឋាននគរបាលខណ្ឌកំបូល ខណៈនោះជនសង្ស័យខាងលើបានសារភាពថា «ខ្លួនពិតជាបានធ្វើសកម្មភាពល្បួងក្មេងស្រីរូបនោះទៅរំលោ.ភសេពសន្ថវៈបានសម្រេចចំនួន៤លើកពិតមែន»។ ដោយក្នុងនោះ លើកទី១ នៅថ្ងៃទី២៧ ខែកក្កដា ឆ្នាំ២០២២ ចំណុចដីទួលក្រោយផ្ទះ លើកទី២ នៅថ្ងៃទី២៩ ខែកក្កដា ឆ្នាំ២០២២ ចំណុចវាលស្រែក្បែរភូមិ, លើកទី៣ នៅថ្ងៃទី០១ ខែសីហា ឆ្នាំ២០២២ នៅចំណុចបឹងឈូកជិតវត្តអង្គកំពង់ថ្មកែវ ។ ទាំង៣លើកនេះ ក្មេងស្រីអត់បានប្រាប់ឲ្យឪពុកម្ដាយដឹងទេ លុះលើកទី៤ ជាលើកចុងក្រោយនៅថ្ងៃ០៤ ខែសីហា ឆ្នាំ២០២២ នៅចំណុចបឹងឈូកជិតវត្តអង្គកំពង់ថ្មកែវដដែលនោះ ទើបប្រាប់ឲ្យឪពុកម្ដាយដឹង រហូតឈានដល់ការចាប់ខ្លួនតែម្ដង»។
ជនសង្ស័យបានសារភាពប្រាប់នគរបាលបន្ថែមទៀតថា »នៅលើកទី៤នោះ ខណៈក្មេងស្រីរងគ្រោះកំពុងអង្គុយលេងនៅក្នុងផ្ទះម្នាក់ឯង ខ្លួនក៏បានជិះម៉ូតូ១គ្រឿងចេញពីផ្ទះរបស់ខ្លួនទៅបបួលក្មេងស្រីរងគ្រោះទៅវាលស្រែ ដោយប្រាប់នាងថា ទៅប្ដូរស្បៃមងដាក់ត្រី ។ ពេលនោះក្មេងស្រីរងគ្រោះក៏បានយល់ព្រម ហើយឡើងជិះម៉ូតូជាមួយខ្លួន លុះពេលទៅដល់ចំណុចជិតវត្តអង្គកំពង់ថ្មកែវ ស្ថិតក្នុងភូមិអង្គ មានសភាពស្ងាត់ ខ្លួនក៏បានឈប់ម៉ូតូនៅដីវាល រួចបានចាប់រុញក្មេងស្រីរងគ្រោះផ្ដួលទៅលើដីទួល ហើយធ្វើសកម្មភាពរហូតបានសម្រេច។ បន្ទាប់មកបានប្រាប់កុំឲ្យក្មេងស្រីប្រាប់ឪពុកម្ដាយឲ្យសោះ ហើយបានដកលុយពីហោប៉ៅចំនួន២ពាន់រៀល និងក្រវិលកំប៉ុងស្រាបៀរដែលមានរង្វាន់១ ទៅឲ្យក្មេងស្រីរងគ្រោះ រួចឌុបនាងត្រឡប់ទៅផ្ទះវិញ។
បើតាមនគរបាលបានបញ្ជាក់ប្រាប់ថា ក្រោយពេលត្រឡប់ដល់ផ្ទះវិញ ដោយមានការងឿងឆ្ងល់ ដោយឃើញកូនស្រីជិះម៉ូតូ និងស្និទ្ធស្នាលជាមួយជនសង្ស័យ ឪពុកម្ដាយក៏បានជជីកសួររហូតបែកធ្លាយរឿងដែលកើតឡើង ទើបឪពុកម្ដាយនាំកូនស្រីទៅដាក់ពាក្យប្ដឹងឲ្យនគរបាលជួយឃាត់ខ្លួនជននេះតែម្ដង។ បន្ទាប់ពីសួរចម្លើយទទួលបានការសារភាព និងកសាងសំណុំរឿងសព្វគ្រប់ហើយ កម្លាំងក៏បានបញ្ជូនជនសង្ស័យទៅកាន់សាលាដំបូងរាជធានីភ្នំពេញ ដើម្បីចាត់ការតាមច្បាប់៕
ចែករំលែកព័តមាននេះ