ចាប់ខ្លួនបុរសម្នាក់ រួចស្តាប់ចម្លើយភាព ទើបដឹងថាលក់បាន២ពាន់បាតចាយអស់ហើយ
- បន្ទាយមានជ័យ
សមត្ថកិច្ចឃាត់ខ្លួនជនសង្ស័យម្នាក់ដែលធ្វើសកម្មភាពលួចកុំព្យូទ័រ និងទូរស័ព្ទ រួចយកទៅលក់បានប្រាក់ចំនួន២.០០០បាត ត្រូវ
សមត្ថកិច្ចឃាត់ខ្លួនជនសង្ស័យម្នាក់ដែលធ្វើសកម្មភាពលួចកុំព្យូទ័រ និងទូរស័ព្ទ រួចយកទៅលក់បានប្រាក់ចំនួន២.០០០បាត ត្រូវ
ខេត្តបន្ទាយមានជ័យ ៖ បើតាមសេចក្តីរាយការណ៍បានឱ្យដឹងថា សមត្ថកិច្ចឃាត់ខ្លួនជនសង្ស័យម្នាក់ដែលធ្វើសកម្មភាពលួចកុំព្យូទ័រ និងទូរស័ព្ទ រួចយកទៅលក់បានប្រាក់ចំនួន២.០០០បាត ត្រូវបានបញ្ជូនទៅសាលាដំបូងខេត្តបន្ទាយមានជ័យ នៅថ្ងៃទី០៧ ខែសីហា ឆ្នាំ២០២២។
លោកវរសេនីយ៍ត្រី នួន នីណារ៉ូ មេបញ្ជាការកងរាជអាវុធហត្ថក្រុងប៉ោយប៉ែត បានប្រាប់ថា ជនសង្ស័យខាងលើមានឈ្មោះ សំណាង រតនា ហៅចរិយា ភេទប្រុស អាយុ៣២ឆ្នាំ ស្នាក់នៅភូមិមិត្តភាព សង្កាត់-ក្រុងប៉ោយប៉ែត មានស្រុកកំណើតភូមិ-ឃុំភ្នំលៀប ស្រុកព្រះនេត្រព្រះ។
លោកបានបញ្ជាក់ថា ក្រោយពីទទួលពាក្យបណ្តឹងឈ្មោះ ងួន ចាន់ដារ៉ា ភេទប្រុស អាយុ៣៧ឆ្នាំ រស់នៅភូមិមិត្តភាព សង្កាត់-ក្រុងប៉ោយប៉ែត បានប្តឹងជនសង្ស័យដែលធ្វើសកម្មភាពលួចកុំព្យូរទ័រ១គ្រឿង និងទូរស័ព្ទដៃ១គ្រឿង កាលពីវេលាម៉ោង៣យប់រំលងអធ្រាត្រកាលពីថ្ងៃទី០៥ ខែសីហា ឆ្នាំ២០២២ ស្ថិតភូមិមិត្តភាព សង្កាត់-ក្រុងប៉ោយប៉ែត។
លោកវរសេនីយ៍ត្រី នួន នីណារ៉ូ បានបញ្ជាក់ថា ក្រោយពីទទួលពាក្យបណ្តឹងពីជនរងគ្រោះ កម្លាំងកងរាជអាវុធហត្ថក្រុងប៉ោយប៉ែត បានធ្វើការស្រាវជ្រាវ និងកំណត់មុខសញ្ញាឃាត់ខ្លួនជនសង្ស័យបានម្នាក់ នៅថ្ងៃទី០៦ ខែសីហា ឆ្នាំ២០២២ ក្នុងភូមិមិត្តភាព សង្កាត់-ក្រុងប៉ោយប៉ែត ។ ជនសង្ស័យត្រូវបាននាំខ្លួនយកមកសាកសួរ ហើយបើតាមចម្លើយសារភាពថា ទូរស័ព្ទដៃដែលលួចបាន១គ្រឿងនោះ យកទៅលក់បានតម្លៃ២.០០០បាត ស៊ីចាយអស់លុយហើយ ក្រោយសាកសួរ សមត្ថកិច្ចបានកសាងសំណុំរឿងបញ្ជូនខ្លួនជនសង្ស័យទៅកាន់សាលាដំបូងខេត្តបន្ទាយមានជ័យ ដើម្បីចាត់ការតាមច្បាប់៕
ចែករំលែកព័តមាននេះ