ADផ្ទាំងផ្សព្វផ្សាយពាណិជ្ជកម្ម

Picture

ប្រកាសអង្វរចោរសង្ហារយកទូរស័ព្ទដៃឲ្យជនរងគ្រោះជាអ្នកចាក់សំាង និងជានិស្សិតក្រីក្រវិញ

1 ខែ មុន
  • ភ្នំពេញ

បុរស​ជា​ចោរលួច​ទូរស័ព្ទ​ដៃ អ្នក​ចាក់​សាំង​ដែល​ជា​និស្សិត​ក្រីក្រ​ឡើង​មក​សិក្សា​នៅ​ភ្នំពេញ បាន​បើក​ម៉ូតូ​មួយ​គ្រឿង​ចូល​ស្ថានីយ៍​ចាក់​សាំង​ដូច​ភ្ញៀវ​ធម្មតា បន្ទាប់​មក​បាន​លួច​ទូរស័ព្ទ​អ្នក​ចាក់​សាំង​បាត់​តែ​ម្តង​។ លោក​ចោរ​បាន​ចាក់​សាំង​មួយ​លី​ត្រ ចាក់​ហើយ​ឃើញ​ឱកាសល្អ​ដែល​ទូរស័ព្ទ​បុគ្គលិក​ចាក់​សាំង​ទុក​ចោល​នៅ​ឆ្ងាយ​ពី​ដៃ និង​សង្កេត​ឃើញ​ថា​អ្នក​ចាក់​សាំង​រូប​នេះ​កំពុង​រវល់​ពី​វក់​ក្នុង​ការ​សាក់​សាំង​ឲ្យ​ម៉ូតូ ឡាន ឲ្យ​ភ្ញៀវ ខ្លួន​ក៏​ធ្វើ​សកម្មភាព​លួច​តែ​ម្តង…

បុរស​ជា​ចោរលួច​ទូរស័ព្ទ​ដៃ អ្នក​ចាក់​សាំង​ដែល​ជា​និស្សិត​ក្រីក្រ​ឡើង​មក​សិក្សា​នៅ​ភ្នំពេញ បាន​បើក​ម៉ូតូ​មួយ​គ្រឿង​ចូល​ស្ថានីយ៍​ចាក់​សាំង​ដូច​ភ្ញៀវ​ធម្មតា បន្ទាប់​មក​បាន​លួច​ទូរស័ព្ទ​អ្នក​ចាក់​សាំង​បាត់​តែ​ម្តង​។

Picture

លោក​ចោរ​បាន​ចាក់​សាំង​មួយ​លី​ត្រ ចាក់​ហើយ​ឃើញ​ឱកាសល្អ​ដែល​ទូរស័ព្ទ​បុគ្គលិក​ចាក់​សាំង​ទុក​ចោល​នៅ​ឆ្ងាយ​ពី​ដៃ និង​សង្កេត​ឃើញ​ថា​អ្នក​ចាក់​សាំង​រូប​នេះ​កំពុង​រវល់​ពី​វក់​ក្នុង​ការ​សាក់​សាំង​ឲ្យ​ម៉ូតូ ឡាន ឲ្យ​ភ្ញៀវ ខ្លួន​ក៏​ធ្វើ​សកម្មភាព​លួច​តែ​ម្តង ។

វី​ដេ​អូ​កាមេរ៉ា​សុវត្ថិភាព បង្ហាញ​ឲ្យ​ឃើញ​ថា លោក​ចោរ​បាន​រម្កិល​ម៉ូតូ​ខ្លួន ដែល​បញ្ចេះ​ជា​ស្រេច​ទៅ​ជិត​ទូរស័ព្ទ​ដៃ​ជន​រង​គ្រោះ​ដែល​ទុក​ឆ្ងាយ​ពី​ខ្លួន​ប្រមាណ​ពីរ ឬ​បី​ម៉ែត្រ ។ លោក​ចោរ​បាន​លូកដៃ​ទាញ​យក​ទូរស័ព្ទ​នោះ​យ៉ាង​សុវត្ថិភាព ហើយ​បើក​ម៉ូតូ​ចេញ​បាត់​ស្រមោល ។

Picture

នៅ​ពេល​កម្មករ​ចាក់​សាំង​បាត់​ទូរស័ព្ទ មិត្តភក្តិ​រួមការ​ងារ​បាន​ឆោ​រ​ឡោ ហើយ​ទៅ​ពិនិត្យ​កាមេរ៉ា​សុ​ត្ថិ​ភាព​ទើប​ដឹង​ថា ទូរស័ព្ទ​ដៃ​ត្រូវ​បាន​លោក​ចោរ​សង្ហារ​លួច​យក​ទៅ​បាត់​ហើយ ។ ក្រោយ​បាត់​គ្មាន​អ្វី​ក្រៅពី​អំពាវនាវ​ឲ្យ​លោក​ចោរ​យក​ទូរស័ព្ទ​ដៃ​នោះ​មក​ប្រគល់​ឲ្យ​ជន​រង​គ្រោះ​វិញ ។

បុគ្គលិក​ចាក់​សាំង​នៅ​ស្ថានីយ​ចាក់​សាំង​មួយ​កន្លែង​ក្នុង​សង្កាត់​ក្រាំងធ្នង់​នោះ បាន​ចែកចាយ​នៅ​លើ​បណ្តាញ​សង្គម​នូវ​ការ​អំពាវនាវ​របស់​ពួក​គេ​ឲ្យ​លោក​ចោរ​ព្រមយក​ទូរស័ព្ទ​ដៃ​នោះ​មក​ប្រគល់​ឲ្យ​ជន​រង​គ្រោះ​វិញ ត្បិត​អី​ជន​រង​គ្រោះជា​និស្សិត​ក្រីក្រ​ម្នាក់​ទើប​ឡើង​មក​រៀន​នៅ​ភ្នំពេញ​ថ្នាក់​មហាវិទ្យាល័យ​ក្នុង​ឆ្នាំ​ទី​១ ដោយ​ប្រកបរ​បរជា​កម្មករ​ចាក់​សាំង គ្រាន់​បាន​ប្រាក់​បៀរ​វត្សរ៍​ប្រមាណ​២​រយ​ដុល្លារ​ក្នុង​មួយ​ខែ សម្រាប់​ផ្គត់ផ្គង់​ការ​សិក្សា និង​ការ​រស់នៅ​ក្នុង​ក្រុង ។

Picture

ទូរស័ព្ទ​ដៃ​ដែល​លោក​ចោរ​អាច​យក​ទៅ​លក់​បាន​ប្រមាណ​១០០​ដុល្លារ​នោះ​មាន​តម្លៃ​ខ្លាំង​ណាស់ សម្រាប់​និស្សិត​ក្រីក្រ​រូប​នេះ គាត់​បាន​សន្សំ​ប្រាក់​ច្រើន​ខែ​ណាស់​ទម្រាំ​អាច​ទិញ​វា​បាន​មក​ប្រើ​នឹង​គេ ។ ចោរ​បាន​លូច​ទូរស័ព្ទ​ដៃ​និស្សិត​ក្រីក្រ​រូប​នោះ តាំងពី​ថ្ងៃ​ទី​៥ សីហា រហូត​មក​ដល់​ពេល​នេះ មិន​ទាន់​ឃើញ​លោក​ចោរ​យក​ទូរស័ព្ទ​ដៃ​នោះ​មក​ប្រគល់​ឲ្យ​ជន​រង​គ្រោះ​វិញ​នៅឡើយ​ទេ ។

ទោះ​មាន​សង្ឃឹម​តិច តែ​បុគ្គលិក​ចាក់​សាំង​នៅ​ទីនោះ នៅ​តែ​បន្ត​ធ្វើការ​អំពាវនាវ​ឲ្យ​លោក​ចោរ​ធ្វើ​ជា​ចោរ​ចិត្តធម៌​យក​ទូរស័ព្ទ​ដៃ​នោះ​មក​ឲ្យ​ជន​រង​គ្រោះ​វិញ ។ រហូត​មក​ដល់​ពេល​នេះ កម្មករ​ចាក់​សាំង​នោះ​នៅ​ពុំ​ទាន់​មាន​ប្រាក់​ទិញ​ទូរស័ព្ទ​ដៃ​ប្រើ​ជា​ថ្មី​នៅឡើយ​ទេ ។​កាមេរ៉ា​សុវត្ថិភាព​បាន​បង្ហាញ​ពី​រូបភាព​ពី​សកម្មភាព​លោក​ចោរ​ធ្វើ​សកម្មភាព​យ៉ាង​ច្បាស់​ក្រលែត និង​ថត​បាន​ស្លាក់​លេខ​ម៉ូតូ ជនល្មើស​ទៀត​ផង ។

Picture

បើ​តាម​អ្នកធ្វើការ​នៅ​ស្ថានីយ​ន​ចាក់​សាំង​នោះ​អះអាង​ថា លោក​ចោរ​ដដែល​នេះ​ធ្លាប់​ធ្វើ​សកម្មភាព​លួច​នៅ​ទីនោះ​ម្តង​ហើយដោយ​ធ្វើ​សកម្មភាព​ជាមួយ​ម៉ូតូ​មាន​ស្លាក​លេច​ដដែល​នេះ ។ ព័ត៌មាន​នេះ​អាច​ជា​ព័ត៌មាន ដើម្បី​រំលឹក​ដល់​អ្នក​ចាក់​សាំង​ដទៃ​ទៀត​ឲ្យ​មានការ​ប្រុង​ប្រយ័ត្ន​ពី​សកម្មភាព​ចូល​លួច​ដែល​ចោរ​បាន​ធ្វើ​ដូច​ជា អ្នក​ចាក់​សាំង ធម្មតា ជា​ទូទៅ​នោះ​មិន​អាច​កត់សម្គាល់​បាន​ឡើយ ហើយ​កុំ​អាង​ទៅ​លើ​កាមេរ៉ា​សុ​ត្ថិ​ភាព ដែល​អាច​ថត​បាន​តែ​សកម្មភាព​ចោរលួច​ប៉ុណ្ណោះ មិន​អាច​ចាប់ចោរ​បាន​ទាន់​ពេលវេលា​ឡើយ ៕

Picture
Picture
Picture