AFF U16 ៖ កម្ពុជាអាចឡើងទៅវគ្គបន្ទាប់បាន ស៊ីសងលើលទ្ធផលនៅល្ងាចនេះ
ឥណ្ឌូណេស៊ី ៖ គិតរហូតមកទល់ពេលនេះ នៅក្នុងពានរង្វាន់ជើងឯកអាយុក្រោម១៩ឆ្នាំ ប្រចាំតំបន់
ឥណ្ឌូណេស៊ី ៖ គិតរហូតមកទល់ពេលនេះ នៅក្នុងពានរង្វាន់ជើងឯកអាយុក្រោម១៦ឆ្នាំ ប្រចាំតំបន់អាស៊ានឆ្នាំ ២០២២ (AFF U-16 Youth Championship 2022) ដែលរៀបចំឡើងនៅប្រទេសឥណ្ឌូណេស៊ី បានរកឃើញ២ក្រុមរួចហើយគឺម្ចាស់ផ្ទះ ឥណ្ឌូណេស៊ី និងថៃ ដែលបានកក់កៅអីវគ្គពាក់កណ្តាលផ្តាច់ព្រ័ត្រ។ ខណៈកម្ពុជាត្រូវរង់ចាំអ៊ុតលទ្ធផលការប្រកួតបិទពូល C នៅល្ងាចនេះ។
សម្រាប់រសៀលនេះ មានការប្រកួត២គូដែលជាជំនួបបិទពូល C ក្នុងនោះ មីយ៉ាន់ម៉ា ត្រូវប៉ះ កម្ពុជា នៅម៉ោង៣រសៀល នៅឯកីឡដ្ឋាន Sultan Agung។ ស្របពេលម៉ោងជាមួយគ្នានោះ ម៉ាឡេស៊ី ក៏ត្រូវប៉ះ អូស្ត្រាលី នៅឯកីឡដ្ឋាន Maguwoharjo។
តាមរូបមន្តពានរង្វាន់នេះ បានបែងចែកជា៣ពូល (A,B,C)។ ដោយក្រុមលេខ១តាមពូលនិមួយៗ មានសិទ្ធិឡើងទៅវគ្គពាក់កណ្តាលផ្តាច់ព្រ័ត្រដោយស្វ័យប្រវត្តិ។ ហើយសល់១ក្រុមទៀត ត្រូវជ្រើសចេញពីក្រុមលេខ២ល្អជាងគេក្នុងចំណោមពូលទាំង៣។
បច្ចុប្បន្នវៀតណាមកំពុងឈរជាក្រុមលេខ២ល្អជាងគេបណ្តោះអាសន្ន ក្រោយបញ្ចប់ក្នុងពូល A មាន៦ពិន្ទុ ជាមួយគ្រាប់បាល់ចំណេញ៨គ្រាប់។ ដើម្បីអាចបន្តឡើងទៅវគ្គពាក់កណ្តាលផ្តាច់ព្រ័ត្រ កម្ពុជាត្រូវការឈ្នះមីយ៉ាន់ម៉ាជាចាំបាច់ក្នុងករណីម៉ាឡេស៊ី ចាញ់ឬស្មើ អូស្ត្រាលី។ ឬម្យ៉ាងទៀត កម្ពុជាត្រូវការឈ្នះមីយ៉ាន់ម៉ាចាប់ពី១០គ្រាប់ឡើង ដោយពុំចាំបាច់ខ្វល់ពីលទ្ធផលរវាងម៉ាឡេស៊ី និងអូស្ត្រាលីឡើយ ដើម្បីឡើងទៅជុំបន្ទាប់ក្នុងនាមជាក្រុមលេខ២ល្អជាងគេ៕
ក្រុមស្ថិតក្នុងតំណែងក្រុមលេខ២ល្អជាងគេនៅពេលនេះ
ចែករំលែកព័តមាននេះ