ចិនថា អាមេរិកជាអ្នកបង្កើតភាពតានតឹងបច្ចុប្បន្ននៅច្រកសមុទ្រតៃវ៉ាន់
ចិន ៖ ក្រសួងការពារជាតិចិន នៅថ្ងៃចន្ទ ទី ៨ សីហានេះ បានការពារការផ្អាកកិច្ចចរចារផ្នែកយោធា
ចិន ៖ ក្រសួងការពារជាតិចិន នៅថ្ងៃចន្ទ ទី ៨ សីហានេះ បានការពារការផ្អាកកិច្ចចរចារផ្នែកយោធា
ចិន ៖ ក្រសួងការពារជាតិចិន នៅថ្ងៃចន្ទ ទី ៨ សីហានេះ បានការពារការផ្អាកកិច្ចចរចារផ្នែកយោធាជាមួយនឹងសហរដ្ឋអាមេរិកដើម្បីប្រឆាំងនឹងដំណើរទស្សនកិច្ចរបស់ប្រធាសភាអាមេរិក ដោយទីក្រុងប៉េកាំងព្រមានថា ទីក្រុងវ៉ាស៊ីនតោនត្រូវតែទទួលខុសត្រូវលើផលវិបាកធ្ងន់ធ្ងរ។
ដំណើរទស្សនកិច្ចរបស់លោកស្រី Pelosi បានធ្វើឲ្យចិនខឹងសម្បារយ៉ាងខ្លាំង និងបានធ្វើសមយុទ្ធក្នុងដែនទឹកជុំវិញកោះតៃវ៉ាន់ ព្រមទាំងដាក់ទណ្ឌកម្មលើលោកស្រី Pelosi និងគ្រួសាររបស់គាត់ទៀតផង។
«ស្ថានភាពតានតឹងនាពេលបច្ចុប្បន្ននៅច្រកសមុទ្រតៃវ៉ាន់ត្រូវបានបង្ក និងបង្កើតឡើងទាំងស្រុងដោយភាគីអាមេរិក ហើយអាមេរិកត្រូវតែទទួលខុសត្រូវទាំងស្រុងសម្រាប់រឿងនេះ»។ នេះជាការថ្លែងរបស់អ្នកនាំពាក្យក្រសួងការពារជាតិចិន Wu Qian។
លោកថ្លែងថា «ចំណុចដ៏សំខាន់បំផុតមិនអាចបំបែកបាននោះទេ ហើយការទំនាក់ទំនងគ្នាទាមទារភាពស្មោះត្រង់»។
ចិនបានលុបចោលកិច្ចពិភាក្សាផ្លូវការសំខាន់ៗជាច្រើនជាមួយនឹងអាមេរិកកាលពីថ្ងៃសុក្រកន្លងទៅនេះ ខណៈដែលប្រធានសភាអាមេរិកចាកចេញពីតំបន់។
មន្ទីរបញ្ចាកោណ ក្រសួងការបរទេស និងមន្ត្រីសេតវិមានអាមេរិកបានថ្កោលទោសចំណាត់ការរបស់ចិន ដោយហៅវាថាជាប្រតិកម្មហួសហេតុដែលគ្មានការទទួលខុសត្រូវ។
អ្នកការទូត និងក្រុមអ្នកវិភាគបាននិយាយថា ការកាត់ផ្តាច់នាក់ទំនងមួយចំនួនរបស់ចិនជាមួយយោធាអាមេរិក បង្កើនហានិភ័យលើកោះតៃវ៉ាន់៕ (យោងតាមប្រភព៖ Reuters)
ចែករំលែកព័តមាននេះ